ਭਿੰਡਰ , 26 ਮਾਰਚ 2021 ( ਜਸਮੇਲ ਗ਼ਾਲਿਬ / ਮਨਜਿੰਦਰ ਗਿੱਲ )
ਭਿੰਡਰਾਂ ਪਿੰਡ ਦੀ ਕਿਸਾਨ ਯੂਨੀਅਨ ਨੂੰ ਸੇਵਾ ਦੇ ਰੂਪ ਵਿੱਚ ਪੱਕੇ ਤੌਰ ਤੇ ਗੱਡੀ ਲੈ ਕੇ ਦਿੱਤੀ । ਅੱਜ ਜਿੱਥੇ ਪੰਜਾਬ ਦਾ ਕਿਸਾਨ , ਆਪਣੀਆਂ ਜਮੀਨਾਂ ਬਚਾਉਣ ਲਈ ਕਾਰਪੋਰੇਟ ਘਰਾਣਿਆਂ ਦੀ ਮਦਦ ਕਰਦੀ ਕੇਂਦਰ ਦੀ ਸਰਕਾਰ ਨਾਲ ਫੈਸਲਾਕੁੰਨ ਲੜਾਈ ਲੜ ਰਿਹੈ ਹੈ । ਉਥੇ ਹੀ ਪੰਜਾਬੀ ਦਾਨੀ ਸੱਜਣ ਆਪਣੀ ਕਿਰਤ ਕਮਾਈ ਵਿੱਚੋ ਆਪਣਾ ਦਸਵੰਧ ਕੱਢ ਕੇ ਕਿਸਾਨ ਮੋਰਚੇ ਦੀ ਆਰਥਿਕ ਮੱਦਦ ਵੀ ਕਰ ਰਹੇ ਹਨ । ਇਸ ਕੜੀ ਤਹਿਤ ਪਿੰਡ ਭਿੰਡਰ ਖੁਰਦ ( ਮੋਗਾ ) ਦੇ ਸਵ ਕੈਪਟਨ ਗੁਰਦਿਆਲ ਸਿੰਘ ਜੀ ਦੇ ਦੋ ਸਪੁੱਤਰਾਂ ਜਗਦੀਪ ਸਿੰਘ ਅਤੇ ਹਰਦੀਪ ਸਿੰਘ ਕਨੈਡੀਅਨ ਵੱਲੋ ਅੱਜ ਟਾਟਾ 407 ਗੱਡੀ ਭਿੰਡਰ ਖੁਰਦ ਦੀ ਕਿਸਾਨ ਯੂਨੀਅਨ ( ਉਗਰਾਹਾਂ ਗਰੁੱਪ ) ਨੂੰ ਦਾਨ ਵਜੋਂ ਦਿੱਤੀ ਗਈ । ਇਸ ਮੌਕੇ ਇਕੱਠੇ ਹੋਏ ਪਿੰਡ ਵਾਸੀਆਂ ਨੇ ਜਿੱਥੇ ਇੱਕ ਦੂਜੇ ਵਧਾਈਆਂ ਦਿੱਤੀਆਂ , ਉਥੇ ਜਗਦੀਪ ਸਿੰਘ ਤੇ ਹਰਦੀਪ ਸਿੰਘ ਦਾ ਬਹੁਤ ਬਹੁਤ ਧੰਨਵਾਦ ਵੀ ਕੀਤਾ । ਜਿੰਨਾ ਨੇ ਭਿੰਡਰਾਂ ਦੇ ਕਿਸਾਨ ਯੋਧਿਆਂ ਲਈ ਇਨਾਂ ਵੱਡਾ ਪਰ-ਉਪਕਾਰ ਕੀਤਾ ।
