ਅਜੋਕੇ ਸਮਾਜ ਵਿੱਚ ਅਜਿਹੀਆਂ ਬਹੁਤ ਸਾਰੀਆਂ ਸਮਾਜਿਕ ਕੁਰੀਤੀਆਂ ਹਨ ਜਿਹਨਾਂ ਨੇ ਸਮਾਜ਼ ਨੂੰ ਪਿਛਲੇ ਲੰਮੇ ਸਮੇਂ ਤੋਂ ਆਪਣੇ ਸ਼ਿਕੰਜੇ ਵਿਚ ਜਕੜਿਆ ਹੋਇਆ ਹੈ ਇਹਨਾਂ ਵਿੱਚੋਂ ਹੀ ਇੱਕ ਹੈ ਦਾਜ਼ ਦੀ ਸਮੱਸਿਆ।
ਬੀਤੇ ਦਿਨ ਹੀ ਰਿਲੀਜ਼ ਹੋਈ ਪੰਜਾਬੀ ਫਿਲਮ ਗੱਡੀ ਜਾਂਦੀ ਏ ਛਲਾਂਗਾਂ ਮਾਰਦੀ ਦਾਜ਼ ਦੀ ਸਮੱਸਿਆ ਅਤੇ ਦਾਜ਼ ਦੇ ਲੋਭੀਆਂ ਦੁਆਰਾ ਕੀਤੇ ਜਾਂਦੇ ਵੱਖ ਵੱਖ ਢੰਗਾਂ ਨੂੰ ਮਨੋਰੰਜਨ ਨਾਲ ਪੇਸ਼ ਕਰਦੀ ਹੋਈ ਸਮਾਜ ਵਿੱਚੋਂ ਦਾਜ਼ ਵਰਗੀ ਸਮੱਸਿਆ ਪ੍ਰਤੀ ਸੁਚੇਤ ਕਰਨ ਦੇ ਨਾਲ਼ ਨਾਲ਼ ਅਜਿਹੀ ਸਮਾਜਿਕ ਕੁਰੀਤੀ ਪ੍ਰਤੀ ਇਕਜੁੱਟ ਹੋਣ ਦਾ ਹੋਕਾ ਵੀ ਦਿੰਦੀ ਹੈ।
ਫ਼ਿਲਮ ਦੀ ਕਹਾਣੀ ਲਾਭ ਸਿੰਘ ਹੀਰਾ ਤੋਂ ਸ਼ੁਰੂ ਹੁੰਦੀ ਹੈ ਜਿਸ ਦਾ ਕਿਰਦਾਰ ਜਸਵਿੰਦਰ ਭੱਲਾ ਨੇ ਨਿਭਾਇਆ ਹੈ।ਉਸ ਦੇ ਦੋ ਪੁੱਤਰ ਹਨ ਭੋਲਾ (ਬੀਨੂੰ ਢਿੱਲੋਂ) ਅਤੇ ਦੂਜਾ ਹੈਪੀ(ਐਮੀ ਵਿਰਕ) । ਭੋਲੇ ਦੇ ਵਿਆਹ ਵਿੱਚ ਮਿਲਿਆ ਘੱਟ ਦਾਜ ਲਾਭ ਸਿੰਘ ਹੀਰਾ ਨੂੰ ਹਮੇਸ਼ਾ ਰੜਕਦਾ ਰਹਿੰਦਾ ਹੈ ਇਸ ਕਰਕੇ ਉਹ ਆਪਣੇ ਪੁੱਤਰ ਹੈਪੀ ਨੂੰ ਐੱਮ ਬੀ ਏ ਦੀ ਡਿਗਰੀ ਵੀ ਕਰਵਾ ਦਿੰਦਾ ਹੈ ਤਾਂ ਜ਼ੋ ਇਸ ਨੂੰ ਵਿਆਹ ਵੇਲੇ ਜ਼ਿਆਦਾ ਦਾਜ਼ ਮਿਲ ਸਕੇ।ਇਹ ਲੜਕੀ ਅਤੇ ਲੜਕਿਆਂ ਦੇ ਪਰਿਵਾਰਾਂ ਦੀ ਅਜੋਕੀ ਸੋਚ, ਦਿਖਾਵਾ ਅਤੇ ਮਜਬੂਰੀਆਂ ਨੂੰ ਬਾਖੂਬੀ ਪੇਸ਼ ਕਰਦੀ ਹੈ।ਫ਼ਿਲਮ ਕਾਮੇਡੀ ਭਰਪੂਰ ਅਤੇ ਦੇਖਣ ਯੋਗ ਹੈ।ਫ਼ਿਲਮ ਸਮਾਜ਼ ਨੂੰ ਇੱਕ ਚੰਗਾ ਸੰਦੇਸ਼ ਦੇਣ ਵਿੱਚ ਕਾਮਯਾਬ ਰਹੀ ਹੈ।
ਰਜਵਿੰਦਰ ਪਾਲ ਸ਼ਰਮਾ
ਪਿੰਡ ਕਾਲਝਰਾਣੀ
ਡਾਕਖਾਨਾ ਚੱਕ ਅਤਰ ਸਿੰਘ ਵਾਲਾ
ਤਹਿ ਅਤੇ ਜ਼ਿਲ੍ਹਾ-ਬਠਿੰਡਾ
7087367969
