ਜਗਰਾਉ 8 ਜੁਲਾਈ (ਅਮਿਤਖੰਨਾ)ਸ਼ਹਿਰ ਦੇ ਨਾਮਵਰ ਸਕੂਲ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ( ਲੜਕੇ ) ਜਗਰਾਉਂ ਨੇ ਬਾਰ੍ਹਵੀਂ ਦੀ ਪ੍ਰੀਖਿਆ ਚ ਸ਼ਾਨਦਾਰ ਨਤੀਜਾ ਦੇਣ ਤੋਂ ਬਾਅਦ ਦਸਵੀਂ ਪ੍ਰੀਖਿਆ ਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸ਼ਤ-ਪ੍ਰਤੀਸ਼ਤ ਨਤੀਜਾ ਦਿੱਤਾ I ਪ੍ਰਿੰਸੀਪਲ ਡਾ.ਗੁਰਵਿੰਦਰਜੀਤ ਸਿੰਘ ਜੀ ਨੇ ਕਿਹਾ ਕਿ ਦਸਵੀਂ ਪ੍ਰੀਖਿਆ ਚ ਲਗਭਗ 112 ਵਿਦਿਆਰਥੀਆਂ ਨੇ ਭਾਗ ਲਿਆ ਸੀ I ਜਿਸ ਚੋ 9 ਵਿਦਿਯਾਰਥੀਆਂ ਨੇ 90 ਪ੍ਰਤੀਸ਼ਤ ਤੋਂ ਉੱਪਰ ਨੰਬਰ ਪ੍ਰਾਪਤ ਕੀਤੇ ਅਤੇ ਬਾਕੀ ਵਿਦਿਆਰਥੀ ਵੀ ਚੰਗੇ ਨੰਬਰ ਲੈ ਕੇ ਪਾਸ ਹੋਏ I ਪਰਮਵੀਰ ਸਿੰਘ ਨੇ 616 ਨੰਬਰ ਲੈਕੇ ਪਹਿਲਾ ਸਥਾਨ ,ਲਵਪ੍ਰੀਤ ਸਿੰਘ ਨਾਹਰ ਨੇ 613 ਨੰਬਰ ਲੈਕੇ ਦੂਜਾ ਸਥਾਨ ਅਤੇ ਲਵਜੋਤ ਸਿੰਘ ਨੇ 605 ਨੰਬਰ ਲੈਕੇ ਤੀਜਾ ਸਥਾਨ ਪ੍ਰਾਪਤ ਕੀਤਾ I ਅਵਿਨਾਸ਼ ,ਹਰਸਿਮਰਨ ਸਿੰਘ ਮਨਜੋਤ ਸਿੰਘ ,ਮਨਵੀਰ ਸਿੰਘ ,ਮੁਨੀਸ਼ ਕੁਮਾਰ ,ਤਰੁਣਦੀਪ ਸਿੰਘ ਨੇ 90 ਪ੍ਰਤੀਸ਼ਤ ਤੋਂ ਉੱਪਰ ਨੰਬਰ ਪ੍ਰਾਪਤ ਕਰਕੇ ਸਕੂਲ ਦਾ ਮਾਨ ਵਧਾਇਆ I ਪ੍ਰਿੰਸੀਪਲ ਡਾ.ਗੁਰਵਿੰਦਰਜੀਤ ਸਿੰਘ ਜੀ ਨੇ ਸਮੂਹ ਸਟਾਫ ਦਾ ਸ਼ਾਨਦਾਰ ਨਤੀਜੇ ਲਈ ਧੰਨਵਾਦ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਭਵਿੱਖ ਲਈ ਸ਼ੁਭਕਾਮਨਾਵਾਂ ਤੇ ਵਧਾਈ ਦਿੱਤੀ I ਉਹਨਾਂ ਨੇ ਕਿਹਾ ਕਿ ਭਵਿੱਖ ਚ ਵੀ ਇਸ ਤਰਾਂ ਦੇ ਸ਼ਾਨਦਾਰ ਨਤੀਜੇ ਜਾਰੀ ਰਹਿਣਗੇ I ਇਸ ਮੌਕੇ ਤੇ ਰਾਮ ਕੁਮਾਰ ,ਪ੍ਰਭਾਤ ਕਪੂਰ ,ਚਰਨਪ੍ਰੀਤ ਸਿੰਘ ,ਅਮ੍ਰਿਤ ਕੌਰ ,ਮੀਨਾਕਸ਼ੀ, ਇੰਦੂ ਬਾਲਾ ,ਚਮਕੌਰ ਸਿੰਘ ,ਪਰਮਦੀਪ ਸਿੰਘ ,ਨਿਰਮਲ ਕੌਰ ,ਕਮਲਦੀਪ ਸ਼ਰਮਾ ,ਪ੍ਰੀਤੀ ਸ਼ਰਮਾ,ਅਮਨਪ੍ਰੀਤ ਸਿੰਘ ਆਦਿ ਸਟਾਫ ਹਾਜਰ ਸੀ I
