ਜਗਰਾਉਂ, 28 ਅਪ੍ਰੈਲ (ਮਨਜਿੰਦਰ ਗਿੱਲ ) ਨਸ਼ਿਆਂ ਵਿੱਚ ਗਲਤਾਨ ਹੋਈ ਪੰਜਾਬ ਦੇ ਨੌਜੁਆਨਾਂ ਨੂੰ ਵੇਖਦੇ ਹੋਏ ਜਿੱਥੇ ਬੌਲੀਵੁੱਡ ਅਤੇ ਹੌਲੀਵੁੱਡ ਵਰਗੀਆਂ ਫਿਲਮ ਇੰਡਸਟਰੀ ਨੇ ਪੰਜਾਬ ਦੇ ਹਾਲਾਤਾਂ ਤੇ ਫ਼ਿਲਮਾਂਕਣ ਕਰਦੇ ਹੋਏ ਉੱਡਦਾ ਪੰਜਾਬ ਵਰਗੀਆਂ ਫਿਲਮਾਂ ਰਿਲੀਜ਼ ਕਰ ਕੇ ਪੰਜਾਬ ਦੀ ਖਿੱਲੀ ਉਡਾਈ ਹੈ ਉੱਥੇ ਹੀ ਪੰਜਾਬ ਦੀ ਨੌਜਵਾਨੀ ਨੂੰ ਬਚਾਉਣ ਲਈ ਪੰਜਾਬ ਦੀ ਧਰਤੀ ਤੋਂ ਹਜ਼ਾਰਾਂ ਕਿਲੋਮੀਟਰ ਦੂਰ ਬੈਠੇ ਦਲਜਿੰਦਰ ਸਿੰਘ ਸਮਰਾ ਯੂ ਕੇ ਵਰਗੇ ਉੱਘੇ ਸਮਾਜ ਸੇਵੀ ਅਤੇ ਖੇਡ ਪ੍ਰਮੋਟਰ ਪੰਜਾਬ ਦੀ ਜਵਾਨੀ ਨੂੰ ਇਨ੍ਹਾਂ ਨਸ਼ਿਆਂ ਦੀ ਭੈਡ਼ੀ ਦਲਦਲ ਤੋਂ ਬਚਾਉਣ ਲਈ ਕਰੋੜਾਂ ਰੁਪਏ ਖ਼ਰਚ ਕਰਦੇ ਮਾਂ ਖੇਡ ਕਬੱਡੀ ਨੂੰ ਪਿਆਰ ਕਰਨ ਵਾਲੇ ਖਿਡਾਰੀਆਂ ਨੂੰ ਦੇਸੀ ਘੀ ਦੇ ਟੀਨ ਬੁਲੇਟ ਮੋਟਰਸਾਈਕਲਾਂ ਤੇ ਪੌਂਡਾਂ ਦੇ ਗੱਫੇ ਤਕਸੀਮ ਕਰਕੇ ਦੇਸ਼ ਦਾ ਭਵਿੱਖ ਸਾਡੇ ਨੌਜਵਾਨ ਨੂੰ ਬਚਾ ਰਹੇ ਹਨ । ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਨੰਬਰਦਾਰ ਬਲਰਾਜ ਸਿੰਘ ਬਿੱਲੂ ਗੋਰਸੀਆਂ ਮੱਖਣ ਨੇ ਸਾਡੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦੇ ਕੀਤਾ ਅਤੇ ਦੱਸਿਆ ਕਿ ਦਲਜਿੰਦਰ ਸਿੰਘ ਸਮਰਾ ਵਰਗੇ ਖੇਡ ਪ੍ਰਮੋਟਰਾਂ ਅਤੇ ਪੰਜਾਬ ਵਿਦੇਸ਼ੀ ਵੀਰਾਂ ਕਰਕੇ ਹੀ ਪੰਜਾਬ ਖੁਸ਼ਹਾਲ ਹੈ ਕਿਉਂਕਿ ਪੰਜਾਬ ਦੀ ਖੁਸ਼ਹਾਲੀ ਲਈ ਪ੍ਰਮਾਤਮਾ ਨੇ ਖੁਦ ਭੇਜਿਆ ਹੈ ਅਜਿਹੀਆਂ ਨੇਕ ਰੂਹ ਤਜਿੰਦਰ ਸਿੰਘ ਸਮਰਾ ਵਰਗੇ ਸਮਾਜ ਸੇਵੀ ਜਦ ਤਕ ਜਿਊਂਦੇ ਹਨ ਤਦ ਤਕ ਮਾਂ ਖੇਡ ਕਬੱਡੀ ਦਾ ਨਾਮ ਉੱਚਾ ਕਰਨ ਵਾਲੇ ਖਿਡਾਰੀਆਂ ਦਾ ਸਨਮਾਨ ਇਸੇ ਤਰ੍ਹਾਂ ਹੁੰਦਾ ਰਹੇਗਾ ।
