ਕੈਲੀਫੋਰਨੀਆ, ਜੁਲਾਈ 2019- (ਜਨ ਸ਼ਕਤੀ ਨਿਉਜ)- ਦੱਖਣੀ ਕੈਲੀਫੋਰਨੀਆ 'ਚ ਸ਼ੁੱਕਰਵਾਰ ਦੀ ਰਾਤ ਪਿਛਲੇ ਦੋ ਦਹਾਕਿਆਂ ਦੌਰਾਨ ਬਹੁਤ ਹੀ ਜ਼ਬਰਦਸਤ ਭੂਚਾਲ ਆਇਆ, ਜਿਸ ਨਾਲ ਵੱਡੀਆਂ ਇਮਾਰਤਾਂ ਝੂਲ ਗਈਆਂ। ਇਸ ਭੂਚਾਲ ਦੀ ਤੀਬਰਤਾ 7.1 ਰਿਕਾਰਡ ਕੀਤੀ ਗਈ ਹੈ। ਲਾਸ ਏਂਜਲਸ 'ਚ ਝਟਕੇ ਇੰਨੇ ਜ਼ਬਰਦਸਤ ਸਨ ਕਿ ਬਿਜਲੀ ਗੁੱਲ ਹੋ ਗਈ, ਪਰ ਕਿਸੇ ਵੀ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ।
ਭੂਚਾਲ ਸ਼ੁੱਕਰਵਾਰ ਰਾਤ ਕਰੀਬ 8.30 ਵਜੇ ਆਇਆ। ਇਹ ਭੂਚਾਲ ਕੈਲੀਫੋਰਨੀਆ 'ਚ ਪਿਛਲੇ ਕੁਝ ਦਿਨਾਂ 'ਚ ਦੂਸਰਾ ਭੂਚਾਲ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹੁਣ ਵਾਲਾ ਭੂਚਾਲ ਪਹਿਲੇ ਨਾਲੋਂ 11 ਗੁਣਾ ਖਤਰਨਾਕ ਸੀ। ਦੱਸਣਯੋਗ ਹੈ ਕਿ ਲਾਸ ਏਂਜਲਸ ਟਾਈਮਜ਼ ਮੁਤਾਬਕ ਇਸ ਤੋਂ ਪਹਿਲਾਂ ਇੰਨਾ ਜ਼ਬਰਦਸਤ ਭੂਚਾਲ ਕੈਲੀਫੋਰਨੀਆ 'ਚ ਸਾਲ 1999 'ਚ ਦਰਜ ਕੀਤਾ ਗਿਆ ਸੀ।
