ਜਗਰਾਉ 11 ਮਾਰਚ (ਅਮਿਤ ਖੰਨਾ) ਪੰਜਾਬ ਵਿਧਾਨ ਸਭਾ ਚੋਣ ਹਲਕਾ ਦਾਖਾ ਲਈ ਸ਼੍ਰੋਮਣੀ ਅਕਾਲੀ ਦਲ-ਬਹੁਜਨ ਸਮਾਜ ਪਾਰਟੀ (ਗਠਜੋੜ) ਉਮੀਦਵਾਰ ਮਨਪ੍ਰੀਤ ਸਿੰਘ ਇਯਾਲੀ ਦੇ ਤੀਸਰੀ ਵਾਰ ਐੱਮ.ਐੱਲ.ਏ. ਚੁਣੇ ਜਾਣ 'ਤੇ ਇਯਾਲੀ ਦੇ ਚੋਣ ਇੰਚਾਰਜ ਹਰਕਿੰਦਰ ਸਿੰਘ ਇਯਾਲੀ ਵਲੋਂ ਹਲਕੇ ਦੇ ਸ਼ਹਿਰੀ-ਦਿਹਾਤੀ ਵੋਟਰ ਦਾ ਧੰਨਵਾਦ ਕੀਤਾ | ਹਰਕਿੰਦਰ ਸਿੰਘ ਇਯਾਲੀ ਕਿਹਾ ਕਿ ਮੇਰੇ ਪਰਿਵਾਰ ਦਾ ਪਿਛਲੇ 2 ਦਹਾਕੇ ਤੋਂ ਸਮਾਜ ਸੇਵਾ ਨਾਲ ਜੁੜੇ ਹੋਣਾ ਅੱਜ ਦੀ ਜਿੱਤ ਦਾ ਸਿੱਟਾ ਹੈ | ਹਰਕਿੰਦਰ ਸਿੰਘ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਦਿੱਗਜ਼ ਆਗੂਆਂ ਦਾ ਇਸ ਚੋਣ ਵਿਚ ਹਾਰ ਜਾਣਾ ਭਾਵੇਂ ਮੇਰੇ ਲਈ ਦੁਖਦਾਈ ਹੈ, ਉਥੇ ਮੇਰੇ ਭਰਾ ਮਨਪ੍ਰੀਤ ਸਿੰਘ ਇਯਾਲੀ ਦੀ ਜਿੱਤ ਸਾਡੇ ਪਰਿਵਾਰ ਨੂੰ ਡਾਹਢੀ ਖੁਸ਼ੀ ਦੇਣ ਵਾਲੀ ਹੈ | ਹਰਕਿੰਦਰ ਸਿੰਘ ਇਯਾਲੀ ਨੇ ਕਿਹਾ ਕਿ ਜਲਦੀ ਹੀ ਐੱਮ.ਐੱਲ.ਏ ਮਨਪ੍ਰੀਤ ਸਿੰਘ ਇਯਾਲੀ ਵਲੋਂ ਹਲਕੇ ਅੰਦਰ ਵੋਟਰਾਂ ਦੇ ਧੰਨਵਾਦ ਲਈ ਧੰਨਵਾਦੀ ਦੌਰਾ ਸ਼ੁਰੂ ਕੀਤਾ ਜਾਵੇਗਾ |
