ਜਗਰਾਓਂ 12 ਨਵੰਬਰ (ਅਮਿਤ ਖੰਨਾ) ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਗੁਰਦੁਆਰਾ ਸਿੰਘ ਸਭਾ ਤੋਂ ਪ੍ਰਭਾਤ ਫੇਰੀ ਸਜਾਈ ਗਈ। ਸ਼ਹਿਰ ਵਿਚ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਮਹਿਮਾ ਦਾ ਗੁਣਗਾਨ ਕਰਦੀ ਪ੍ਰਭਾਤ ਫੇਰੀ ਸ਼ੋ੍ਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ ਦੇ ਨਿਵਾਸ ਸਥਾਨ ਤੇ ਪੁੱਜੀ, ਜਿੱਥੇ ਭਾਈ ਗਰੇਵਾਲ ਸਮੇਤ ਪਰਿਵਾਰ ਨੇ ਫੁੱਲਾਂ ਦੀ ਵਰਖਾ ਕਰਦਿਆਂ ਪ੍ਰਭਾਤ ਫੇਰੀ ਦਾ ਸਵਾਗਤ ਕੀਤਾ। ਇਸ ਮੌਕੇ ਪਹਿਲਾਂ ਕੀਰਤਨੀ ਜੱਥੇ ਭਾਈ ਤਰਲੋਕ ਸਿੰਘ ਅਤੇ ਫਿਰ ਪ੍ਰਭਾਤ ਫੇਰੀ ਦੀਆਂ ਬੀਬੀਆਂ ਵੱਲੋਂ ਗੁਰੂ ਮਹਿਮਾ ਦਾ ਗੁਣਗਾਨ ਕੀਤਾ। ਜੱਥਿਆਂ ਵੱਲੋਂ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਵੱਲੋਂ ਸੰਸਾਰ ਨੂੰ ਵਹਿਮਾਂ, ਭਰਮਾਂ, ਉਚ-ਨੀਚ, ਜਾਤ-ਪਾਤ ਦੇ ਫ਼ਰਕ ਤੋਂ ਨਿਜਾਤ ਦਿਵਾਉਂਦਿਆਂ ਦੱਬੇ ਕੁਚਲਿਆਂ ਨੂੰ ਉਪਰ ਚੁੱਕਣ ਅਤੇ ਲੁਕਾਈ ਨੂੰ ਮਾਨਵਤਾ ਦੀ ਸੇਵਾ ਦੇ ਦਿੱਤੇ ਹੋਕੇ ਅਤੇ ਨਿੱਤ ਨੇਮ ਦੇ ਧਾਰਨੀ ਬਨਣ ਦੀ ਪੇ੍ਰਰਣਾ ਨੂੰ ਧਾਰਮਿਕ ਸ਼ਬਦਾਂ ਰਾਹੀਂ ਬਾਖੂਬੀ ਬਿਆਨ ਕੀਤਾ। ਭਾਈ ਗਰੇਵਾਲ ਨੇ ਪ੍ਰਭਾਤ ਫੇਰੀ ਦੀਆਂ ਸੰਗਤਾਂ ਨੂੰ ਭਾਗਾਂ ਵਾਲੀਆਂ ਦੱਸਿਆ ਜੋ ਗੁੁਰੂ ਦੇ ਦੱਸੇ ਆਸ਼ੇ ਅਨੁੁਸਾਰ ਅੰਮ੍ਤਿ ਵੇਲੇ ਨੂੰ ਸੰਭਾਲ ਰਹੀਆਂ ਹਨ। ਸਮਾਪਤੀ ਉਪਰੰਤ ਗੁੁਰੂ ਕੇ ਲੰਗਰ ਅਤੁੱਟ ਵਰਤੇ।ਇਸ ਮੌਕੇ ਗੁੁਰਪੁੁਰਬ ਕਮੇਟੀ ਵੱਲੋਂ ਭਾਈ ਗੁੁਰਚਰਨ ਸਿੰਘ ਗਰੇਵਾਲ ਨੂੰ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੌਕੇ ਜਸਪਾਲ ਸਿੰਘ ਹੇਰਾਂ, ਗੁੁਰਪੁੁਰਬ ਕਮੇਟੀ ਦੇ ਪ੍ਰਧਾਨ ਹਰਵਿੰਦਰ ਸਿੰਘ ਚਾਵਲਾ, ਮੀਤ ਪ੍ਰਧਾਨ ਅਵਤਾਰ ਸਿੰਘ ਮਿਗਲਾਨੀ, ਖਜ਼ਾਨਚੀ ਪ੍ਰਦੀਪ ਸਿੰਘ ਨਾਗੀ, ਦੀਪਇੰਦਰ ਸਿੰਘ ਭੰਡਾਰੀ, ਗੁੁਰਦੀਪ ਸਿੰਘ ਦੂਆ, ਗੁੁਰਪ੍ਰਰੀਤ ਸਿੰਘ ਭਜਨਗੜ੍ਹ, ਅਪਾਰ ਸਿੰਘ, ਪੱਤਰਕਾਰ ਹਰਵਿੰਦਰ ਸਿੰਘ ਖਾਲਸਾ, ਚਰਨਜੀਤ ਸਿੰਘ ਸਰਨਾ, ਗਗਨਦੀਪ ਸਿੰਘ ਸਰਨਾ, ਪਰਮਜੀਤ ਸਿੰਘ ਪੰਮਾ ਆੜ੍ਹਤੀ, ਗੁੁਰਸ਼ਰਨ ਸਿੰਘ ਮਿਗਲਾਨੀ, ਇਸ਼ਟਪਰੀਤ ਸਿੰਘ ਤੇ ਜਨਪਰੀਤ ਸਿੰਘ ਆਦਿ ਹਾਜ਼ਰ ਸਨ।
