ਸਾਉਣ ਮਹੀਨਾ
ਪਿਆਰ ਤੇਰੇ ਦੀਆਂ ਮਹਿਕਾਂ ਲੈ ਕੇ
ਰੁੱਤ ਸਾਉਣ ਦੀ ਆਈ ਵੇ ਸੱਜਣਾ
ਮੈਨੂੰ ਤਾਂ ਅੱਜ ਲੱਗਦੀ ਪਈ ਏ
ਧਰਤ ਵੀ ਸੱਜ-ਵਿਆਹੀ ਵੇ ਸੱਜਣਾ।।
ਫੁੱਲਾਂ ਨਾਲ ਸ਼ਿੰਗਾਰੀ ਵੇਖੋ
ਲੱਗਦੀ ਬੜੀ ਪਿਆਰੀ ਵੇਖੋ
ਕਾਲੀ ਰਾਤ ਦਾ ਟਿੱਕਾ ਲਾ ਕੇ
ਨਜ਼ਰੋਂ ਜਰਾ ਬਚਾਈਂ ਵੇ ਸੱਜਣਾ।।
ਮੈਨੂੰ ਤਾਂ ਅੱਜ ਲੱਗਦੀ ਪਈ ਏ
ਧਰਤ ਵੀ ਸੱਜ-ਵਿਆਹੀ ਵੇ ਸੱਜਣਾ
ਖੁਸ਼ੀ 'ਚ' ਬੱਦਲ ਗੱਜਦੇ ਪਏ ਨੇ
ਜਿਵੇਂ ਢੋਲ ਨਗਾਰੇ ਵੱਜਦੇ ਪਏ ਨੇ
ਬਿਜਲੀ ਚਮਕੇ ਚਾਨਣ ਹੋਵੇ
ਹਰ ਪਾਸੇ ਰੋਣਕ ਛਾਈ ਵੇ ਸੱਜਣਾ।।
ਮੈਨੂੰ ਤਾਂ ਅੱਜ ਲੱਗਦੀ ਪਈ ਏ
ਧਰਤ ਵੀ ਸੱਜ-ਵਿਆਹੀ ਵੇ ਸੱਜਣਾ
ਹਵਾਵਾਂ ਨੇ ਅੱਜ ਝੱਲੀਆਂ ਪੱਖੀਆਂ
ਅਜ਼ਬ ਨਜ਼ਾਰਾ ਵੇਖਿਆ ਅੱਖੀਆਂ
ਕਿਣ-ਮਿਣ ਹੋਈ ਧਰਤ ਦੀ ਹਿੱਕ ਤੇ
ਹੋਰ ਸਗੋਂ ਅੱਗ ਲਾਈ ਵੇ ਸੱਜਣਾ।।
ਮੈਨੂੰ ਤਾਂ ਅੱਜ ਲੱਗਦੀ ਪਈ ਏ
ਧਰਤ ਵੀ ਸੱਜ-ਵਿਆਹੀ ਵੇ ਸੱਜਣਾ
ਰਮੇਸ਼ ਵੇ ਆਜਾ ਬੂਟੇ ਲਾਈਏ
ਜਾਨੂੰ ਏਦਾਂ ਸਾਉਣ ਮਨਾਈਏ
ਸਰਕਾਰ ਨੇ ਆਪੇ ਰੁੱਖ ਉਹ ਵੱਡੇ
ਜਿੱਥੇ ਪਹਿਲਾਂ ਪੀਂਘ ਮੈਂ ਪਾਈ ਵੇ ਸੱਜਣਾ।।
ਮੈਨੂੰ ਤਾਂ ਅੱਜ ਲੱਗਦੀ ਪਈ ਏ
ਧਰਤ ਵੀ ਸੱਜ-ਵਿਆਹੀ ਵੇ ਸੱਜਣਾ
ਪਿਆਰ ਤੇਰੇ ਦੀਆਂ ਮਹਿਕਾਂ ਲੈ ਕੇ
ਰੁੱਤ ਸਾਉਣ ਦੀ ਆਈ ਵੇ ਸੱਜਣਾ ।।
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-98153-20080
