ਮਾਂ ਤਾਂ ਆਖਿਰ ਮਾਂ ਹੈ ਹੁੰਦੀ (ਕਵਿਤਾ)
ਮਾਂ ਤਾਂ ਆਖਿਰ ਮਾਂ ਹੈ ਹੁੰਦੀ
ਬੱਚਿਆਂ ਲਈ ਠੰਡੀ ਛਾਂ ਹੈ ਹੁੰਦੀ
ਮਾਂ ਤਾਂ ਹੁੰਦੀ ਜ਼ਿੰਦਗੀ ਦਾ ਸਾਰ
ਮਾਂ ਤੋਂ ਵੱਧ ਨਾ ਕੋਈ ਕਰੇ ਪਿਆਰ
ਤੀਰਥ ਚਾਹੇ ਲੱਖ ਘੁੰਮ ਆਓ
ਦੁਨੀਆਂ ਦੇ ਸਭ ਰਿਸ਼ਤੇ ਨਿਭਾਓ
ਕੋਈ ਰਿਸ਼ਤਾ ਨਾ ਐਨਾ ਵਫ਼ਾਦਾਰ
ਨਾ ਹੀ ਕੋਈ ਅਜਿਹਾ ਕਿਰਦਾਰ
ਮਾਂ ਬੱਚਿਆਂ ਤੋਂ ਵਾਰੇ ਜਾਂਦੀ
ਦੁੱਖੜੇ ਸਹਿ ਕੇ ਹੱਸਦੀ ਰਹਿੰਦੀ
ਮਾਂ ਨਾਲ ਸੋਹਣਾ ਲੱਗੇ ਪਰਿਵਾਰ
ਮਾਂ ਦਾ ਕਰੀਏ ਦਿਲੋਂ ਸਤਿਕਾਰ
ਜਿੱਥੇ ਮਾਂ ਦਾ ਚਿਹਰਾ ਹੱਸਦਾ
ਉਸ ਵਿਹੜੇ ਵਿੱਚ ਰੱਬ ਹੈ ਵੱਸਦਾ
ਦੌਲਤ ਨਾਲ ਚਾਹੇ ਜਿੱਤ ਸੰਸਾਰ
ਪਰ ਭੁੱਲੀਂ ਨਾ ਕਦੇ ਮਾਂ ਦਾ ਉਪਕਾਰ
ਆਓ ਅੱਜ ਮਦਰਜ਼ ਡੇਅ ਮਨਾਈਏ
ਤੇ ਬਾਕੀ ਦਿਨ ਵੀ ਮਾਂ ਨਾਲ ਬਿਤਾਈਏ
'ਇੰਦਰ' ਸੱਜਦਾ ਕਰਦਾ ਲੱਖ ਵਾਰ
ਸਭ ਤੋਂ ਸੱਚਾ ਹੈ ਮਾਂ ਦਾ ਪਿਆਰ
- ਇੰਦਰ ਸਰਾਂ (ਫ਼ਰੀਦਕੋਟ)
ਸੰਪਰਕ: 97805-50466
ਈ ਮੇਲ: birinderjitsingh10@gmail.com
