ਚੌਕੀਂਮਾਨ 4 ਫਰਵਰੀ (ਨਸੀਬ ਸਿੰਘ ਵਿਰਕ) ਹਲਕਾ ਜਗਰਾਉ ਦੇ ਸਰਹੱਦੀ ਨਗਰ ਬਰਸਾਲ ਦੀ ਹੱਦ ਤੇ ਬਣਿਆ ਸ: ਸ: ਸ: ਸਕੂਲ ਜਿਸ ਵਿੱਚ ਇਮਾਰਤ ਨੂੰ ਰੰਗ ਰੋਗਨ ਅਤੇ ਹੋਰ ਕੰਮਾਂ ਦੀ ਅਰੰਭਤਾ ਕੀਤੀ ਗਈ ਹੈ । ਚੇਅਰਮੈਨ ਗੁਰਸੇਵਕ ਸਿੰਘ ਢਿੱਲੋਂ ਬਰਸਾਲ ਨੇ ਆਪਣੇ ਪਿਤਾ ਸਵ: ਸ: ਹਰਭਗਵਾਨ ਸਿੰਘ ਢਿੱਲੋ ਦੇ ਨਕਸ਼ੇ ਕਦਮਾ ਤੇ ਚੱਲਦੇ ਹੋਏ 11000 ਦੀ ਰਾਸ਼ੀ ਦਾ ਹਿੱਸਾ ਪਾਇਆਂ ਅਤੇ ਇਸ ਸਮੇਂ ਉਹਨਾ ਨੇ ਦੱਸਿਆ ਕਿ ਜਿੱਥੇ ਲਾਗਲੇ ਪਿੰਡ ਸੰਗਤਪੁਰਾ (ਢੈਪਈ ) ਦੇ ਐਨ ਆਰ ਆਈ ਹੁਸਿਆਰ ਸਿੰਘ ਨੇ 5100 ਸੌ ਰੁਪਏ ਦਾਨ ਕੀਤੇ ਹਨ ਉੱਥੇ ਹੀ ਮੇਰਾ ਛੋਟੇ ਵੀਰ ਦੀਪਾ ਕਨੈਡਾ ਨੇ ਵੀ ਵੱਡਾ ਹਿੱਸਾ ਪਾਉਂਦੇ ਹੋਏ ਆਪਣੀਆ ਕਮਾਈਆ ਨੂੰ ਸਫਲ ਕੀਤਾ ਹੈ । ਇਸ ਮੌਕੇ ਉਹਨਾ ਨੇ ਕਿਹਾ ਕਿ ਮੇਰੇ ਇਲਾਕੇ ਦੇ ਪ੍ਰਵਾਸੀ ਵੀਰਾਂ ਸਮੇਤ ਹੋਰ ਵੀ ਇਲਾਕਾ ਨਿਵਾਸੀ ਆਪਣਾ ਹਿੱਸਾ ਸਕੂਲ ਕਾਰਜਾ ਚ ਪਾਉਣ ਤਾਂ ਕਿ ਸਾਡੀ ਜਿੰਦਗੀ ਦਾ ਹਿੱਸਾ ਸਾਡੇ ਚਾਨਣ ਮੁਨਾਰੇ ਸਾਡੇ ਭੱਵਿਖ ਵਾਂਗ ਹੋਰ ਵੀ ਵਿਦਿਆਰਥੀਆ ਦੇ ਭੱਵਿਖ ਨੂੰ ਸਵਾਰ ਸਕਣ । ਇਸ ਸਮੇਂ ਉਹਨਾ ਨੇ ਪੱਤਰਕਾਰਾਂ ਭਾਈਚਾਰੇ ਰਾਂਹੀ ਬੇਨਤੀ ਕਰਦੇ ਹੋਏ ਕਿਹਾ ਕਿ ਇਸ ਨੇਕ ਕਾਰਜ ਚ ਹਿੱਸਾ ਪਾਉਣ ਲਈ ਹਰ ਦਾਨੀ ਸੱਜਣ ਸਕੂਲ ਸਟਾਫ ਨਾਲ ਸੰਪਰਕ ਕਰ ਸਕਦਾ ਹੈ ।
