ਬੋਹਾ, ਅਕਤੂਬਰ 2020 -(ਮਨਜਿੰਦਰ ਗਿੱਲ)-
ਸ਼ਹੀਦ ਸਰਦਾਰ ਕਰਤਾਰ ਸਿੰਘ ਸਰਾਭਾ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਪਿੰਡ ਉੱਡਤ ਸੈਦੇ ਵਾਲਾ ਜ਼ਿਲਾ ਮਾਨਸਾ ਦੇ ਨੌਜੁਆਨਾਂ ਵਲੋਂ ਪਿਛਲੇ ਕਈ ਸਾਲਾਂ ਤੋਂ ਬਿਮਾਰ ਅਵਾਰਾ ਗਾਈਆਂ ਦਾ ਇਲਾਜ ਜੰਗੀ ਪੱਧਰ ਤੇ ਕਰਵਾਇਆ ਜਾ ਰਿਹਾ ਹੈ ਕੁਸ਼ ਦਿਨ ਪਹਿਲਾਂ ਦੋ ਗਾਈਆਂ ਜਿਨ੍ਹਾਂ ਵਿਚ ਇਕ ਦੀ ਪੂਸ਼ ਅਤੇ ਦੂਜੀ ਦੀ ਲੱਤ ਤੇ ਜਖਮ ਸੀ ਦਾ ਇਲਾਜ ਕਰਵਾਇਆ ਗਿਆ । ਪਰ ਅੱਜ ਫੇਰ ਕਲੱਬ ਵਲੋਂ ਇਕ ਗਾਂ ਦਾ ਇਲਾਜ ਜਿਸ ਦੇ ਚਾਰੇ ਪੈਰਾਂ ਵਿੱਚ ਕੀੜੇ ਪਏ ਹੋਏ ਸਨ ਕਰਵਾਇਆ ਗਿਆ ਅਤੇ ਨਾਲ ਹੀ ਗਊਸ਼ਾਲਾ ਨੂੰ 2 ਹਜਾਰ ਰੁਪਏ ਦੇ ਕੇ ਉਸ ਨੂੰ ਸਾਂਭਣ ਦਾ ਪ੍ਰਬੰਧ ਵੀ ਕੀਤਾ। ਕਲੱਬ ਦੇ ਮੁਖੀ ਯਾਦਵਿੰਦਰ ਸਿੰਘ ਗਿੱਲ ਨੇ ਦੱਸਿਆ ਕਿ ਇਸ ਮਹੀਨੇ ਪਿੰਡ ਵਿੱਚ ਲਾਈਟਾਂ ਵੀ ਲਾਈਆਂ ਗਈਆਂ ਹਨ। ਜਿਥੇ ਸਾਡੀ ਕਲੱਬ ਪਿੰਡ ਵਿੱਚ ਜਰੂਰਤ ਮੰਦਾਂ ਲਈ ਮਦਦ ਕਰ ਰਹੀ ਹੈ ਓਥੇ ਓਹਨਾ ਵਲੋਂ ਅਵਾਰਾ ਪਸ਼ੂਆਂ ਦਾ ਇਲਾਜ ਅਤੇ ਸਾਂਭ ਸੰਭਾਲ ਦਾ ਪ੍ਰਬੰਧ ਵੀ ਕੀਤਾ ਜਾ ਰਿਹਾ ਹੈ। ਉਸ ਸਮੇ ਓਹਨਾ ਨਾਲ ਪੰਜਾਬ ਸਿੰਘ,ਅਮਨਦੀਪ ਗਿੱਲ,ਬਿੱਟੂ ਚਹਿਲ, ਬਬਲਾ ਗਿੱਲ, ਕਾਲਾ ਚਹਿਲ, ਗੋਗੀ ਚਹਿਲ, ਚੜ੍ਹਤ ਸਿੰਘ,ਰੁਪਿਦਰ ਸਿੰਘ,ਜੱਸੀ ਗਿੱਲ ਅਤੇ ਜਸਪਾਲ ਸਿੰਘ ਹਾਜਰ ਸਨ।
