ਕੋਰੋਨਾ ਵਾਇਰਸ ਨਾਲ ਡੇਢ ਮਹੀਨੇ ਦੀ ਲੰਬੀ ਲੜ੍ਹਾਈ ਤੋਂ ਬਾਅਦ ਕੱਲ ਮੌਤ ਦੇ ਹੱਥੋਂ ਹਾਰ ਗਿਆ ਇੰਦਰਜੀਤ ਸਿੰਘ ਹਾਂਸ

ਇੰਗਲੈਂਡ ਦੇ ਸ਼ਹਿਰ ਲੰਡਨ ਦਾ ਵਾਸੀ ਸ ਇੰਦਰਜੀਤ ਸਿੰਘ ਹਾਸ (66 ਸਾਲ ) ਪੁੱਤਰ ਸੂਬੇਦਾਰ ਮਹਿੰਦਰ ਸਿੰਘ ਹਾਸ ਨਾਮੀ ਪਰਿਵਾਰ ਦਾ ਬੇਟਾ ਅਤੇ ਸ ਪਰਮਜੀਤ ਸਿੰਘ ਹਾਸ ਕਨੇਡਾ , ਸ ਜਗਜੀਤ ਸਿੰਘ ਹਾਸ ਕਨੇਡਾ ਦਾ ਭਾਈ ਦੋ ਬੱਚਿਆਂ ਦਾ ਬਾਪ ਕੋਰੋਨਾ ਵਾਇਰਸ ਦੀ ਭਿਆਨਕ ਬਿਮਾਰੀ ਨਾਲ ਡੇਢ ਮਹੀਨੇ ਤੋਂ ਲੜਦਾ ਲੜਦਾ ਕੱਲ ਆਪਣੇ ਸਵਾਸਾਂ ਦੀ ਪੂੰਜੀ ਮੁਕਾਕੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਿਆ ਹੈ। ਸ ਪਰਮਜੀਤ ਸਿੰਘ ਹਾਸ ਜੋ ਆਪਣੇ ਪਿੰਡ ਸੁਜਾਪੁਰ (ਜਗਰਾਓਂ) ਤੋਂ ਪ੍ਰੈਸ ਨਾਲ ਜਾਣਕਾਰੀ ਸਾਜੀ ਕਰਦੇ ਦਸਿਆ ਕਿ ਸ ਇੰਦਰਜੀਤ ਸਿੰਘ ਸਕੂਲ ਤੋਂ ਲੱਗਕੇ ਕਾਲਜ ਤੱਕ ਇੱਕ ਬਹੁਤ ਹੀ ਹੋਣਹਾਰ ਖਿਡਾਰੀ ਰਿਹਾ।ਪਿੰਡ ਦੇ ਸਕੂਲ ਤੋਂ ਦੱਸਵੀ ਤੱਕ ਦੀ ਪੜ੍ਹਾਈ ਕੀਤੀ ਅਤੇ ਹਾਕੀ ਵਿੱਚ ਬਹੁਤ ਨਿਮਾਣਾ ਖੱਟਿਆ।ਅਗਲੀ ਪੜ੍ਹਾਈ ਖਾਲਸਾ ਕਾਲਜ ਸੁਧਾਰ ਤੋਂ ਕੀਤੀ । ਕਾਲਜ ਦੀ ਪੜ੍ਹਾਈ ਦੇ ਸਮੇ ਕਬੱਡੀ ਦੇ ਨਾਲ ਨਾਲ ਭਾਰ ਚੁੱਕਣ ਅਤੇ ਗੋਲਾ ਸੁੱਟਣ ਵਿੱਚ ਅਨੇਕ ਮੈਡਲ ਪ੍ਰਾਪਤ ਕੀਤੇ।1975 ਵਿੱਚ ਵਿਆਹ ਲਈ ਇੰਗਲੈਂਡ ਚਲਾ ਗਿਆ ਜਿੱਥੇ ਸ ਅਜੀਤ ਸਿੰਘ ਢੰਡਾਰੀ ਖੁਰਧ ਦੀ ਬੇਟੀ ਨਾਲ ਵਿਆਹ ਤੋਂ ਬਾਅਦ ਪੱਕੇ ਤੌਰ ਤੇ ਓਥੇ ਹੀ ਆਪਣੇ ਕੰਮ ਵਿੱਚ ਸਖਤ ਮੇਹਨਤ ਕਰੇ । ਇਕ ਚੰਗੇ ਸਮਾਜ ਸੇਵੀ ਅਤੇ ਅਗਾਂਹ ਵਾਧੂ ਪੀਵਰ ਨੂੰ ਵਿਕਸਤ ਕੀਤਾ ਅੱਜ ਕੱਲ ਸ ਇੰਦਰਜੀਤ ਸਿੰਘ ਬ੍ਰਿਟਿਸ਼ ਏਅਰਵੇਜ਼ ਵਿੱਚ ਕੰਮਕਰ ਰਿਹਾ ਸੀ। ਸ ਪਰਮਜੀਤ ਸਿੰਘ ਹਾਸ ਨੇ ਦਸਿਆ ਕਿ ਅੱਜ ਕੋਰੋਨਾ ਵਾਇਰਸ ਨੂੰ ਲੈਕੇ ਜੋ ਲਾਕਡਾਉਨ ਪੰਜਾਬ ਅਤੇ ਇੰਗਲੈਂਡ ਵਿਚ ਚੱਲ ਰਿਹਾ ਹੈ ਇਸ ਸਮੇ ਪ੍ਰੀਵਾਰ ਨਾਲ ਅਫਸੋਸ ਕਰਨ ਲਈ ਫੋਨ ਤੇ ਗੱਲਬਾਤ ਕੀਤੀ ਜਾਵੇ ਹੋਰ ਜਾਣਕਾਰੀ ਲਈ ਫੋਨ (0091-9878864335)। ਪੰਜਾਬ ਅਤੇ ਇੰਗਲੈਂਡ ਤੋਂ ਬਹੁਤ ਸਾਰੀਆਂ ਸਤਿਕਾਰਯੋਗ ਸਖਸੀਤਾਂ ਨੇ ਸ ਇੰਦਰਜੀਤ ਸਿੰਘ ਹਾਂਸ ਦੀ ਵੇਵਕਤੀ ਮੌਤ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।