ਜਗਰਾਉਂ (ਰਾਣਾ ਸ਼ੇਖਦੌਲਤ) ਪੂਰੇ ਭਾਰਤ ਵਿੱਚ ਕਰੋਨਾ ਵਾਇਰਸ ਨੂੰ ਲੈ ਕੇ ਧਾਰਾ 144 ਲੱਗੀ ਹੋਈ ਤੇ ਕਰਫਿਊ ਚੱਲ ਰਿਹਾ ਹੈ ਪਰ ਕੁੱਝ ਲੋਕਾਂ ਨੂੰ ,ਮੈਂ ਨਹੀਓਂ ਮੰਨਦਾ,ਗੀਤ ਦੇ ਅਰਥ ਸਮਝਾ ਦਿੱਤੇ ਅੱਜ ਐਸ. ਐਚ.ਓ ਜਗਜੀਤ ਸਿੰਘ ਥਾਣਾ ਸਿਟੀ ਜਗਰਾਉਂ ਨੇ ਜੋ ਲੋਕ ਘਰ ਨਹੀਂ ਬਹਿ ਰਹੇ ਸਨ ਉਨ੍ਹਾਂ ਨੂੰ ਸਖਤ ਲਹਿਜੇ ਵਿੱਚ ਸਮਝਾ ਦਿੱਤਾ ਅਤੇ ਕਿਹਾ ਕਿ ਅਸੀਂ ਤੁਹਾਡੇ ਲਈ ਸਭ ਕੁਝ ਕਰ ਰਹੇ ਹਾਂ ਪਰ ਤੁਸੀਂ ਇਸਨੂੰ ਆਪਣਾ ਫਰਜ਼ ਨਹੀਂ ਸਮਝਦੇ ਸਗੋਂ ਕਰੋਨਾ ਵਾਇਰਸ ਨੂੰ ਮਜਾਕ ਸਮਝ ਰਹੇ ਹੋ ਪਰ ਸਾਨੂੰ ਤੁਹਾਡੀ ਅਤੇ ਤੁਹਾਡੇ ਪਰਿਵਾਰ ਦੀ ਸਿਹਤ ਦੀ ਜੁਮੇਵਾਰੀ ਹੈ ਇਸ ਲਈ ਸਖਤੀ ਵਰਤਣ ਲਈ ਤੁਸੀਂ ਮਜਬੂਰ ਕਰ ਰਹੇ ਹੋ ਸਰਕਾਰ ਅਤੇ ਪ੍ਰਸਾਸ਼ਨ ਤਹਾਨੂੰ ਅਪੀਲ ਕਰਦੇ ਹਨ ਕਿ ਤੁਸੀਂ ਆਪਣੇ ਘਰ ਅੰਦਰ ਹੀ ਰਹੋ। ਜੋ ਵੀ ਪ੍ਰਸਾਸ਼ਨ ਅਤੇ ਡੀ.ਸੀ ਦੇ ਹੁਕਮਾਂ ਦੀ ਪਾਲਣਾ ਨਹੀਂ ਕਰਨਗੇ ਉਨ੍ਹਾਂ ਨੂੰ ਸਬ-ਜੇਲ੍ਹ ਵਿੱਚ ਭੇਜਿਆ ਜਾਵੇਗਾ ਪਰ ਕਈ ਲੋਕ ਸਰਪੰਚਾਂ ਦੇ ਦਿੱਤੇ ਹੋਏ ਪਾਸ ਦਿਖਾ ਰਹੇ ਸਨ ਪਰ ਐਸ. ਐਚ ਓ ਜਗਜੀਤ ਸਿੰਘ ਨੇ ਕਿਹਾ ਕਿ ਜੋ ਸਰਪੰਚ ਬਿਨ੍ਹਾਂ ਕਿਸੇ ਗੱਲ ਤੋਂ ਇਨ੍ਹਾਂ ਨੂੰ ਪਾਸ ਬਣਾ ਕੇ ਦੇ ਰਹੇ ਹਨ ਉਨ੍ਹਾਂ ਨੂੰ ਵੀ ਥਾਣੇ ਬੁਲਾਇਆ ਜਾਵੇਗਾ
