ਮੰਤਰੀ ਨੇ ਆਯੁਰਵੈਦ ਨਾਲ ਕੋਰੋਨਾ ਦੇ ਇਲਾਜ ਦਾ ਕੀਤਾ ਸੀ ਦਾਅਵਾ
ਲੰਡਨ,ਅਪ੍ਰੈਲ 2020-(ਏਜੰਸੀ)-
ਕੋਰੋਨਾ ਵਾਇਰਸ ਤੋਂ ਪੀੜਤ ਬਰਤਾਨੀਆ ਦੇ ਪਿ੍ੰਸ ਚਾਰਲਸ ਦੇ ਆਯੁਰਵੈਦਿਕ ਦਵਾਈ ਨਾਲ ਠੀਕ ਹੋਣ ਦੇ ਦਾਅਵਿਆਂ ਨੂੰ ਸ਼ਾਹੀ ਘਰਾਣੇ ਦੇ ਬੁਲਾਰੇ ਨੇ ਗ਼ਲਤ ਕਰਾਰ ਦਿੱਤਾ ਹੈ | ਲੰਡਨ 'ਚ ਪਿ੍ੰਸ ਆਫ਼ ਵੇਲਸ ਦੇ ਬੁਲਾਰੇ ਨੇ ਕਿਹਾ ਕਿ ਇਹ ਜਾਣਕਾਰੀ ਪੂਰੀ ਤਰ੍ਹਾਂ ਨਾਲ ਗ਼ਲਤ ਹੈ | ਉਨ੍ਹਾਂ ਨੇ ਮੀਡੀਆ ਨੂੰ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਪਿ੍ੰਸ ਚਾਰਲਸ ਨੇ ਬਰਤਾਨੀਆ 'ਚ ਰਾਸ਼ਟਰੀ ਸਿਹਤ ਸੇਵਾ (ਐਨ.ਐੱਚ.ਐਸ.) ਦੀ ਸਲਾਹ ਦਾ ਪਾਲਨ ਕੀਤਾ ਅਤੇ ਇਸ ਤੋਂ ਵੱਧ ਕੁਝ ਨਹੀਂ | ਦੱਸਣਯੋਗ ਹੈ ਕਿ ਭਾਰਤ ਦੇ ਕੇਂਦਰੀ ਮੰਤਰੀ ਸ੍ਰੀਪਦ ਯੇਸ਼ੋ ਨਾਇਕ ਨੇ ਵੀਰਵਾਰ ਨੂੰ ਦੱਸਿਆ ਸੀ ਕਿ ਬੈਂਗਲੁਰੂ ਦੇ ਇਕ ਆਯੁਰਵੈਦਿਕ ਡਾਕਟਰ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੇ ਫ਼ਾਰਮੂਲੇ ਨਾਲ ਬਰਤਾਨੀਆ ਦੇ ਪਿ੍ੰਸ ਚਾਰਲਸ ਕੋਰੋਨਾ ਵਾਇਰਸ ਤੋਂ ਉੱਭਰ ਗਏ ਹਨ | ਨਾਇਕ ਨੇ ਕਿਹਾ ਸੀ ਕਿ ਇਸ ਤੋਂ ਪਤਾ ਲੱਗਦਾ ਹੈ ਕਿ ਆਯੁਰਵੈਦ ਅਤੇ ਹੋਮਿਊਪੈਥਿਕ ਦਵਾਈਆਂ ਕਿਸ ਤਰ੍ਹਾਂ ਕੋਰੋਨਾ ਵਾਇਰਸ ਦੇ ਇਲਾਜ 'ਚ ਕਾਰਗਰ ਹਨ |
