ਭੁੱਖੀਆ ਪਿਆਸੀਆਂ ਮਰ ਰਹਿਆ ਹਨ ਅੱਡੇ ਅੰਦਰ ਗਾਵਾ...!
ਅਵਾਰਾ ਕੁਤੇ ਨੋਚ ਨੋਚ ਖਾਂਦੇ ਹਨ ਜਿਉਂਦਿਆਂ ਗਾਵਾ ਨੂੰ...!
ਜਗਰਾਓਂ/ਲੁਧਿਆਣਾ, ਫਰਵਰੀ 2020- (ਮਨਜਿੰਦਰ ਗਿੱਲ/ਜਸਮੇਲ ਗਾਲਿਬ/ਗੁਰਦੇਵ ਗਾਲਿਬ)-
ਯੂਥ ਵੈਲਫੇਅਰ ਸੋਸਾਇਟੀ ਜਨੇਤਪੁਰਾ ਦੇ ਨੌਜਵਾਨਾਂ ਤੇ ਬਹੁਤ ਮਾਣ ਹੈ ਜਿਹੜੇ ਦੂਰੋਂ ਦੂਰੋਂ ਇਨ੍ਹਾਂ ਬੇਜ਼ੁਬਾਨ ਅਤੇ ਭੁੱਖੇ ਪਸ਼ੂਆਂ ਲਈ ਚਾਰਾ ਪਰਾਲੀ ਆਦਿ ਦਾ ਇੰਤਜ਼ਾਮ ਕਰਕੇ ਆਪਣੇ ਟਰੈਕਟਰ ਟਰਾਲੀਆਂ ਲਿਜਾ ਕੇ ਭਰ ਕੇ ਲਿਆ ਕੇ ਭੁੱਖੀਆਂ ਗਾਵਾਂ ਨੂੰ ਪਾਉਂਦੇ ਹਨ ਜੇ ਪੁੰਨ ਦੀ ਗੱਲ ਕਰੀਏ ਤਾਂ ਇਸ ਤੋਂ ਵੱਡਾ ਕੋਈ ਪੁੰਨ ਨਹੀਂ ਹੋ ਸਕਦਾ।ਪਹਿਲਾ ਵੀ ਇਸ ਪਿੰਡ ਦੇ ਨੌਜੁਆਨ ਨੇ ਪਿੰਡ ਦੀ ਸਫ਼ਾਈ ਵਿਚ ਕਈ ਸਾਲਾਂ ਤੋਂ ਮਿਸਾਲ ਕਾਇਮ ਕੀਤੀ ਹੋਈ ਹੈ। ਅੱਜ ਨੌਜੁਆਨ ਵਲੋਂ ਸਾਡੇ ਪ੍ਰਤੀਨਿਧ ਨਾਲ ਗੱਲ ਕਰਦੇ ਦਸਿਆ ਕਿ ਕਿਵੇਂ ਜਹਾਜਾਂ ਦੇ ਫਾਇਰਗ ਅੱਡੇ ਅੰਦਰ ਇਹਨਾਂ ਅਵਾਰਾ ਪਸ਼ੂਆਂ ਦੀ ਦੁਰਦਸ਼ਾ ਹੋ ਰਹੀ ਹੈ। ਐਡਾ ਵੱਡਾ ਪਾਪ ਇਨ੍ਹਾਂ ਗਾਵਾਂ ਨੂੰ ਅਵਾਰਾ ਕੁੱਤੇ 48-48 ਘੰਟੇ ਜਿਉਂਦੀਆਂ ਨੂੰ ਤੜਫਾ ਤੜਫਾ ਕੇ ਖਾਂਦੇ ਹਨ ਇਸ ਤੋਂ ਵੱਧ ਕੇ ਕੋਈ ਪਾਪ ਨਹੀਂ ਹੋ ਸਕਦਾ। ਹਜਾਰਾਂ ਦੀ ਗਿਣਤੀ ਵਿੱਚ ਇਹ ਗਾਵਾ ਇਥੇ ਭੁੱਖੀਆ ਪਿਆਸੀਆਂ ਮਰ ਰਹਿਆ ਹਨ। ਹੁਣ ਇਹ ਅੱਡਾ ਪਿਜਰਾ ਅਤੇ ਅਵਾਰਾ ਕੁਤੇ ਅਤੇ ਗਾਵਾ ਦਾ ਘਰ ਬਣ ਚੁੱਕਾ ਹੈ।ਅਸੀਂ ਬੇਨਤੀ ਕਰਦੇ ਹਾਂ ਕਿ ਸਮੇਂ ਦੀਆਂ ਸਰਕਾਰਾਂ ਨੂੰ ਇਸ ਮਸਲੇ ਦਾ ਜ਼ਰੂਰ ਕੋਈ ਨਾ ਕੋਈ ਹੱਲ ਕਰਨਾ ਚਾਹੀਦਾ ਹੈ ਇਹੀ ਗਾਂਵਾਂ ਅੱਡੇ ਤੋਂ ਬਾਹਰ ਆ ਕਿ ਕਿਸਾਨਾਂ ਦੀ ਫ਼ਸਲ ਤਬਾਹ ਕਰਦੀਆਂ ਹਨ ਕੲੀ ਵਾਰ ਦੁਰਘਟਨਾ ਦਾ ਕਾਰਨ ਬਣਦੀਆਂ ਹਨ ਇਨ੍ਹਾਂ ਦੀ ਗਿਣਤੀ ਵੀ ਬਹੁਤ ਵੱਡੀ ਹੈ ਸੋ ਜ਼ਰੂਰਤ ਹੈ ਇਸ ਮਸਲੇ ਦਾ ਕੋਈ ਹੱਲ ਕੀਤਾ ਜਾਵੇ।
