ਜਤਿੰਦਰ ਗਿੱਲ ,ਰਫਤਾਰ ਕੌਰ ,ਗੋਰਾ ਚੱਕ ਵਾਲਾ , ਗੁਰਵਿੰਦਰ ਬਰਾੜ , ਰਛਪਾਲ ਰਸੀਲਾ ਤੇ ਮੋਹਣੀ ਬਰਾੜ ,ਹਾਕਮ ਬਖਤੜੀ ਵਾਲਾ ,ਬਲਕਾਰ ਸਿੱਧੂ ਅਤੇ ਜਸਪਾਲ ਮਾਨ ਵਰਗੇ ਨਾਮੀ ਪੰਜਾਬੀ ਕਲਾਕਾਰਾਂ ਨਾਲ ਸਟੇਜ਼ ਸੋਅ ਦੌਰਾਨ ਆਪਣੇ ਢੋਲ ਦੀ ਮਧੁਰ ਅਵਾਜ਼ ਤੇ ਨੱਚਣ ਲਈ ਸਰੋਤਿਆ ਨੂੰ ਮਜਬੂਰ ਕਰਨ ਵਾਲਾ ਗੱਭਰੂ ਢੋਲੀ ਗੁਰਪ੍ਰੀਤ ਸਿੰਘ ਸੇਖੋਂ । ਢੋਲੀ ਗੁਰਪ੍ਰੀਤ ਸਿੰਘ ਸੇਖੋਂ ਨੇ ਜਿੱਥੇ ਜਿੱਥੇ ਵੀ ਸੱਭਿਆਚਾਰਕ ਮੇਲਿਆ ਦੌਰਾਨ ਆਪਣੀ ਹਾਜਰੀ ਲਗਵਾਈ ਹੈ ਬੱਲੇ ਬੱਲੇ ਕਰਵਾਉਂਦਾ ਆਪਣਾ ਨਾਮ ਦਾ ਲੋਹਾਂ ਮਨਵਾਉਂਦਾ ਰਿਹਾ ਹੈ । ਢੋਲ ਦੀ ਕਲਾ ਨਾਲ ਨੱਕੋਂ ਨੱਕ ਭਰਪੂਰ ਢੋਲੀ ਗੁਰਪ੍ਰੀਤ ਸਿੰਘ ਸੇਖੋਂ ਨੇ ਪ੍ਰੈਸ ਮਿਲਣੀ ਦੌਰਾਨ ਆਪਣੇ ਮਨ ਦੇ ਬਲ ਬਲੇ ਸ਼ਾਂਝੇ ਕਰਦੇ ਹੋਏ ਕਿਹਾ ਕਿ ਸੰਗੀਤ ਇੱਕ ਐਸੀ ਚੀਜ ਹੈ ਜਿਸ ਨੇ ਵੀ ਇਸ ਨੂੰ ਦਿੱਲੋਂ ਸੁਣਦੇ ਹੋਏ ਸਤਿਕਾਰ ਕਰਕੇ ਇਸ ਦੀ ਡੂੰਘਾਈ ਵਿੱਚ ਲੀਨ ਹੋਇਆ ਹੈ ਤਾਂ ਉਸ ਨੂੰ ਇਸ ਨੇ ਲੋਕਾਂ ਦੇ ਦਿਲਾਂ ਦਾ ਰਾਜਾ ਬਣਾ ਦਿੱਤਾ ਹੈ। ਇਸ ਸਮੇਂ ਉਹਨਾ ਕਿਹਾ ਕਿ ਮੈਂ ਤੇ ਤਨ ਮਨ ਅਤੇ ਪੂਰੀ ਲਗਨ ਨਾਲ ਆਪਣੇ ਕਾਰਜ ਕਰਦਾ ਰੱਬ ਰੂਪੀ ਸਰੋਤਿਆ ਨੂੰ ਸਮਰਪਿਤ ਹੁੰਦਾ ਆਇਆ ਹਾਂ ਤਦ ਹੀ ਅੱਜ ਮੈਨੂੰ ਮੇਰੇ ਕਬੂਲਣਹਾਰ ਮੈਨੂੰ ਢੋਲੀ ਗੁਰਪ੍ਰੀਤ ਸਿੰਘ ਸੇਖੋਂ ਦੇ ਨਾਮ ਨਾਲ ਜਾਣਦੇ ਹਨ ।
