ਕਿਸੇ ਅਜਨਵੀ ਦੀ ਲਿਖਤ ਪੜੀ ਅਤੇ ਉਸ ਵਿਚ ਕੁਸ ਹੋਰ ਸ਼ਾਮਲ ਕੀਤਾ ਅਤੇ ਪੰਜਾਬ ਅਤੇ ਪੰਜਾਬੀਆਂ ਨਾਲ ਹਮਦਰਦੀ ਰਖਣ ਵਾਲੇ ਓਹਨਾ ਸਭ ਲਈ ਕੁਸ ਬਹੁਤ ਜਰੂਰੀ..! ਜਰੂਰ ਪੜ੍ਹਨਾ.. ਅਮਨਜੀਤ ਸਿੰਘ ਖਹਿਰਾ
ਅੱਜ ਦਾ ...? ਜਾ ਸਾਡੀ ਸੋਚ...!
ਪ੍ਰਦੂਸ਼ਣ ਨੇ ਸਾਰਿਆ ਦੀ ਬੱਤੀ ਗੁੱਲ ਕੀਤੀ ਪਈ ਹੈ ਪਰ ਇਸ ਨੂੰ ਗੰਭੀਰਤਾ ਨਾਲ ਲੈਣ ਦੀ ਬਜਾਈ ਦੋਸ਼ ਇਕ ਦੂਜੇ ਉਪਰ ਸੁੱਟ ਕੇ ਸਮਾਂ ਲੰਘਾਇਆ ਜਾ ਰਿਹਾ..! ਕਿਉਂ...?
ਕੇਂਦਰ ਸਰਕਾਰ ਕਹਿੰਦੀ ਕਿ 1200 ਕਰੋੜ ਰੁਪਿਆ ਪਰਾਲੀ ਦੀ ਅੱਗ ਰੋਕਣ ਲਈ ਪੰਜਾਬ,ਹਰਿਆਣੇ ਅਤੇ ਪੱਛਮੀ ਯੂਪੀ ਨੂੰ ਦਿੱਤਾ ਗਿਆ ਪਰ ਅੱਗ ਫਿਰ ਵੀ ਲੱਗੀ...! ਕਿਉਂ...?
ਪੰਜਾਬ ਵਿੱਚ 650 ਕਰੋੜ ਰੁਪਏ ਦੀ ਮਸ਼ੀਨਰੀ ਕਿਸਾਨਾਂ ਨੂੰ ਮੁਹੱਇਆ ਕਰਵਾਈ ਗਈ ਪਰ ਕਿਸਾਨ ਇਸ ਮਸ਼ੀਨਰੀ ਨੂੰ ਰੱਦ ਕਰਕੇ ਪਰਾਲੀ ਸਾੜਨ ਨੂੰ ਤਰਜੀਹ ਦੇ ਰਹੇ ਹਨ...! ਕਿਉਂ ....?
ਪ੍ਰਦੂਸ਼ਣ ਸੰਬੰਧੀ ਬਿਮਾਰੀਆ ਤੇ ਦਵਾਈ ਉਤੇ 600 ਕਰੋੜ ਰੁਪਿਆ ਖਰਚ ਹੋਣ ਦਾ ਅਨੁਮਾਨ ਹੈ ਜਿਸਨੂੰ ਮਨਫੀ ਕੀਤਾ ਜਾ ਸਕਦਾ ਸੀ ਪਰ ਵਾਧਾ ਹੋ ਰਿਹਾ....! ਕਿਉਂ ....?
ਛੋਟੇ ਕਿਸਾਨ ਅੱਗ ਲਾਕੇ ਰਾਜ਼ੀ ਨਹੀਂ ਹਨ।ਉਹਨਾਂ ਨੂੰ ਕੋਈ ਸਬਸਿਡੀ ਜਾਂ ਮਾਈਕ ਸਹਾਇਤਾ ਵੀ ਨਹੀਂ ਮਿਲੀ ਪਰ 80% ਸਬਸਿਡੀ ਲੈਣ ਵਾਲੇ ਵੱਡੇ ਕਿਸਾਨ ਅੱਗ ਲਗਾ ਰਹੇ ਨੇ...! ਕਿਉਂ ...?
ਆਕੜੇ ਦੱਸ ਰਹੇ ਹਨ ਕਿ ਸਾਰੇ ਪ੍ਰਦੂਸ਼ਣ ਵਿੱਚ ਪਰਾਲੀ ਦੀ ਅੱਗ ਦਾ ਹਿੱਸਾ 8-10% ਹੈ ਫਿਰ 90% ਫੈਲਾਆਉਣ ਵਾਲੇ ਕਿਉਂ ਸਾਫ ਬਚ ਕੇ ਨਿਕਲ ਰਹੇ ਹਨ...! ਕਿਉਂ .....?
ਅਸਰ ਸਾਰੇ ਸਮਾਜ ਤੇ ਹੈ ਫਲਾਈਟਾਂ ਡਾਈਵਰਟ ਹੋ ਰਹੀਆ ਹਨ..! ਸਕੂਲ ਬੰਦ ਕੀਤੇ ਜਾ ਰਹੇ ਹਨ ..! ਕਿਉਂ ...?
ਪ੍ਰਵਾਸੀ ਲੋਕ ਟਿਕਟਾਂ ਕੈਂਸਲ ਕਰਵਾ ਰਹੇ ਹਨ..! ਹੈਲਥ ਐਮਰਜੈਂਸੀ ਦੀ ਨੌਬਤ ਆਈ ਹੋਈ ਹੈ..! ਫਿਰ ਵੀ ਸਾਰਾ ਸਮਾਜ ਜ਼ਿੰਮੇਵਾਰ ਤੇ ਇਕਜੁਟ ਕਿਉਂ ਨਹੀ ...! ਸਰਕਾਰਾਂ ਵੀ ਗੰਭੀਰ ਨਹੀਂ..! ਕਿਉਂ ...?
ਤੁਲਸੀ,ਅਦਰਕ,ਸ਼ਹਿਦ,ਹਲਦੀ,ਗੁਲਾਬ ਜਲ,ਨਿੰਬੂ ਦੀ ਜਗਾ ਨਿੰਬੂਲਾਈਜ਼ਰ ਲੈ ਰਹੇ ਹਨ...! ਕਿਉਂ ...?
ਆਰੋ ਫਿਲਟਰਾਂ ਦੀ ਹੱਡੀ ਖੋਰ ਬਰਬਾਦੀ ਤੋਂ ਬਾਦ ਏਅਰ ਫਿਲਟਰ ਬਣਾਆਉਣ ਵਾਲਿਆ ਦੀਆ ਵਾਛਾਂ ਕਿਉਂ ਖਿੜ ਰਹੀਆ ਨੇ...! ਕਦ ਤੱਕ ਕਮਰੇ ਚ ਬੰਦ ਰਹਾਂਗੇ...! ਕਿਉਂ ....?
ਅਮਰੀਕਾ,ਮੈਕਸੀਕੋ ਤੋਂ ਡਿਪੋਰਟ ਹੋਏ ਪੰਜਾਬੀ ਦਿਲ ਕਮਵਾਓ ਖੁਲਾਸੇ ਕਰ ਰਹੇ ਹਨ...! ਕੁੱਟਮਾਰ,ਸ਼ੋਸ਼ਣ ਤੋਂ ਇਲਾਵਾ ਏਜੰਟਾਂ ਵੱਲੋਂ ਪਤੀਆ ਦੇ ਸਾਹਮਣੇ ਪਤਨੀਆ ਨਾਲ ਬਲਾਤਕਾਰ ਦੀਆ ਕਹਾਣੀਆ ਨਸ਼ਰ ਹੋ ਰਹੀਆ ਹਨ ..! ਲੋਕ ਫਿਰ ਵੀ ਪੱਚੀ ਲੱਖ ਲੈਕੇ ਏਜੰਟਾਂ ਦੇ ਦਰਵਾਜ਼ਿਆ ਤੇ ਖੜੇ ਹਨ...! ਕਿਉਂ ...?
ਤੀਹ ਲੱਖ ਦੀ ਠੱਗੀ ਮਰਵਾ ਕੇ ਵਾਪਿਸ ਮੁੜਿਆ ਨੌਜਵਾਨ ਪੰਜਾਬ ਨੂੰ ਨਰਕ ਦੱਸਦਾ ਹੈ ਅਤੇ ਫਿਰ ਬਾਹਰ ਜਾਣ ਦੀ ਗੱਲ ਕਰਦਾ ਹੈ...! ਕਿਉਂ ...?
ਦਸ ਲੱਖ ਮੁੰਡੇ ਕੁੜੀਆ ਹਰ ਸਾਲ ਮਹਿੰਗੇ ਭਾਅ ਲਈ ਅਜ਼ਾਦੀ ਨੂੰ ਲੱਤ ਮਾਰ ਕੇ ਵਿਦੇਸ਼ਾਂ ਚ ਮਿੱਠੀ ਗੁਲਾਮੀ ਮੁੱਲ ਖਰੀਦ ਰਹੇ ਹਨ...! ਜਿਹਨਾਂ ਕੋਲੋਂ ਦੇਸ਼ ਅਜ਼ਾਦ ਹੋਇਆ ਮੁੜ ਓਹਨਾਂ ਕੋਲ ਹੀ ਸ਼ਰਣ ਲੈਣੀ ਪੈ ਰਹੀ ਹੈ....! ਕਿਉਂ ...?
ਚਾਰੇ ਪਾਸੇ ਸ਼੍ਰੀ ਗੁਰੁ ਨਾਨਕ ਦੇਵ ਜੀ ਦੇ 550 ਵੇਂ ਗੁਰਪੁਰਬ ਦੀਆਂ ਤਿਆਰੀਆਂ, ਪੇਸ਼ਕਾਰੀਆ, ਲੰਗਰ, ਬਰੂਦੀ ਪਟਾਕੇ, ਸਪੀਕਰ ਦਾ ਰੌਲ਼ਾ,ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਹਾਜ਼ਿਰ ਪਰ ਸਿੱਖਿਆਵਾ, ਸਿੱਖੀ ਭਾਵਨਾਂਮਾ ਗਾਇਬ ..! ਨਾਅਰਾ ਪੰਜਾਬ ਵੱਸਦਾ ਗੁਰਾਂ ਦੇ ਨਾਮ ਉਤੇ ਪਰ ਗੁਰਾਂ ਦੇ ਮਾਰਗ ਤੇ ਚੱਲਣ ਲਈ ਤਿਆਰ ਕੋਈ ਨਹੀਂ...! ਆਪਣੇ ਆਪਣੇ ਰਸਤੇ,ਕੁਛ ਵੀ ਸਾਂਝਾ ਨਹੀਂ...! ਕਿਉਂ ...?
ਕਰਤਾਰਪੁਰ ਲਾਂਘੇ ਦਾ ਵਿਰੋਧ ਕਰਨ ਵਾਲੇ ਹੁਣ ਲਾਂਘੇ ਦੇ ਖੁੱਲਣ ਦਾ ਸਿਹਰਾ ਲੈ ਰਹੇ ਨੇ ਤੇ ਖੁੱਲਵਾਉਣ ਵਾਲੇ ਘਰਾਂ ਚ ਬੈਠੇ ਹਨ...! ਕਿਉਂ ...?
ਲੋਕਾਂ ਨੂੰ ਅਨੁਸ਼ਾਸਨ ਅਤੇ ਕਾਨੂੰਨ ਦਾ ਡਰ ਨਹੀਂ...!ਲਾਲੋ ਮਲਕ ਭਾਗੋਆ ਤੋਂ ਲੁਕਦੇ ਫਿਰ ਰਹੇ ਹਨ...!ਕੋਧਰਾ ਗਾਇਬ ਹੈ,ਸ਼ਾਹੀ ਪਕਵਾਨਾਂ ਦੀ ਚੜਤ...! ਕਿਉਂ ...?
ਪਰ ਇਹ ਸਾਰੀਆ ਗੱਲਾਂ ਮੇਰੇ ਦਿਮਾਗ ਚ ਕਿਉ ਆ ਰਹੀਆਂ ਹਨ...!
ਲੱਗਦਾ ਦਿਮਾਗ ਚ ਗੜਬੜ ਹੈ ਜਾਂ ਧੂੰਏ ਦਾ ਅਸਰ ਹੋਗਿਆ....!
ਬੋਲਿਆ ਤੇ ਮਾਰ ਦੇਣਗੇ...!
ਨਾ ਬੋਲਿਆ ਤਾਂ ਮਰ ਜਾਵਾਂਗਾ..!
ਇਹ ਸੱਭ ਕੁਜ ਸੋਚ ਰਿਹਾ ਹੈ ਪੰਜਾਬ..! ਜੇਕਰ ਨਹੀਂ ਵੀ ਸੋਚ ਰਿਹਾ ਤਾਂ ਸੋਚ ਲੈਣਾ ਚਾਹੀਦਾ ਹੈ। ਜਿਉਣ ਲਈ ਸੋਚਣਾ ਪਵੇਗਾ...! ਇਹ ਹੈ ਇਕ ਅਹਿਮ ਸਵਾਲ .(?)
