ਮੇਰਾ ਦੇਸ ਮਹਾਨ...?
ਧਰਤੀ ਉੱਤੇ ਭਾਰ ਦਾ ਨਾਮ ਭਾਰਤ ਦੇਸ ਹੈ।
ਇਥੇ ਸਭ ਤੋਂ ਵੱਧ ਵਿਕਣ ਵਾਲੀ ਚੀਜ਼ ਦਾ ਨਾਮ ਮੀਡੀਆ ਹੈ।
ਏਥੇ ਬਲਾਤਕਾਰ ਧਾਰਮਿਕ ਥਾਵਾਂ ਤੇ ਕੀਤੇ ਜਾਂਦੇ ਹਨ ਅਤੇ ਭਗਤੀ ਬੀਆਬਾਨਾਂ ਵਿੱਚ ਜਾਕੇ ਕੀਤੀ ਜਾਂਦੀ ਹੈ।
ਏਥੇ ਸਭ ਤੋਂ ਅਲੌਕਿਕ ਉਹ ਲੋਕ ਹਨ ਜੋ ਸਿਰ ਵਿੱਚ ਦਿਮਾਗ ਦੀ ਜਗਾ ਤੂੜੀ ਲੈਕੇ ਪੈਦਾ ਹੋਏ ਹਨ।
ਏਥੋਂ ਦੇ ਕੁਝ ਤਬਕਿਆਂ ਨੂੰ ਆਵਦਾ ਇਸ ਦੇਸ਼ ਵਿਚ ਜੰਮਣ ਦਾ ਬਹੁਤ ਅਫਸੋਸ ਹੈ।
ਇਥੋਂ ਦੀ ਇੱਕ ਪ੍ਰਜਾਤੀ ਜੋ ਆਵਦੀ ਗੁਲਾਮ ਹੋਣ ਦੀ ਹੀ ਗੱਲ ਤੋਂ ਅਣਜਾਣ ਹੈ।
ਇੱਥੇ ਪੜੇ ਲਿਖੇ ਨੌਜਵਾਨ ਨਸ਼ੇ ਕਰਦੇ ਹਨ ਤੇ ਅਨਪੜ ਸਰਕਾਰ ਚਲਾਉਂਦੇ ਹਨ।
ਇਥੇ ਇੰਜੀਨੀਅਰ ਬਾਬਿਆਂ ਦੀ ਇੱਕ ਟੀਮ ਹੈ ਜੋ ਕਿਸੇ ਵੀ ਗ੍ਰਹਿ ਦਾ ਸਟੇਰਿੰਗ ਘੁੰਮਾ ਕੇ ਤਕਦੀਰਾਂ ਬਦਲ ਸਕਦੀ ਹੈ।
ਏਥੇ ਅਸਲੀ ਦੁੱਧ ਡੋਲ ਦਿੱਤਾ ਜਾਂਦਾ ਹੈ ਤੇ ਨਕਲੀ ਦੁੱਧ ਨਾਲ ਬੱਚੇ ਪਾਲੇ ਜਾਂਦੇ ਹਨ।
ਏਥੇ ਲੋਕਾਂ ਨੂੰ ਬਾਬਿਆਂ ਦੇ ਸੇਬ ਜਾਂ ਕਿਸੇ ਹੋਰ ਫਲ ਖਾ ਕੇ ਬੱਚਾ ਪੈਦਾ ਕਰਨ ਦੀ ਮੁਹਾਰਤ ਹਾਸਿਲ ਹੈ।
ਏਥੋਂ ਦੀ ਸਰਕਾਰ ਯੱਗ ਕਰਕੇ ਦੇਸ਼ ਦੀ ਰੱਖਿਆ ਮਜ਼ਬੂਤ ਕਰਦੀ ਹੈ ਨਾ ਕਿ ਨਵੇਂ ਜਹਾਜ਼ ਜਾਂ ਹਥਿਆਰ ਬਣਾਕੇ।
ਏਥੇ ਸ਼ਨੀ ਗ੍ਰਹਿ ਨੂੰ ਰੈਲਾ ਕਰਨ ਲਈ ਸਰੋਂ ਦਾ ਤੇਲ ਦੇਣ ਵਾਲੇ ਮਿਸਤਰੀ ਸ਼ਨੀਵਾਰ ਨੂੰ ਚੌਂਕ ਜਾਂ ਰੇਲਵੇ ਸਟੇਸ਼ਨਾਂ ਤੇ ਪਾਏ ਜਾਂਦੇ ਹਨ।
ਏਥੇ ਮਹਾਨ ਟੂਲ ਐਂਡ ਡਾਈ ਵਾਲੇ ਮਹਾਨ ਕਾਰੀਗਰ ਇੱਕ ਸਰੀਰ ਵਿੱਚ 2 ਆਤਮਾਵਾਂ ਨੂੰ ਫਿੱਟ ਕਰ ਸਕਦੇ ਹਨ ਜਾਂ ਕੱਢ ਸਕਦੇ ਹਨ।
ਗਾਂ ਦੇ ਮੂਤ ਨਾਲ ਕੈਂਸਰ ਠੀਕ ਕਰਨ ਦੀ ਮਹਾਨ ਖੋਜ ਵੀ ਇਸੇ ਦੇਸ਼ ਦੀ ਦੇਣ ਹੈ।
ਇੱਥੇ ਜਨਾਨੀ ਦੇ ਇੱਕ ਦਿਨ ਭੁੱਖੀ ਰਹਿਣ ਨਾਲ ਨਾਲ ਬੰਦੇ ਦੀ ਉਮਰ ਲੰਬੀ ਹੋ ਜਾਂਦੀ ਹੈ ।
ਇੱਥੇ ਗਾਂ ਨੂੰ ਕੁਝ ਲੋਕ ਮਾਂ ਕਹਿੰਦੇ ਹਨ, ਪਰ ਗਾਂ ਦੇ ਪਤੀ (ਬੈਲ) ਨੂੰ ਪਿਤਾ ਨਹੀਂ ਮੰਨਦੇ ।
ਇਥੋਂ ਦੇ ਲੋਕ ਪਾਣੀ ਪਾ ਕੇ ਸੂਰਜ ਨੂੰ ਵੀ ਠੰਡਾ ਕਰ ਸਕਦੇ ਹਨ ।
ਇਥੋਂ ਦੇ ਲੀਡਰ ਰੋਟੀ ਦੀ ਜਗ੍ਹਾ ਰੇਤਾ, ਬਜਰੀ ਤੇ ਪੁੱਲ ਆਦਿ ਖਾਂਦੇ ਹਨ ।
ਇਥੋਂ ਦੇ ਮਰੀ ਜਮੀਰ ਵਾਲੇ ਲੋਕ ਇੱਕ ਦਾਰੂ ਦੀ ਬੋਤਲ ਲੇ ਕੇ ਲੀਡਰਾਂ ਕੋਲੋ ਪੰਜ ਸਾਲ ਛਿੱਤਰ ਖਾਂਦੇ ਹਨ।
ਇੱਥੇ ਬਾਬੇ ਫ਼ਿਲਮਾਂ ਵਿਚ ਵੀ ਐਕਟਿੰਗ ਕਰਦੇ ਹਨ ਤੇ ਰਾਤ ਨੂੰ ਬਾਬਿਆਂ ਦੇ ਖੁਰ (ਪੈਰ) ਘੁਟਣ ਲਈ ਮਾਂ - ਬਾਪ ਆਪਣੀਆ ਧੀਆਂ ਨੂੰ ਆਪ ਬਾਬੇ ਕੋਲ ਛੱਡ ਕੇ ਆਉਂਦੇ ਹਨ ਤੇ ਬਾਬਾ ਉਨ੍ਹਾਂ ਨੂੰ ਗੁਫਾ ਚ ਮਾਫ਼ੀ ਵੀ ਦਿੰਦਾ ਹੈ।
ਇੱਥੇ ਜਿਉਦਿਆ ਨੂੰ ਮਾਰਿਆ ਤੇ ਮਰਿਆ ਦੀ ਪੂਜਾ ਕੀਤੀ ਜਾਂਦੀ ਹੈ ।
ਏਥੇ ਲੋਕ ਸਿਰਫ ਪੱਥਰਾਂ ਨੂੰ ਪਿਆਰ ਕਰਦੇ ਹੱਨ, ਇਸਤਰੀ ਜੇ ਪੱਥਰ ਦੀ ਹੋਵੇ ਤਾਂ ਮਾਤਾ ਕਹਿ ਕੇ ਪੂਜਦੇ ਹਨ ਤੇ ਜੇ ਜਿੰਦਾ ਮਿਲ ਜਾਵੇ ਤਾਂ ਉਸਨੂੰ ਨੋਚਦੇ ਹਨ ਤੇ ਬਲਾਤਕਾਰ ਕਰਦੇ ਹਨ।
ਇੱਥੇ ਕੁੜੀਆਂ ਨੂੰ ਕੁੱਖ ਵਿਚ ਮਾਰਿਆ ਤੇ ਪੁੱਤਾਂ ਨੂੰ ਦਾਜ ਪਿੱਛੇ ਵੇਚਿਆ ਜਾਂਦਾ ਹੈ ।
ਇੱਥੇ ਦੀਆਂ ਸਰਕਾਰਾਂ ਆਟੇ ਦਾਲਾਂ ਫਰੀ ਦੇਕੇ ਲੋਕਾਂ ਨੂੰ ਮੰਗਤਿਆਂਦੇ ਰੂਪ ਵਿੱਚ ਦੇਖਦੀਆਂ ਹਨ।
ਤਾਹਿ ਤਾਂ ਆਖਦੇ ਹਾਂ ਮੇਰਾ ਦੇਸ ਮਹਾਨ ਹੈ ਜਿਸ ਦਾ ਨਾਂ ਭਾਰਤ ਹੈ।
