ਸਿੱਧਵਾਂ ਬੇਟ/ਲੁਧਿਆਣਾ,ਸਤੰਬਰ 2019 -(ਜਸਮੇਲ ਗਾਲਿਬ)-
ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋ ਕਰਵਾਈਆਂ ਜਾਦੀਆਂ ਜ਼ੋਨ ਪੱਧਰ ਦੀਆਂ ਖੇਡਾਂ ਮਿਤੀ 30 ਸਤੰਬਰ ਤੋ 2 ਅਕਤੂਬਰ ਤੱਕ ਸਰਕਾਰੀ ਪ੍ਰਾਇਮਰੀ ਸਕੂਲ ਗਾਲਿਬ ਕਲਾਂ ਦੀ ਗਰਾਉਡ 'ਚ ਕਰਵਾਈਆਂ ਜਾ ਰਹੀਆਂ ਹਨ। ਇਸ ਸਬੰਦੀ ਜਾਣਕਾਰੀ ਦਿੰਦਿਆਂ ਬਲਾਕ ਸਿੱਖਿਆ ਅਫਸਰ ਹਰਭਜਨ ਸਿੰਘ ਸਿੱਧੂ ਅਤੇ ਸੈਂਟਰ ਗਾਲਿਬ ਕਲਾਂ ਦੇ ਮੁਖੀ ਸੁਖਦੇਵ ਸਿੰਘ ਹਠੂਰ ਨੇ ਦੱਸਿਆ ਕਿ ਇੰਨ੍ਹਾਂ ਤਿੰਨ ਰੋਜ਼ਾ ਖੇਡਾਂ ਦੌਰਾਨ ਬਲਾਕ ਸਿੱਧਵਾਂ ਬੇਟ-1,ਸਿੱਧਵਾਂ ਬੇਟ-2,ਜਗਰਾਉ,ਸੁਧਾਰ ਅਤੇ ਰਾਏਕੋਟ ਜ਼ੋਨ ਦੇ ਪ੍ਰਾਇਮਰੀ ਸਕੂਲਾਂ ਦੇ ਖਿਡਾਰੀ ਭਾਗ ਲੈਣਗੇ।ਇਨ੍ਹਾਂ ਖੇਡਾਂ 'ਚ ਕਬੱਡੀ ਨੈਸ਼ਨਲ,ਕਬੱਡੀ ਸਰਕਲ(ਲੜਕੇ-ਲੜਕੀਆਂ),ਖੋ-ਖੋ(ਲੜਕੇ-ਲੜਕੀਆਂ),ਫੱੁਟਬਾਲ,ਐਥਲੈਟਿਕਸ,ਕੁਸਤੀਆਂ,ਕਰਾਟੇ,ਬੈਡਮੈਟਨ,ਜਿਮਾਨਾਸਟਿਕ,ਰੱਸਾਕੱਸੀ,ਗੋਲਾ ਸੱੁਟਣ,ਯੋਗਾ ਦੇ ਮੁਕਬਾਲੇ ਕਰਵਾਏ ਜਾਣਗੇ।
