ਜਗਰਉ / ਸਿੱਧਵਾਂ ਬੇਟ ( ਡਾ.ਮਨਜੀਤ ਸਿੰਘ ਲੀਲਾਂ ) ਸਿਵਲ ਸਰਜਨ ਲੁਧਿਆਣਾ ਡਾ. ਜਸਬੀਰ ਸਿੰਘ ਔਲਖ ਵੱਲੋਂ ਵੱਲੋਂ ਸੀ.ਐਚ.ਸੀ ਸਿੱਧਵਾਂਬੇਟ ਵਿਖੇ ਸਮੂਹ ਸਟਾਫ ਦੀ ਮੀਟਿੰਗ ਕਰਕੇ ਸੈਟਰ ਵਾਈਜ ਸੀ.ਐਚ.ਓ, ਏ.ਐਨ.ਐਮ, ਮਪਹਵ (ਮੇਲ) ਅਤੇ ਆਸ਼ਾ ਦੇ ਕੰਮ ਦੀ ਸਮੀਖਿਆ ਕੀਤੀ ਗਈ ਅਤੇ ਜਿਹੜੇ ਸੈਟਰਾ ਦਾ ਕੰਮ ਮਿੱਥੇ ਟਾਰਗਟ ਨਾਲੋਂ ਘੱਟ ਸੀ ਉਨ੍ਹਾਂ ਨੂੰ ਸਮਾਬੱਧ ਤਰੀਕੇ ਨਾਲ ਟਾਰਗਟ ਪੂਰਾ ਕਰਨ ਦੀ ਹਦਾਇਤ ਕੀਤੀ ਗਈ। ਉਨ੍ਹਾਂ ਨੇ ਕਿਹਾ ਕਿ ਸਿਹਤ ਵਿਭਾਗ ਲੋਕਾਂ ਨੂੰ ਮਿਆਰੀ ਸਿਹਤ ਸਹੂਲਤਾਂ ਦੇਣ ਲਈ ਬਚਨਬੱਧ ਹੈ। ਇਸ ਲਈ ਜਰੂਰੀ ਹੈ ਕਿ ਹਰ ਕਰਮਚਾਰੀ ਆਪਣੀ ਡਿਊਟੀ ਪੂਰੀ ਤਨਦੇਹੀ ਨਾਲ ਨਿਭਾਵੇ ਅਤੇ ਕੰਮ ਕਰਨ ਵਿੱਚ ਕੋਈ ਵੀ ਦਿੱਕਤ ਪੇਸ਼ ਆ ਰਹੀ ਹੈ ਤਾਂ ਉਸ ਸਬੰਧੀ ਐਸ.ਐਮ.ਓ ਸਿੱਧਵਾਂਬੇਟ ਜਾਂ ਮੇਰੇ ਨਾਲ ਸੰਪਰਕ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਸੀ.ਐਚ.ਸੀ ਸਿੱਧਵਾਂਬੇਟ ਦੇ ਕਈ ਪਿੰਡ ਦੀ ਸੈਕਸ ਰੈਸੋਂ ਕਾਫੀ ਘੱਟ ਹੈ । ਇਸ ਲਈ ਸਬੰਧਿਤ ਸਟਾਫ ਨੂੰ ਸੈਕਸ ਰੈਸੋਂ ਵਧਾਉਣ ਲਈ ਉਪਰਾਲੇ ਕਰਨ ਦੀ ਹਦਾਇਤ ਕੀਤੀ ਗਈ। ਇਸਤੋਂ ਇਲਾਵਾ ਹਾਈ ਰਿਸਕ ਪਰੇਗਨੇਸ਼ੀ ਫੋਲੋਅਪ, ਹਾਈਪੈਰਟਸ਼ਨ ਮਰੀਜਾ ਦਾ ਫੋਲੋਅਫ ,ਐਮ.ਡੀ.ਆਰ, ਆਈ.ਡੀ.ਆਰ ਆਦਿ ਵਿਸ਼ਿਆ ਤੇ ਵੀ ਧਿਆਨ ਦੇਣ ਲਈ ਕਿਹਾ ਗਿਆ। ਉਨ੍ਹਾਂ ਕਿਹਾ ਕੇ ਜੇਕਰ ਕਿਸੇ ਕਰਮਚਾਰੀ ਨੂੰ ਡਿਊਟੀ ਨਾਲ ਸਬੰਧਿਤ ਕੋਈ ਦਿੱਕਤ ਹੈ ਤੇ ਉਹ ਉਨ੍ਹਾਂ ਨਾਲ ਸੰਪਰਕ ਕਰਦੇ ਸਨ। ਉਨ੍ਹਾਂ ਵੱਲੋਂ ਕਰਮਚਾਰੀਆ ਦੀਆ ਸਮੱਸਿਆਵਾਂ ਦਾ ਹੱਲ ਕਰਨ ਦਾ ਭਰੋਸਾ ਦਿਵਾਇਆ ਗਿਆ। ਇਸ ਸਮੇਂ ਸੀਨੀਅਰ ਮੈੇਡੀਕਲ ਅਫਸਰ ਡਾ ਅਮਰਜੀਤ ਕੌਰ ਜੀ ਵੱਲੋਂ ਭਰੋਸਾ ਦਿਵਾਇਆ ਗਿਆ ਕਿ ਸਿਵਲ ਸਰਜਨ ਵੱਲੋਂ ਕੀਤੀਆ ਹਦਾਇਤਾ ਤੇ ਅਮਲ ਕਰਦਿਆ ਜਿਥੇ ਕੰਮ ਵਿੱਚ ਕੋਈ ਕਮੀ ਪੇਸ਼ੀ ਹੈ ਉਸਨੂੰ ਦੂਰ ਕੀਤਾ ਜਾਵੇਗਾ। ਉਨ੍ਹਾਂ ਵੱਲੋਂ ਸਿਵਲ ਸਰਜਨ ਸਾਹਿਬ ਦਾ ਸੀ.ਐਚ.ਸੀ ਸਿੱਧਵਾਂਬੇਟ ਵਿਖੇ ਪਹੁੰਚ ਕੇ ਰੀਵਿਉ ਮੀਟਿੰਗ ਕਰਨ ਲਈ ਧੰਨਵਾਦ ਵੀ ਕੀਤਾ । ਇਸ ਸਮੇਂ ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ ਅਮਰਜੀਤ ਕੌਰ , ਰਜਿੰਦਰ ਸਿੰਘ ਜਿਲ੍ਹਾ ਡਿਪਟੀ ਸੂਚਨਾ ਅਤੇ ਸਿੱਖਿਆ ਅਫਸਰ, ਸੰਜੀਵ ਭਾਰਗਵ ਸੁਪਰਡੈਂਟ ਪੰਕਜ, ਡਾ ਅੰਕਿਤਾ ਪਲਿਆਲ, ਡਾ ਸਰਵਪ੍ਰੀਤ ਸਿੰਘ ਮੱਲ੍ਹੀ, ਸਤਵਿੰਦਰ ਸਿੰਘ ਸੀਨੀਅਰ ਸਹਾਇਕ,ਹਰਪਾਲ ਕੌਰ ਨਰਸਿੰਗ ਅਫ਼ਸਰ , ਗੁਰਮੇਲ ਸਿੰਘ ਹੈਲਥ ਇੰਸਪੈਕਟਰ ਮਨਦੀਪ ਸਿੰਘ , ਸੁਖਵਿੰਦਰ ਸਿੰਘ ਅਕਾਊਟੈਂਟ,ਬਲਦੇਵ ਸਿੰਘ ਆਦਿ ਵੀ ਹਾਜਰ ਸਨ।
