ਮੁੱਲਾਂਪੁਰ ਦਾਖਾ 20 ਅਕਤੂਬਰ (ਸਤਵਿੰਦਰ ਸਿੰਘ ਗਿੱਲ) ਗਦਰੀ ਬਾਬਾ ਹਰੀ ਸਿੰਘ ਉਸਮਾਨ ਕੋਮਾਗਾਟਾਮਾਰੂ ਯਾਦਗਾਰ ਕਮੇਟੀ ਬੱਦੋਵਾਲ ਵੱਲੋ ਮਹਾਨ ਗ਼ਦਰੀ ਤੇ ਅਜ਼ਾਦ ਹਿੰਦ ਫੌਜ਼ ਦੇ ਜਰਨੈਲ ਬਾਬਾ ਹਰੀ ਸਿੰਘ ਉਸਮਾਨ ਦੇ ਜਨਮ ਦਿਨ ਦੀ 144ਵੀਂ ਵਰ੍ਹੇ-ਗੰਢ੍ਹ ਮੋਕੇ ਪਿੰਡ ਬੱਦੋਵਾਲ ਦੇ ਵੱਡਾ ਗੁਰਦੁਆਰਾ ਸਾਹਿਬ ਦੇ ਸਾਹਮਣੇ ਵਿਸ਼ਾਲ ਦੇਸ਼ ਭਗਤ ਸਮਾਗਮ ਰਚਾਇਆ ਗਿਆ।
ਦੇਸ਼ ਭਗਤ ਸਮਾਗਮ ਦੀ ਪ੍ਰਧਾਨਗੀ ਸਰਵ ਸ਼੍ਰੀ ਐਡਵੋਕੇਟ ਕੁਲਦੀਪ ਸਿੰਘ ਮਾਸਟਰ, ਜਸਦੇਵ ਸਿੰਘ ਲਲਤੋਂ, ਹਰਦੇਵ ਸਿੰਘ ਸੁਨੇਤ (ਤਿੰਨੇ ਕੋਮਾਗਾਟਾਮਾਰੂ ਯਾਦਗਾਰ ਕਮੇਟੀ ਜਿਲ੍ਹਾ ਲੁਧਿਆਣਾ ਦੇ ਮੈਂਬਰ), ਬਿਕਰਮ ਸਿੰਘ, ਗੁਰਦਿਆਲ ਸਿੰਘ ਤਲਵੰਡੀ ਅਮਰੀਕ ਸਿੰਘ ਤਲਵੰਡੀ ,,, ਦਲਜਿੰਦਰ ਸਿੰਘ ਬੂਟਾ , ਉਜਾਗਰ ਸਿੰਘ ਬੱਦੋਵਾਲ , ਸਰਪੰਚ ਜਸਪ੍ਰੀਤ ਸਿੰਘ ਨੇ ਉਚੇਚੇ ਤੋਰ ਤੇ ਕੀਤੀ।
ਪਹਿਲ ਪ੍ਰਿਥਮੇ ਸਮੂਹ ਹਾਜਰੀਨਾ ਨੇ 2 ਮਿੰਟ ਖੜੇ ਹੋ ਕੇ ਮੌਨ ਧਾਰ ਕੇ ਗ਼ਦਰੀ ਬਾਬਾ ਹਰੀ ਸਿੰਘ ਉਸਮਾਨ ਸਮੇਤ ਸਮੂਹ ਦੇਸ਼ ਭਗਤ ਸ਼ਹੀਦਾਂ ਤੇ ਯੋਧਿਆਂ ਨੂੰ ਨਿੱਘੀ ਤੇ ਭਾਵ-ਭਿੰਨੀ ਸ਼ਰਧਾਂਜਲੀ ਭੇਟ ਕੀਤੀ।
ਸੰਬੋਧਨ ਦੋਰਾਨ ਵੱਖ-ਵੱਖ ਨਾਮਵਰ ਬੁਲਾਰਿਆਂ- ਅਮਰੀਕ ਸਿੰਘ ਤਲਵੰਡੀ , ਹਰਦੇਵ ਸਿੰਘ ਸੁਨੇਤ, ਗੁਰਦੇਵ ਸਿੰਘ ਮੁਲਾਪੁਰ, ਐਡਵੋਕੇਟ ਕੁਲਦੀਪ ਸਿੰਘ, ਢਾਡੀ ਕਮਲ ਸਿੰਘ, ਤਲਵੰਡੀ ਰਾਮ ਸਿੰਘ ਹਠੂਰ , ਨਿਰਮਲ ਸਿੰਘ ਬਦੋਵਾਲ ਜਸਦੇਵ ਸਿੰਘ ਲਲਤੋਂ, ਹਰਦੇਵ ਸਿੰਘ ਮੁੱਲਾਂਪੁਰ,ਬਲਵਿੰਦਰ ਸਿੰਘ ਗੁੱਜਰਵਾਲ, ਜਸਵੀਰ ਕੋਰ ਜੋਧਾਂ, ਪ੍ਰਧਾਨ ਗੁਰਦਿਆਲ ਸਿੰਘ ਤਲਵੰਡੀ ਨੇ ਗਦਰੀ ਬਾਬਾ ਹਰੀ ਸਿੰਘ ਉਸਮਾਨ ਦੇ ਬਚਪਨ ਤੇ ਜੁਆਨੀ ਦੇ ਬਾਰੇ, ਕਿਸਾਨੀ ਤੇ ਫੌਜੀ ਜਿੰਦਗੀ ਬਾਰੇ, ਫਿਲਪਾਈਨ, ਅਮਰੀਕਾ, ਇੰਡੋਨੇਸ਼ੀਆ ਦੇ ਜਾਵਾ ਦੇ ਪਹਾੜੀ ਖੇਤਰਾਂ ‘ਚ 1-1-1916 ਤੋ 1-1-1938 ਤਕ ਦੇਸ਼ ਦੀ ਅਜ਼ਾਦੀ ਵਾਸਤੇ ਬਤੀਤ ਕੀਤੇ ਗੁਪਤਵਾਸ ਅਤੇ ਕਿਸਾਨੀ ਜੀਵਨ ਬਾਰੇ 1938 ਤੋ 1948 ਤਕ ਹਾਂਗਕਾਂਗ, ਪਿਨਾਂਗ, ਸਿੰਘਾਪੁਰ, ਰੰਗੂਨ ਤੇ ਬੈਂਕਾਕ ‘ਚ ਨਵੇ ਗਦਰ ਤੇ ਅਜ਼ਾਦ ਹਿੰਦ ਫੋਜ ਲਈ ਕੀਤੇ ਕਾਰਜਾ ਬਾਰੇ, ਵੱਡੇ ਪੁਤਰ ਹੈਰੀ ਦੀ ਸ਼ਹਾਦਤ ਬਾਰੇ, 1948 ਤੋ 1969 ਤਕ ਪਿੰਡ ਬੱਦੋਵਾਲ’ਚ ਕੀਤੇ ਉਤਮ ਕਾਰਜਾਂ ਬਾਰੇ ਨਵਾ ਨਰੋਆ ਤੇ ਲੋਕ ਜਮਹੂਰੀ ਰਾਜ ਪ੍ਰਬੰਧ ਸਿਰਜਣ ਦੇ ਕਾਰਜਾਂ ਬਾਰੇ , ਦੇਸ਼ ਦੇ ਮੋਜੂਦਾ ਹਾਲਾਤ ਬਾਰੇ ਵੱਖ-ਵੱਖ ਪੱਖਾਂ ਤੋ ਭਰਵਾਂ ਤੇ ਕੀਮਤੀ ਚਾਨਣਾ ਪਾਇਆ। ਅੰਤ ‘ਚ ਉਜਾਗਰ ਸਿੰਘ ਬੱਦੋਵਾਲ ਨੇ ਸਮੂਹ ਹਾਜਰੀਨਾ ਦਾ ਤਹਿ ਦਿਲੋ ਧੰਨਵਾਦ ਕਰਦਿਆਂ, ਮਹਾਨ ਦੇਸ਼ ਭਗਤਾਂ ਦੇ ਅਧੂਰੇ ਮਿਸ਼ਨ ਨੂੰ ਪੂਰਾ ਕਰਨ ਲਈ ਲੋਕ ਲਹਿਰ ਤੇਜ਼ ਕਰਨ ਦਾ ਸੰਗਰਾਮੀ ਸੱਦਾ ਦਿਤਾ।ਅੱਜ ਦੇ ਸਮਾਗਮ ਵਿੱਚ ਹੋਰਨਾ ਤੋ ਇਲਾਵਾ- ਸੁਖਦੇਵ ਸਿੰਘ ਕਿਲਾ ਰਾਏਪੁਰ, ਉਜਾਗਰ ਸਿੰਘ ਲਲਤੋ, ਜ਼ੋਰਾ ਸਿੰਘ ਪ੍ਰਧਾਨ, ਰਜਿੰਦਰ ਸਿੰਘ ਪੈਨਸ਼ਨਰ ਆਗੂ, ਨਿਰਮਲ ਸਿੰਘ, ਬੂਟਾ ਸਿੰਘ, ਮਲਕੀਤ ਸਿੰਘ, ਮਨਜੀਤ ਸਿੰਘ ਮਜਦੂਰ ਆਗੂ, ਜਸਵੀਰ ਸਿੰਘ, ਮੇਵਾ ਸਿੰਘ ਨੰਬਰਦਾਰ (ਸਾਰੇ ਬੱਦੋਵਾਲ) ਵਿਸ਼ੇਸ਼ ਤੋਰ ਤੇ ਸ਼ਾਮਿਲ ਹੋਏ।
