"ਸੱਜਣਾ"
ਕਿਹਦੇ ਹੱਕਾਂ ਦੀ ਗੱਲ ਕਰਦੇ
ਤੂੰ ਵੀ ਤੇ ਹੱਕਦਾਰ ਏ ਸੱਜਣਾ,
ਕੋਠੇ ਚੜ ਗਰੀਬੀ ਚੀਕੇ
ਅੰਨੀ ਬੋਲੀ ਸਰਕਾਰ ਏ ਸੱਜਣਾ,
ਖੁਦ ਲਿਖ ਕਿਸਮਤ ਆਪਣੀ
ਰੱਬ ਤੇ ਕੀ ਇਤਬਾਰ ਏ ਸੱਜਣਾ,
ਲੈ ਚੱਲ ਜਿਥੇ ਲੈ ਕੇ ਜਾਣਾ
ਸਾਡਾ ਕੀ ਇਨਕਾਰ ਏ ਸੱਜਣਾ ,
ਸਾਡਾ ਕੀ ਅਖਤਿਆਰ ਏ ਸੱਜਣਾ
ਤੇਰੇ ਹੱਥ ਮੁਹਾਰ ਏ ਸੱਜਣਾ,
ਕਾਹਨੂੰ ਸਾਨੂੰ ਨਫਰਤ ਕਰਦੇ
ਤੂੰ ਵੀ ਸਾਡਾ ਯਾਰ ਏ ਸੱਜਣਾ,
ਐਵੇਂ ਇਕ ਫਰੇਬ ਜਿਹਾ
ਕਿਹਨੂੰ ਕਿਸ ਨਾਲ ਪਿਆਰ ਏ ਸੱਜਣਾ
ਸਾਡੇ ਬਾਰੇ ਜੋ ਵੀ ਆਖੀਂ
ਫਿਰ ਵੀ ਤੇਰਾ ਸਤਿਕਾਰ ਏ ਸੱਜਣਾ।
ਕੁਲਦੀਪ ਸਿੰਘ ਸਾਹਿਲ
9417990040
