ਤੂੰ ਮੇਰਾ ਚਿਤਚੋਰ ਵੇ ਮਾਹੀਆ,
ਤੂੰ ਮੇਰਾ ਚਿਤਚੋਰ।
ਨਹੀਓ ਕੋਈ ਹੋਰ ਵੇ ਮਾਹੀਆ,
ਨਹੀਓ ਕੋਈ ਹੋਰ।
ਤੇਰੇ ਹੱਥ ਮੇਰੀ ਡੋਰ ਵੇ ਮਾਹੀਆ,
ਤੇਰੇ ਹੱਥ ਮੇਰੀ ਡੋਰ।
ਸਭ ਸੂਰਤਾਂ ਤੇਰੇ ਤੋਂ ਆਈਆਂ,
ਤੇਰੇ ਹੱਥ ਮੇਰੀ ਡੋਰ।
ਸਭ ਦੇ ਵਿੱਚ ਤੇਰੀ ਲੋ ਵੇ ਮਾਹੀਆ,
ਸਭ ਦੇ ਵਿੱਚ ਤੇਰੀ ਲੋ।
ਤੈਨੂੰ ਛੱਡ ਕਿਸੇ ਹੋਰ ਦੇ ਨਾਲ
ਕਿਵੇਂ ਜਾਵਾਂ ਖਲੋ ਵੇ ਮਾਹੀਆ।
ਕਿਵੇਂ ਜਾਵਾਂ ਖਲੋ।
ਸੋਹਣੇ ਸਭ ਦੇ ਰੂਪ ਪਿਆਰੇ,
ਘੜ-ਘੜ ਸੋਹਣੇ ਬੁੱਤ ਸਵਾਰੇ,
ਲੱਗੀ ਤੇਰੀ ਛੋਹ ਵੇ ਮਾਹੀਆ,
ਲੱਗੀ ਤੇਰੀ ਛੋਹ।
ਸੱਭ ਤੋਂ ਸੋਹਣਾ ਰੂਪ ਹੈ ਤੇਰਾ,
ਤੇਰੇ ਵਿਚ ਖੁਸ਼ਬੋ ਵੇ ਮਾਹੀਆ,
ਤੇਰੇ ਵਿਚ ਖੁਸ਼ਬੋ,
ਖਿੱਚਦੀ ਮੈਨੂੰ ਜੋ ਵੇ ਮਾਹੀਆ,
ਖਿੱਚਦੀ ਮੈਨੂੰ ਜੋ।
ਪੱਗ ਦੇ ਵਿਚ ਭਰਮਾਂ ਰੂਪ ਸੀ ਤੇਰਾ,
ਸਖ਼ੀਆਂ ਕਹਿਣ ਸਰਦਾਰ ਮਾਹੀਆ ਤੇਰਾ।
ਕਟਿੰਗ ਚ ਲਗਦਾ ਨਵਾਂ ਨਕੋਰ ਵੇ ਮਾਹੀਆ,
ਤੂੰ ਮੇਰਾ ਚਿਤਚੋਰ ਵੇ ਮਾਹੀਆ,
ਤੂੰ ਮੇਰਾ ਚਿਤਚੋਰ।
ਜਸਪਾਲ ਸਿੰਘ ਮਹਿਰੋਕ
ਸਨੌਰ (ਪਟਿਆਲਾ)
ਮੋਬਾਈਲ 6284347188
