ਜਗਰਾਉ 28 ਮਈ (ਅਮਿਤਖੰਨਾ)ਭ ਾਰਤੀ ਸਟੇਟ ਬੈਂਕ ਜਗਰਾਉਂ ਦੀ ਸ਼ਾਖਾ ਵਲੋਂ ਡੀ. ਜੀ. ਐੱਮ. ਕੌਂਸਲ ਕਿਸ਼ੋਰਾ ਤੇ ਏ. ਜੀ. ਐੱਮ. ਐੱਚ. ਐੱਲ. ਐੱਸ. ਟੀ. ਮਨਜੀਤ ਸਿੰਘ ਦੇ ਰੀਜਨਲ ਮੈਨੇਜਰ ਰਾਜ ਕੁਮਾਰ ਚੋਕਰ ਦੀ ਅਗਵਾਈ ਵਿਚ ਹੋਮ ਲੋਨ ਮੇਲਾ ਲਗਾ ਇਆ ਗਿਆ | ਜਗਰਾਉਂ ਦੇ ਤਹਿਸੀਲ ਰੋਡ ਦੀ ਸ਼ਾਖਾ ਵਿਖੇ ਲਗਾਏ ਲੋਨ ਮੇਲੇ ਮੌਕੇ ਚੀਫ਼ ਮੈਨੇਜਰ ਮਹਾਂਵੀਰ ਪ੍ਰਸ਼ਾਦ, ਬ੍ਰਾਂਚ ਮੈਨੇਜਰ ਕੇ ਆਨੰਦ ਤੇ ਡਿਪਟੀ ਮੈਨੇਜਰ ਨਰਿੰਦਰ ਕੋਚਰ ਨੇ ਹੋਮ ਲੋਨ ਸੰਬੰਧੀ ਗਾਹਕਾਂ ਨੂੰ ਜਾਣਕਾਰੀ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਬੈਂਕ ਵਲੋਂ ਬਹੁਤ ਹੀ ਘੱਟ ਕਾਗਜ਼ੀ ਕਾਰਵਾਈ ਰਾਹੀਂ ਘੱਟ ਵਿਆਜ 'ਤੇ ਗਾਹਕਾਂ ਨੂੰ ਘਰ ਬਣਾਉਣ ਵਾਸਤੇ ਲੋਨ ਦਿੱਤਾ ਜਾ ਰਿਹਾ ਹੈ | ਉਨ੍ਹਾਂ ਬੈਂਕ ਦੀਆਂ ਸਕੀਮਾਂ ਬਾਰੇ ਵੀ ਜਾਣਕਾਰੀ ਦਿੱਤੀ, ਉਨ੍ਹਾਂ ਕਿਹਾ ਕਿ ਮਹਿਲਾਵਾਂ ਨੂੰ ਖਾਸ ਤੌਰ 'ਤੇ ਘੱਟ ਵਿਆਜ 'ਤੇ ਬੈਂਕ ਦੀਆਂ ਨੀਤੀਆਂ ਮੁਤਾਬਕ ਲੋਨ ਦਿੱਤਾ ਜਾ ਰਿਹਾ ਹੈ | ਲੋਨ ਮੇਲੇ 'ਚ ਡੇਢ ਕਰੋੜ ਦੇ ਕਰੀਬ ਦੇ ਕਰਜ਼ੇ ਦੀਆਂ ਦਰਖ਼ਾਸਤਾਂ ਬੈਂਕ ਨੂੰ ਪ੍ਰਾਪਤ ਹੋਈਆਂ, ਜਿਨ੍ਹਾਂ ਦਾ ਬਾਅਦ 'ਚ ਲੋਨ ਕੀਤਾ ਜਾਵੇਗਾ | ਇਸ ਮੌਕੇ ਡਿਪਟੀ ਮੈਨੇਜਰ ਮਨਪ੍ਰੀਤ ਕੌਰ, ਅਨਿਲ ਕੁਮਾਰ, ਐਡਵੋਕੇਟ ਵਰੁਣ ਬਾਂਸਲ, ਚੰਦਰਕਾਂਤ ਅਰੋੜਾ, ਗੁਰਵਿੰਦਰ ਸਿੰਘ, ਐਡਵੋਕੇਟ ਬਲਜੀਤ ਸਿੰਘ ਯਾਦਵ, ਇਕਬਾਲ ਕੌਰ, ਜਤਿੰਦਰ ਸਿੰਘ ਬਾਂਸਲ, ਰੰਜਨਾ, ਸੁਰਜੀਤ ਸਿੰਘ ਆਦਿ ਹਾਜ਼ਰ ਸਨ |
--
