ਪਾਕਿਸਤਾਨ, ਜੁਲਾਈ (ਏਜੰਸੀ) ਪਾਕਿਸਤਾਨ ਨੇ ਬੀਤੇ ਸਾਲ ਭਾਰਤ ਤੋਂ 1 ਅਰਬ 37 ਕਰੋੜ 99 ਲੱਖ ਤੇ 87 ਹਜ਼ਾਰ ਰੁਪਏ ਦੀ ਦਵਾਈ ਅਤੇ ਵੈਕਸੀਨ ਆਯਾਤ ਕੀਤੀ | ਇਹ ਜਾਣਕਾਰੀ ਪਾਕਿਸਤਾਨ ਦੇ ਸਿਹਤ ਮੰਤਰਾਲੇ ਨੇ ਦਿੱਤੀ ਹੈ | ਐਕਸਪ੍ਰੈੱਸ ਨਿਊਜ਼ ਦੀ ਰਿਪੋਰਟ ਅਨੁਸਾਰ ਆਯਾਤ ਕੀਤੀਆਂ ਗਈਆਂ ਦਵਾਈਆਂ ਦੇ ਨਾਲ-ਨਾਲ ਵੱਖ-ਵੱਖ ਰੋਗਾਂ ਦੇ ਇਲਾਜ 'ਚ ਆਉਣ ਵਾਲੀ ਟੈਬਲੇਟ, ਸੀਰਪ ਅਤੇ ਟੀਕੇ ਵੱਡੀ ਮਾਤਰਾ 'ਚ ਸ਼ਾਮਿਲ ਹਨ | ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਬੀਤੇ ਸਾਲ ਜਨਵਰੀ 'ਚ ਭਾਰਤ ਤੋਂ 15 ਕਰੋੜ 43 ਲੱਖ ਤੇ 17 ਹਜ਼ਾਰ ਪਾਕਿਤਾਨੀ ਰੁਪਏ ਦੀ ਦਵਾਈ ਅਤੇ ਵੈਕਸੀਨ ਮੰਗਵਾਈ ਗਈ | ਫਰਵਰੀ 'ਚ 22 ਕਰੋੜ 32 ਲੱਖ ਤੇ 47 ਹਜ਼ਾਰ ਅਤੇ ਮਾਰਚ 'ਚ 19 ਕਰੋੜ 37 ਲੱਖ ਤੇ 37 ਹਜ਼ਾਰ ਦੀ ਭਾਰਤੀ ਦਵਾਈ ਤੇ ਵੈਕਸੀਨ ਆਯਾਤ ਕੀਤੀ ਗਈ | ਅਪ੍ਰੈਲ 'ਚ 11 ਕਰੋੜ 42 ਹਜ਼ਾਰ, ਮਈ 18 ਕਰੋੜ 96 ਲੱਖ ਤੇ 47 ਹਜ਼ਾਰ ਅਤੇ ਜੂਨ 'ਚ 4 ਕਰੋੜ 89 ਲੱਖ ਅਤੇ 12 ਹਜ਼ਾਰ ਰੁਪਏ ਦੀ ਭਾਰਤੀ ਦਵਾਈ ਤੇ ਵੈਕਸੀਨ ਆਯਾਤ ਕੀਤੀ ਗਈ |
