ਜਗਰਾਉ 18 ਮਈ (ਅਮਿਤਖੰਨਾ)ਜਦੋਂ ਪੁਰਾਣੇ ਵਿਦਿਆਰਥੀ ਜ਼ਿੰਦਗੀ ਚ ਸੈੱਟ ਹੋ ਕੇ ਆਪਣੇ ਸਕੂਲ ਦੇ ਵਰਤਮਾਨ ਬੱਚਿਆਂ ਲਈ ਕੁਝ ਕਰਦੇ ਨੇ ਤਾਂ ਦਿਲ ਨੂੰ ਬਹੁਤ ਸਕੂਨ ਮਿਲਦਾ ਹੈ ਆਰ ਕੇ ਹਾਈ ਸਕੂਲ ਦੇ ਪੁਰਾਣੇ ਵਿਦਿਆਰਥੀ ਵਿਨੋਦ ਗੋਇਲ ਨੇ ਅੱਜ ਸਕੂਲ ਦੇ80 ਦੇ ਕਰੀਬ ਛੋਟੇ ਬੱਚਿਆਂ ਨੂੰ ਸਕੂਲ ਦੀ ਯੂਨੀਫਾਰਮ ਵਿਚ ਲੱਗੀ ਸਫੇਦ ਰੰਗ ਦੀ ਕਮੀਜ਼ ਦਿੱਤੀ ਉਨ੍ਹਾਂ ਇਸ ਮੌਕੇ ਸਕੂਲ ਦੀ ਹੋ ਰਹੀ ਡਿਵੈਲਪਮੈਂਟ ਤੇ ਵੀ ਸੰਤੁਸ਼ਟੀ ਜ਼ਾਹਿਰ ਕੀਤੀ ਇੰਨਾ ਕਮੀਜ਼ਾਂ ਦੀ ਵੰਡ ਐਡਵੋਕੇਟ ਅਜੇ ਟੰਡਨ ਨੋਟਰੀ ਪਬਲਿਕ ਨੇ ਆਪਣੇ ਕਰ ਕਮਲਾਂ ਨਾਲ ਕੀਤੀ ਉਨ੍ਹਾਂ ਵਿਨੋਦ ਗੋਇਲ ਦੇ ਇਸ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੀ ਇਸ ਮੌਕੇ ਨਵ ਦੁਰਗਾ ਸੇਵਾ ਮੰਡਲ ਦੇ ਲਾਲ ਚੰਦ ਨੇ ਵੀ ਜਲਦੀ ਹੀ ਸਕੂਲ ਵਿਚ ਮੰਡਲ ਵੱਲੋਂ ਕੋਈ ਪ੍ਰਾਜੈਕਟ ਲਾਉਣ ਦੀ ਘੋਸ਼ਣਾ ਕੀਤੀ ਇਸ ਮੌਕੇ ਸਕੂਲ ਦੇ ਪ੍ਰਧਾਨ ਐਡਵੋਕੇਟ ਨਵੀਨ ਗੁਪਤਾ ਅਤੇ ਪ੍ਰਿੰਸੀਪਲ ਕੈਪਟਨ ਨਰੇਸ਼ ਵਰਮਾ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ
