ਹਠੂਰ,25,ਅਪ੍ਰੈਲ-(ਕੌਸ਼ਲ ਮੱਲ੍ਹਾ)-ਪੰਜਾਬ ਦੇ ਮਹਾਨਗਰ ਜਿਲ੍ਹਾ ਲੁਧਿਆਣਾ ਦੇ ਸਰਹੱਦੀ ਕਸਬੇ ਹਠੂਰ ਨਾਲ ਜਿਲ੍ਹਾ ਬਰਨਾਲਾ ਅਤੇ ਜਿਲ੍ਹਾ ਮੋਗਾ ਦੀਆ ਹੱਦਾ ਲੱਗਦੀਆ ਹਨ।ਇਥੇ ਇਹ ਗੱਲ ਵਰਨਣਯੋਗ ਹੈ ਕਿ ਜਿਲ੍ਹਾ ਬਰਨਾਲਾ ਅਤੇ ਮੋਗਾ ਦੀਆ ਸੜਕਾ ਪੂਰਨ ਰੂਪ ਵਿਚ ਬਣ ਚੁੱਕੀਆਂ ਹਨ ਪਰ ਜਿਲ੍ਹਾ ਲੁਧਿਆਣਾ ਦੀ ਹੱਦ ਅਧੀਨ ਪੈਦੀਆ ਸੜਕਾ ਪਿਛਲੇ ਲੰਮੇ ਸਮੇਂ ਤੋ ਬੁਰੀ ਤਰ੍ਹਾ ਟੁੱਟੀਆ ਪਈਆ ਹਨ।ਇਨ੍ਹਾ ਟੁੱਟੀਆ ਸੜਕਾ ਬਾਰੇ ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆ ਆਮ-ਆਦਮੀ ਪਾਰਟੀ ਦੇ ਯੂਥ ਆਗੂ ਸਿਮਰਨਜੋਤ ਸਿੰਘ ਗਾਹਲੇ ਨੇ ਦੱਸਿਆ ਕਿ ਹਠੂਰ ਤੋ ਛੇ ਕਿਲੋਮੀਟਰ ਦੂਰ ਜਿਲ੍ਹਾ ਬਰਨਾਲੇ ਦਾ ਪਿੰਡ ਦੀਵਾਨਾ ਹੈ ਜਿਸ ਦੇ ਮੈਬਰ ਪਾਰਲੀਮੈਟ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਜਿਲ੍ਹਾ ਬਰਨਾਲਾ ਦੀ ਹੱਦ ਤੱਕ ਪੈਦੀ ਤਿੰਨ ਕਿਲੋਮੀਟਰ ਲੰਿਕ ਸੜਕਾ ਨੂੰ ਪ੍ਰਧਾਨ ਮੰਤਰੀ ਗ੍ਰਾਮ ਸੜਕ ਯੋਜਨਾ ਤਹਿਤ ਲਗਭਗ ਪੰਜ ਸਾਲ ਪਹਿਲਾ ਅਠਾਰਾ ਫੁੱਟ ਚੌੜੀ ਕਰਕੇ ਬਣਾ ਦਿੱਤਾ ਸੀ ਪਰ ਜਿਲ੍ਹਾ ਲੁਧਿਆਣਾ ਦੀ ਹੱਦ ਅਧੀਨ ਪੈਦੀ ਤਿੰਨ ਕਿਲੋਮੀਟਰ ਲੰਿਕ ਸੜਕ ਪਿਛਲੇ ਲੰਮੇ ਸਮੇਂ ਤੋ ਬੁਰੀ ਤਰ੍ਹਾ ਟੁੱਟੀ ਪਈ ਹੈ ਜਿਸ ਨੂੰ ਬਣਾਉਣ ਵੱਲ ਕਿਸੇ ਵੀ ਲੀਡਰ ਨੇ ਤਬੱਜੋ ਨਹੀ ਦਿੱਤੀ।ਉਨ੍ਹਾ ਕਿਹਾ ਕਿ ਚੋਣਾ ਸਮੇਂ ਹਠੂਰ ਇਲਾਕੇ ਦੀਆ ਟੱੁਟੀਆ ਸੜਕਾ ਦਾ ਮੁੱਦਾ ਉਛਾਲਿਆ ਜਾਦਾ ਹੈ ਪਰ ਜਦੋ ਚੋਣਾ ਲੰਘ ਜਾਦੀਆ ਹਨ ਤਾਂ ਟੁੱਟੀਆ ਸੜਕਾ ਬਣਾਉਣ ਲਈ ਕੋਈ ਵੀ ਅੱਗੇ ਨਹੀ ਆਉਦਾ।ਉਨ੍ਹਾ ਦੱਸਿਆ ਕਿ ਪਿੰਡ ਬੁਰਜ ਕੁਲਾਰਾ,ਹਠੂਰ,ਲੱਖਾ,ਝੋਰੜਾ ਤੱਕ 12 ਕਿਲੋਮੀਟਰ ਪ੍ਰਧਾਨ ਮੰਤਰੀ ਗ੍ਰਾਮ ਸੜਕ ਯੋਜਨਾ ਤਹਿਤ ਬਣੀ ਸੜਕ ਬੁਰੀ ਤਰ੍ਹਾ ਟੁੱਟੀ ਪਈ ਹੈ।ਇਸੇ ਤਰ੍ਹਾ ਜਿਲ੍ਹਾ ਮੋਗਾ ਦੀ ਹੱਦ ਤੋ ਪਿੰਡ ਚਕਰ,ਲੱਖਾ,ਮਾਣੂੰਕੇ,ਜੱਟਪੁਰਾ,ਲੰਮਾ ਅਤੇ ਕਮਾਲਪੁਰਾ ਤੱਕ ਲਗਭਗ 22 ਕਿਲੋਮੀਟਰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਮਾਰਗ ਵੀ ਬੁਰੀ ਤਰ੍ਹਾ ਟੁੱਟ ਚੁੱਕਾ ਹੈ।ਉਨ੍ਹਾ ਕਿਹਾ ਕਿ ਮੈਬਰ ਪਾਰਲੀਮੈਟ ਰਵਨੀਤ ਸਿੰਘ ਬਿੱਟੂ ਨੇ ਆਪਣੇ ਸੱਤ ਸਾਲਾ ਦੇ ਲੰਮੇ ਅਰਸੇ ਦੌਰਾਨ ਹਲਕੇ ਦੀ ਪਹਿਲੀ ਲੰਿਕ ਸੜਕ ਪਿੰਡ ਦੇਹੜਕਾ,ਭੰਮੀਪੁਰਾ ਕਲਾਂ,ਚੀਮਾ ਅਤੇ ਕਮਾਲਪੁਰੇ ਤੱਕ ਲਗਭਗ 12 ਕਿਲੋਮੀਟਰ ਲੰਿਕ ਸੜਕ ਨੂੰ ਅਠਾਰਾ ਫੁੱਟ ਚੌੜਾ ਕਰਕੇ ਬਣਾਉਣ ਦੀ ਪਹਿਲ ਕਦਮੀ ਕੀਤੀ ਸੀ ਜਿਸ ਦਾ ਕੰਮ ਅੱਜ ਤੋ ਲਗਭਗ ਛੇ ਮਹੀਨੇ ਪਹਿਲਾ ਸੁਰੂ ਕੀਤਾ ਗਿਆ ਸੀ ਜਿਸ ਤੇ ਅੱਜ ਤੱਕ ਪ੍ਰੀਮੈਕਸ ਨਹੀ ਪਾਇਆ ਗਿਆ ਅਤੇ ਮੌਜੂਦਾ ਸਮੇਂ ਸੜਕ ਤੇ ਪਾਇਆ ਹੋਇਆ ਪੱਥਰ ਲੋਕਾ ਲਈ ਵੱਡੀ ਸਮੱਸਿਆ ਬਣਿਆ ਹੋਇਆ ਹੈ।ਉਨ੍ਹਾ ਕਿਹਾ ਕਿ ਇਸੇ ਤਰ੍ਹਾ ਨਾਨਕਸਰ ਠਾਠ ਦੇ ਮੁੱਖ ਗੇਟ ਤੋ ਲੈ ਕੇ ਕਾਉਕੇ ਕਲਾਂ,ਡੱਲਾ,ਦੇਹੜਕਾ ਅਤੇ ਤੇਰਾ ਮੰਜਲੀ ਨਾਨਕਸਰ ਝੋਰੜਾ ਠਾਠ ਤੱਕ ਪਿਛਲੇ ਸੱਤ ਮਹੀਨੇ ਤੋ ਪੱਥਰ ਪਾਇਆ ਗਿਆ ਹੈ ਪਰ ਅੱਜ ਤੱਕ ਪ੍ਰੀਮੈਕਸ ਪਾਉਣ ਦੀ ਕੋਈ ਬਾਈ ਧਾਈ ਨਜਰ ਨਹੀ ਆ ਰਹੀ।ਉਨ੍ਹਾ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ,ਮੈਬਰ ਪਾਰਲੀਮੈਟ ਰਵਨੀਤ ਸਿੰਘ ਬਿੱਟੂ ਅਤੇ ਹਲਕਾ ਵਿਧਾਇਕ ਬੀਬੀ ਸਰਵਜੀਤ ਕੌਰ ਮਾਣੂੰਕੇ ਤੋ ਮੰਗ ਕੀਤੀ ਕਿ ਇਨ੍ਹਾ ਬੁਰੀ ਤਰ੍ਹਾ ਟੁੱਟੀਆ ਸੜਕਾ ਨੂੰ ਜਲਦੀ ਤੋ ਜਲਦੀ ਬਣਾਇਆਂ ਜਾਵੇ ਤਾਂ ਜੋ ਇਲਾਕੇ ਦੇ ਲੋਕਾ ਨੂੰ ਕੁਝ ਰਾਹਤ ਮਿਲ ਸਕੇ।ਇਸ ਮੌਕੇ ਉਨ੍ਹਾ ਨਾਲ ਯੂਥ ਆਗੂ ਭਾਗ ਸਿੰਘ ਗੋਲਡੀ,ਹਰਜਿੰਦਰ ਸਿੰਘ, ਸਿਮਰਨਜੋਤ ਸਿੰਘ ਹਠੂਰ,ਸੇਵਕ ਸਿੰਘ,ਪ੍ਰਮਿੰਦਰ ਸਿੰਘ,ਹਰਜੀਤ ਸਿੰਘ,ਗੁਰਚਰਨ ਸਿੰਘ ਆਦਿ ਹਾਜ਼ਰ ਸਨ।ਇਸ ਸਬੰਧੀ ਜਦੋ ਮੰਡੀਕਰਨ ਬੋਰਡ ਦੇ ਜੇ ਈ ਪ੍ਰਮਿੰਦਰ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਪਿੰਡ ਦੇਹੜਕਾ ਤੋ ਕਮਾਲਪੁਰਾ ਤੱਕ ਸੜਕ ਤੇ ਦੋ ਦਿਨਾ ਤੱਕ ਪ੍ਰੀਮੈਕਸ ਪਾਉਣ ਦਾ ਕੰਮ ਸੁਰੂ ਕੀਤਾ ਜਾਵੇਗਾ।
