ਬਰਨਾਲਾ/ ਮਹਿਲ ਕਲਾਂ- 18 ਅਪ੍ਰੈਲ- (ਗੁਰਸੇਵਕ ਸੋਹੀ)- ਹਰ ਵਾਰ ਹੁੰਦੇ ਇਸ ਮਹਾਂਪਾਪ ਤੋਂ ਬੱਚੀਏ ਜੇ ਅੱਗ ਲਗਾਏ ਬਗੈਰ ਸਰਦਾ ਨਹੀਂ ਤਾਂ ਇਨ੍ਹਾਂ ਬੇਜੁਬਾਨ ਪਰ ਸੰਜੀਵ ਰੁੱਖਾਂ ਨੂੰ ਜਰੂਰ ਬਚਾ ਲਿਓ। ਬਥੇਰੇ ਵੱਡੇ ਵੱਡੇ ਟਰੈਕਟਰ ਤੇ ਹੋਰ ਸੰਦ ਸੰਦੇੜੇ ਵਾਹਿਗੁਰੂ ਨੇ ਬਖਸ਼ਿਸ਼ ਕੀਤੇ ਨੇ ।ਦੋ ਲੀਟਰ ਡੀਜ਼ਲ ਨਾਲ ਕੋਈ ਗ਼ਰੀਬੀ ਨੀ ਆਉਣ ਲੱਗੀ। ਦੇ ਲਿਓ ਦੋ ਚਾਰ ਗੇੜੇ ਇਨ੍ਹਾਂ ਦੇ ਨੇੜੇ ਰੋਟਾਵੇਟਰ ਨਾਲ। ਕਣਕ ਦੇ ਘੱਟ ਝਾੜ ਦਾ ਐਡਾ ਨੁਕਸਾਨ ਵੀ ਝੱਲ ਹੀ ਲਿਆ ,ਹੁਣ ਇਹਦੇ ਨਾਲ ਕੀ ਫਰਕ ਪੈਣ ਲੱਗਿਆ। ਬਾਕੀ ਸਭ ਕੁੱਝ ਪੈਸਾ ਵੀ ਨੀ ਹੁੰਦਾ। ਇਹ ਦਰਖ਼ਤ ਸਾਨੂੰ ਫਲ ਫਰੂਟ ,ਮੇਵੇ ,ਔਸ਼ਧੀਆਂ ,ਤਪਦੀ ਦੁਪਹਿਰ ਚ ਠੰਡੀ ਛਾਂ ,ਸਾਹ ਲੈਣ ਲਈ ਸ਼ੁੱਧ ਆਕਸ਼ੀਜਨ ,ਘਰਾਂ ਕੋਠੀਆਂ ਚ ਵਰਤੋਂ ਲਈ ਲੱਕੜੀ ਦਿੰਦੇ ਹਨ । ਪਰ ਇਵਜ ਚ ਮੰਗਦੇ ਇਹੀ ਨੇ ਕਿਹਾ ਸਾਨੂੰ ਜਿਉਂਦੇ ਜੀਅ ਨਾ ਫੂਕੋ ਜਿਸ ਆਖ਼ਰੀ ਦਿਨ ਤੁਸੀਂ ਮੱਚਣਾ ਹੋਇਆ ਅਸੀਂ ਥੋਡੇ ਨਾਲ ਮੱਚਾਂਗੇ। ਹੈ ਕਿਸੇ ਦਾ ਐਡਾ ਵੱਡਾ ਜ਼ੇਰਾ । ਅਸੀਂ ਸਭ ਕੁੱਝ ਸਮਝਦੇ ਹੋਏ ਰੁੱਖਾਂ ਇਨ੍ਹਾਂ ਪ੍ਰਤੀ ਐਨੇ ਬੇਰੁੱਖੇ ਅਤੇ ਅਵੇਸਲੇ ਕਿਉਂ ਹਾਂ , ਇਹ ਸਾਡੀ ਬਹੁਤ ਵੱਡੀ ਤ੍ਰਾਸ਼ਦੀ ਹੈ ਮੁਖਤਿਆਰ ਸਿੰਘ ਪੱਖੋ ਕਲਾਂ
