‘ਦੇਵ ਸਰਾਭਾ’ ਵਿਚਲਾ ਜਜ਼ਬਾ-ਤਹੱਲਮ ਬਾ-ਕਮਾਲ, ਸਮਾਜ ਸੇਵਾ ਲਈ ਸਭਾਵਨਾਵਾਂ ਭਰਿਆ ਨੌਜਵਾਨ ਮਹਿਸੂਸ ਹੁੰਦਾ ਹੈ-ਭਾਈ ਰਣਜੀਤ ਸਿੰਘ
ਮੁੱਲਾਂਪੁਰ ਦਾਖਾ 1 ਅਪ੍ਰੈਲ (ਸਤਵਿੰਦਰ ਸਿੰਘ ਗਿੱਲ) - ਅਜੋਕੇ ਮਾਹੌਲ ਦੀ ਨਿੱਜ ਪ੍ਰਸਤੀ ਦੀ ਹਨੇਰੀ ‘ਚੋਂ ਸੀਮਤ ਜਿਹੇ ਸਾਧਨ ਨਾਲ ਬੇਅੰਤ ਦੂਰ-ਅੰਦੇਸ਼ੀ ਸੋਚ ਸਦਕਾ ਕੌਮੀ ਫਰਜ਼ਾਂ ਲਈ ਲੋੜੀਦੇ ਮਿਸ਼ਨ ਨੂੰ ਨਿਸ਼ਾਨਾ ਸੇਧ ਕੇ ਸ਼ਹੀਦਾਂ ਦੀ ਧਰਤੀ ਤੋਂ ਗਦਰ ਪਾਰਟੀ ਦੇ ਬਾਲਾ ਨਾਇਕ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਜੱਦੀ ਪਿੰਡ ਸਰਾਭਾ ਦੇ ਮੁੱਖ ਚੌਰਾਸਤੇ ‘ਤੇ ਸਥਿੱਤ ਬੁੱਤ ਦੇ ਸਾਹਮਣੇ ਚੁੱਪ ਤੇ ਭੁੱਖ ਹੜਤਾਲ ‘ਤੇ ਬੈਠਾ ਬਲਦੇਵ ਸਿੰਘ ਸਰਾਭਾ ‘ਦੇਵ ਸਰਾਭਾ’, ਹਰ ਰਾਹੀ-ਪਾਂਧੀ ਦੀ ਖਿੱਚ ਦਾ ਕੇਂਦਰ ਬਣਿਆ ਹੋਇਆ ਹੈ।
ਸਿੱਖ ਯੂਥ ਫੈਡਰੇਸ਼ਨ ਭਿੰਡਰਾਂਵਾਲਾ ਦੇ ਪ੍ਰਧਾਨ ਭਾਈ ਰਣਜੀਤ ਸਿੰਘ ਦਮਦਮੀ ਟਕਸਾਲ ਨੇ ਬਲਦੇਵ ਸਿੰਘ ਦੇਵ ਸਰਾਭਾ ਦੇ ਸ਼ਲਾਘਾ ਕਰਦਿਆਂ ਦੱਸਿਆ ਕਿ ਗਰਮ ਹਵਾਵਾਂ ‘ਚ ਸਹਿਯੋਗੀ ਸਾਥੀਆਂ ਮਨਜੀਤ ਸਿੰਘ ਸਰਾਭਾ, ਬਲਵਿੰਦਰ ਸਿੰਘ ਸਰਾਭਾ, ਮਨਜਿੰਦਰ ਸਿੰਘ ਸਰਾਭਾ,ਰਾਮਲੋਕ ਸਿੰਘ ਸਰਾਭਾ ਨਾਲ ਅੱਜ 40ਵੇਂ ਦਿਨ ਦੀ ਭੁੱਖ ਹੜਤਾਲ ‘ਤੇ ਬੈਠਾ । ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਦੇ ਜੀਵਨ ਕਾਰਨਾਮਿਆਂ ਤੋਂ ਪ੍ਰਵਾਵਿਤ ਪੱਤਰਕਾਰੀ ਖੇਤਰ ਦੀ ਨਾਮਵਰ ਸ਼ਖਸ਼ੀਅਤ ਸ: ਜਸਪਾਲ ਸਿੰਘ ਹੇਰਾਂ ਦੀ ਸਰਪ੍ਰਸਤੀ, ਪ੍ਰੇਰਣਾ ਅਤੇ ਪੰਥਕ ਜਜ਼ਬੇ ਬਦੌਲਤ ਕੌਮੀ ਕਾਰਜ਼ਾਂ ਨੂੰ ਸਮਰਪਿਤ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਭੁੱਖ ਹੜਤਾਲ ‘ਤੇ ਬੈਠਦੇ ਹਨ। ਪੁੱਛਣ ‘ਤੇ ਦੱਸਦਾ ਹੈ ਕਿ ਇਹ ਕੋਈ ਕਾਨੂੰਨ ਨਹੀਂ ਕਿ ਆਪਣੇ ਹੀ ਦੇਸ਼ ‘ਚ ਆਪਣੇ ਹੀ ਵਸਨੀਕਾਂ ਨੂੰ ਸਜ਼ਾਵਾਂ ਪੂਰੀਆਂ ਹੋਈਆਂ ਹੋਣ ਪਰ ਫੇਰ ਵੀ ਕਾਲ ਕੋਠੜੀਆਂ ਦੀਆਂ ਸ਼ਲਾਖਾਂ ਪਿੱਛੇ ਡੱਕੀਂ ਰੱਖਿਆ ਹੋਵੇ। ਰਾਹੀ-ਪਾਧੀਂ ਇਹ ਵੇਖ ਹੈਰਾਨ ਹੁੰਦਾ ਹੈ ਕਿ ਇਹ ਕਿਸੇ ਸ਼ਾਸ਼ਨ/ਪ੍ਰਸ਼ਾਸ਼ਨ ਦੇ ਸਾਹਮਣੇ ਕਿਉਂ ਨਹੀਂ ਬੈਠਦਾ? ਤਾਂ ‘ਦੇਵ’ ਦਾ ਹੱਸਵਾਂ ਜਬਾਬ ਹੁੰਦਾ ਹੈ ਮੇਰਾ ਮਕਸਦ ਕਿਸੇ ਨੂੰ ਨੀਵਾਂ ਵਿਖਾਉਣਾ ਜਾਂ ਕਿਸੇ ਦੇ ਕੰਮ ਕਾਰਜ਼ ਵਿਚ ਰੁਕਾਵਟ ਪਾਉਣਾ ਨਹੀਂ ਸਗੋਂ ਮੇਰਾ ਮਕਸਦ ਲੋਕ ਜਾਗ੍ਰਤੀ ਬਣਾਉਣਾ ਹੈ, ਕੀ ਲੁਧਿਆਣਾ-ਰਾਏਕੋਟ ਵਾਲੇ ਇਹ ਰਾਸਤੇ “ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਮਾਰਗ” ਦੇ ਪਾਧੀਆਂ ਦਾ ਧਿਆਨ ਨਹੀਂ ਖਿੱਚਦਾ? ਕੀ ਇਥੋਂ ਰਾਜਸ਼ੀ ਧਿਰਾਂ ਦੇ ਆਗੂ ਜਾਂ ਅਧਿਕਾਰੀ ਨਹੀਂ ਗੁਜ਼ਰਦੇ? ‘ਦੇਵ’ ਵਿਚਲਾ ਬਾ-ਕਲਾਮ ਜਜ਼ਬਾ-ਤਹੱਮਲ ਅਤੇ ਬੋਲ-ਚਾਲ-ਭਾਸ਼ਾ ‘ਚ ਉਮਦਾ ਸੰਜਮ ਸੁਣ ਸਿਧਾਤਾਂ ਪ੍ਰਤੀ ਜਿੱਦ ਉਸਦੀ ਸ਼ਾਸ਼ਨ/ਪ੍ਰਸ਼ਾਸ਼ਨ ਦੀ ਅੱਖ ‘ਚ ਅੱਖ ਪਾ ਕੇ ਬਾ-ਦਲੀਲ ਪੱਖ ਰੱਖਣ ਦੀ ਜੁਰਅਤ, ਜਿਰਹਾ ਕਰਨ ਦੀ ਹਿੰਮਤ ਹੀ ਅਸਲ ਅੜੀਅਲ ਪੱਖ ਦਰਸਾਉਦਾ ਉਸਦੀ ਸ਼ਖਸ਼ੀਅਤ ਨੂੰ ਉਭਾਰਦਾ, ਪਰ ਬਾਾ ਜਰਨੈਲ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਬੁੱਤ ਸਾਹਮਣੇ ਬੈਠਾ ਰਾਹੀਆਂ-ਪਾਂਧੀਆਂ ਤੇ ਖਲੋਣ ਵਾਲਿਆਂ ਵੱਲ ਵੇਖ ਲਗਾਤਾਰ ਸਿੱਖਦਾ ਰਹਿਦਾ ਸੁਭਾਅ ‘ਚ ਵੱਡੀ ਤਬਦੀਲੀ ਲਿਆਉਣ ‘ਚ ਕਾਮਯਾਬ ਹੋਇਆ ਮਹਿਸੂਸ ਹੁੰਦਾ ਹੈ। ਇਸ ਮੌਕੇ ਭਾਈ ਕਰਨਪ੍ਰੀਤ ਸਿੰਘ ਵੇਰਕਾ, ਭਾਈ ਭੁਪਿੰਦਰ ਸਿੰਘ, ਸਾਬਕਾ ਸਰਪੰਚ ਜਗਤਾਰ ਸਿੰਘ ਸਰਾਭਾ, ਇੰਦਰਜੀਤ ਸਿੰਘ ਸਹਿਜਾਦ, ਜਰਨੈਲ ਸਿੰਘ ਖੱਟੜਾ, ਦਲਜੀਤ ਸਿੰਘ ਥਰੀਕੇ, ਡਾ ਰੁਪਿੰਦਰ ਸਿੰਘ ਸੁਧਾਰ, ਗੁਰਚਰਨ ਸਿੰਘ, ਹਰਦੇਵ ਸਿੰਘ ਬੋਪਾਰਾਏ,ਸੂਬੇਦਾਰ ਬਲਜੀਤ ਸਿੰਘ, ਦਵਿੰਦਰ ਸਿੰਘ ਭਨੋਹੜ,ਰਾਮਪਾਲ ਸਿੰਘ, ਕੁਲਜੀਤ ਸਿੰਘ ਭੰਮਰਾ ਸਰਾਭਾ, ਹਰਬੰਸ ਸਿੰਘ ਹਿੱਸੋਵਾਲ, ਬਲੌਰ ਸਿੰਘ ਸਰਾਭਾ, ਨਿਰਭੈ ਸਿੰਘ ਅੱਬੂਵਾਲ, ਜਸਵਿੰਦਰ ਸਿੰਘ ਕਾਲਖ ,ਹਰਦੀਪ ਸਿੰਘ, ਮਨਦੀਪ ਸਿੰਘ ਆਦਿ ਹਾਜ਼ਰੀ ਭਰੀ ।
