ਜਗਰਾਉ 29 ਮਾਰਚ(ਅਮਿਤਖੰਨਾ)ਸ੍ਰੀਮਤੀ ਸਤੀਸ਼ ਗੁਪਤਾ ਸਰਵਹਿੱਤਕਾਰੀ ਵਿੱਦਿਆ ਮੰਦਿਰ ਸੀਨੀਅਰ ਸੈਕੰਡਰੀ ਸਕੂਲ ਜਗਰਾਉਂ ਵਿਖੇ ਮਾਸੀ, ਚਾਲਕ ਸੈਮੀਨਾਰ ਲਗਾਇਆਗਿਆ। ਇਸ ਸੈਮੀਨਾਰ ਵਿੱਚ ਮੋਗਾ ਸੰਕੁਲ ਦੇ ਸਕੂਲ ਕੋਟ ਈਸੇ ਖਾਂ, ਮੱਖੂ, ਜ਼ੀਰਾ, ਐੱਮ ਐੱਲ ਬੀ ਗੁਰੂਕੁਲ ਦੇ ਪ੍ਰਿੰਸੀਪਲ, ਮਾਸੀਆਂ ਅਤੇ ਚਾਲਕਸ਼ਾਮਿਲ ਸਨ। ਸੈਮੀਨਾਰ ਦੀ ਸ਼ੁਰੂਆਤ ਵੰਦਨਾ ਦੁਆਰਾ ਕੀਤੀ ਗਈ।ਪਹਿਲੇ ਸਤਰ ਵਿੱਚ ਜ਼ੀਰਾ ਸਕੂਲ ਦੇ ਪ੍ਰਿੰ. ਸ਼੍ਰੀ ਮਤੀ ਪ੍ਰਵੀਨ ਜੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਿਵੇਂ ਮੇਰਾ ਕੰਮ ਸਭ ਤੋਂ ਸ਼੍ਰੇਸ਼ਠ ਹੋ ਸਕਦਾ ਹੈਅਤੇ ਮੈਂ ਕੰਮ ਨੂੰ ਕਿਸ ਤਰੀਕੇ ਨਾਲ ਕਰਨਾ ਹੈ। ਸਾਰੀਆਂ ਮਾਸੀਆਂ ਅਤੇ ਚਾਲਕਾਂ ਨੂੰ ਇਸ ਗੱਲ ਦਾ ਪੂਰਾ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਕਿਸਤਰ੍ਹਾਂ ਮੈਂ ਆਪਣੇ ਕੰਮ ਨੂੰ ਹੋਰ ਪ੍ਰਭਾਵੀ ਕਰ ਸਕਦਾ ਹਾਂ, ਇਹੀ ਸਾਡਾ ਮੁੱਖ ਉਦੇਸ਼ ਹੋਣਾ ਚਾਹੀਦਾ ਹੈ। ਜਿਸ ਤਰ੍ਹਾਂ ਅਸੀਂ ਘਰ ਵਿੱਚ ਸਾਰੀਆਂ ਚੀਜ਼ਾਂਸੁਚੱਜੇ ਢੰਗ ਨਾਲ ਆਪਣੀ ਜਗ੍ਹਾ ਤੇ ਟਿਕਾ ਕੇ ਆਪਣੇ ਘਰ ਨੂੰ ਪ੍ਰਭਾਵਸ਼ਾਲੀ ਬਣਾ ਸਕਦੇ ਹਾਂ ਤਾਂ ਇਹੀ ਭਾਵਨਾ ਸਾਡੀ ਸਕੂਲ ਪ੍ਰਤੀ ਵੀ ਹੋਣੀਚਾਹੀਦੀ ਹੈ।ਦੂਸਰੇ ਸਤਰ ਵਿੱਚ ਵਿਭਾਗ ਸਚਿਵ ਸ਼੍ਰੀ ਬੁੱਧੀਆਰਾਮ ਜੀ ਨੇ ਵਿਹਾਰ ਕੁਸ਼ਲਤਾ ਤੇ ਵਿਵਸਥਾ ਕੌਸ਼ਲਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿਵਿੱਦਿਆ ਮੰਦਿਰ ਵਿੱਚ ਕੰਮ ਕਰਦਿਆਂ ਸਾਡੇ ਅੰਦਰ ਸ਼ਰਧਾ ਦੀ ਭਾਵਨਾ ਹੋਣੀ ਚਾਹੀਦੀ ਹੈ। ਆਪਣੇ ਵਿਹਾਰ ਨੂੰ ਸ਼ਾਲੀਨ ਬਣਾ ਕੇ ਇੱਕ ਸਹੀਵਿਵਸਥਾ ਕਾਇਮ ਕੀਤੀ ਜਾ ਸਕਦੀ ਹੈ। ਹਰ ਚੀਜ਼ ਦੀ ਰੱਖਣ ਦੀ ਇੱਕ ਨਿਸ਼ਚਿਤ ਜਗ੍ਹਾ ਹੋਣੀ ਚਾਹੀਦੀ ਹੈ। ਇਸ ਨਾਲ ਹੀ ਕੁਸ਼ਲ ਵਿਵਸਥਾ ਦਾਨਿਰਮਾਣ ਕੀਤਾ ਜਾ ਸਕਦਾ ਹੈ।ਤੀਸਰੇ ਸਤਰ ਵਿੱਚ ਮੋਗਾ ਸਕੂਲ ਦੇ ਪ੍ਰਿੰ. ਸ਼੍ਰੀ ਮਤੀ ਪੂਨਮ ਜੀ ਨੇ ਜੀਵਨ ਸ਼ੈਲੀ, ਵੇਸ਼- ਭੂਸ਼ਾ, ਭਾਵ ਤੇ ਸਮਰਪਣ ਨੂੰ ਮੁੱਖ ਰੱਖ ਕੇ ਜਾਣਕਾਰੀਦਿੰਦਿਆਂ ਦੱਸਿਆ ਕਿ ਮਾਸੀਆਂ ਤੇ ਚਾਲਕਾਂ ਦੀ ਵੇਸ਼ ਭੂਸ਼ਾ, ਜੀਵਨ ਸ਼ੈਲੀ ਬਹੁਤ ਹੀ ਸਰਲ ਹੋਣੀ ਚਾਹੀਦੀ ਹੈ। ਸਾਦਾ ਜੀਵਨ ਤੇ ਉੱਚ ਵਿਚਾਰ ਦੇਸੰਕਲਪ ਨੂੰ ਮੁੱਖ ਰੱਖਦੇ ਹੋਏ ਸਾਡੇ ਅੰਦਰ ਸ਼ਰਧਾ ਭਾਵ ਤੇ ਸਮਰਪਣ ਦੀ ਭਾਵਨਾ ਹੋਣੀ ਚਾਹੀਦੀ ਹੈ। ਨਿਸ਼ਚਿਤ ਦਿਨਾਂ ਤੇ ਯੂਨੀਫ਼ਾਰਮ ਪਹਿਨਣਾ,ਬੋਲੀ ਵਿੱਚ ਮਿਠਾਸ ਤੇ ਨਿਮਰਤਾ ਆਦਿ ਗੁਣਾਂ ਨੂੰ ਆਪਣੀ ਜੀਵਨ ਸ਼ੈਲੀ ਵਿੱਚ ਅਪਨਾਉਣਾ ਚਾਹੀਦਾ ਹੈ।ਏ.ਐੱਸ.ਆਈ. ਸ. ਹਰਪਾਲ ਸਿੰਘ ਨੇ ਟ੍ਰੈਫਿਕ ਨਿਯਮਾਂ ਅਤੇ ਜ਼ਰੂਰੀ ਦਸਤਾਵੇਜ਼; ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇੱਕ ਚਾਲਕ ਨੂੰ ਟ੍ਰੈਫਿਕਨਿਯਮਾਂ ਦੀ ਪੂਰੀ ਜਾਣਕਾਰੀ ਹੋਣੀ ਚਾਹੀਦੀ ਹੈ ਤੇ ਵਾਹਨ ਸੰਬੰਧੀ ਪੂਰੇ ਦਸਤਾਵੇਜ਼ ਵੀ ਨਾਲ ਰੱਖਣੇ ਚਾਹੀਦੇ ਹਨ ਤਾਂ ਜੋ ਲੋੜ ਪੈਣ ਤੇ ਦਿਖਾਏ ਜਾਸਕਣ।ਪ੍ਰਿੰ. ਸ਼੍ਰੀ ਮਤੀ ਨੀਲੂ ਨਰੂਲਾ ਜੀ ਨੇ ਵਿਦਿਆਲੇ ਸੰਚਾਲਨ ਦੇ ਉਦੇਸ਼ ਦਾ ਬੋਧ ਤੇ ਆਪਣੀ ਭੂਮਿਕਾ ਬਾਰੇ; ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇੱਕਸਕੂਲ ਦੇ ਸੰਚਾਲਨ ਵਿੱਚ ਆਪਣੀ (ਮਾਸੀਆਂ/ਚਾਲਕਾਂ) ਭੂਮਿਕਾ ਕੀ ਹੋ ਸਕਦੀ ਹੈ? ਜੇਕਰ ਅਸੀਂ ਸਾਰੇ ਰਲ ਮਿਲ ਕੇ ਆਪਣਾ ਕੰਮ ਇਮਾਨਦਾਰੀਨਾਲ ਕਰਾਂਗੇ ਤਾਂ ਇੱਕ ਸਫ਼ਲ ਵਿਦਿਆਲੇ ਦਾ ਨਿਰਮਾਣ ਹੋ ਸਕਦਾ ਹੈ ਤੇ ਸਾਨੂੰ ਵਿਦਿਆਲੇ ਪ੍ਰਤੀ ਪੂਰੀ ਨਿਸ਼ਠਾ ਨਾਲ ਆਪਣੀ ਭੂਮਿਕਾਨਿਭਾਉਣੀ ਚਾਹੀਦੀ ਹੈ।ਅੰਤ ਵਿੱਚ ਪ੍ਰਿੰ. ਸ਼੍ਰੀ ਮਤੀ ਨੀਲੂ ਨਰੂਲਾ ਜੀ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਸੈਮੀਨਾਰ ਦਾ ਸਮਾਪਨ ਕੀਤਾ।
