ਵਿੰਬਲਡਨ , ਜੁਲਾਈ 2019 ( ਗਿਆਨੀ ਅਮਰੀਕ ਸਿੰਘ ਰਾਠੌਰ )- ਬਰਤਾਨੀਆ ਦੇ ਸ਼ਾਹੀ ਪਰਿਵਾਰ ਦਾ ਹਿੱਸਾ ਡੱਚੇਸ ਆਫ਼ ਕੈਂਬ੍ਰਿਜ ਕੇਟ ਅੱਜ ਵਿੰਬਲਡਨ ਟੂਰਨਾਮੈਂਟ ਦੇਖਣ ਲਈ ਪੁੱਜੀ ਤੇ ਉਨ੍ਹਾਂ ਸ਼ਾਹੀ ਪਰਿਵਾਰ ਦੇ ਬੈਠਣ ਲਈ ਬਣੀ ਵਿਸ਼ੇਸ਼ ਜਗ੍ਹਾ ਦੀ ਥਾਂ ਹੇਠਾਂ ਕੋਰਟ ਲਾਗੇ ਬਣੀਆਂ ਸੀਟਾਂ ’ਤੇ ਬਹਿ ਕੇ ਮੈਚ ਦੇਖਿਆ। ਆਲ ਇੰਗਲੈਂਡ ਕਲੱਬ ਪੁੱਜੀ ਕੇਟ ਨੇ 318 ਰੈਗੂਲਰ ਸੀਟਾਂ ਵਿਚੋਂ ਹੀ ਇਕ ਸੀਟ ਚੁਣੀ।
ਇਹ ਮੁਕਾਬਲਾ ਹੈਰੀਅਟ ਡਾਰਟ ਤੇ ਕ੍ਰਿਸਟੀਨਾ ਮੈੱਕਹੇਲ ਵਿਚਾਲੇ ਸੀ। ਧੁੱਪ ਵਾਲੇ ਚਸ਼ਮੇ ਤੇ ਚਿੱਟੀ ਪੁਸ਼ਾਕ ਵਿਚ ਪੁੱਜੀ ਕੇਟ (37) ਟੈਨਿਸ ਦੀ ਵੱਡੀ ਪ੍ਰਸ਼ੰਸਕ ਹੈ ਤੇ ਆਲ ਇੰਗਲੈਂਡ ਕਲੱਬ ਦੀ ਸਰਪ੍ਰਸਤ ਵੀ ਹੈ।
