‘ਹੇਰਾਂ’ ਵਲੋਂ-ਉਬਲਦੇ ਕੌਮੀ ਜਜ਼ਬੇ ‘ਚ ਪਿਛੋਕੜ ਅਤੇ ਭਵਿੱਖ ਦੇ ਪੱਖਾਂ ਤੋਂ ਸੁਚੇਤ ਕੌਮ ਵਲੋਂ ਹੰਢਾਏ ਜਾ ਰਹੇ ਪੱਖਾਂ ਤੋਂ ਜਾਣਕਾਰੀ ਕੀਤੀ ਸਾਂਝੀ
ਮੁੱਲਾਪੁਰ ਦਾਖਾ 21 ਫਰਵਰੀ (ਸਤਵਿੰਦਰ ਸਿੰਘ ਗਿੱਲ )-ਪੰਥਕ ਜਜ਼ਬੇ ਦੇ ਉਛਾਲ ‘ਚ ਬਲਦੇਵ ਸਿੰਘ ‘ਦੇਵ ਸਰਾਭਾ’ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਲੋਕ ਭਲਾਈ ਮੰਚ ਪੰਜਾਬ, ਆਪਣੇ ਸਹਿਯੋਗੀ ਭਾ: ਰਾਜਦੀਪ ਸਿੰਘ ਆਂਡਲੂ ਸੂਬਾ ਮੈਂਬਰ ਪੰਥਕ ਅਕਾਲੀ ਲਹਿਰ, ਸੁੱਖਵਿੰਦਰ ਸਿੰਘ ਅੱਬੂਪੁਰ ਮੀਤ ਪ੍ਰਧਾਨ ਸ਼ੋ੍ਰਮਣੀ ਅਕਾਲੀ ਦਲ ਅੰਮ੍ਰਿਤਸਰ ਸਰਕਲ ਸਿਧਵਾਂ ਬੇਟ, ਜਗਤਾਰ ਸਿੰਘ ਭੈਣੀ ਬੜਿੰਗ ਪੰਥਕ ਅਕਾਲੀ ਲਹਿਰ , ਮੋਹਣ ਸਿੰਘ ਬਗਸ਼ੀਪੁਰ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਸਤਿਕਾਰ ਕਮੇਟੀ ਆਦਿ ਪੰਜ ਸਾਥੀਆਂ ਸਮੇਤ ਸਜਾ ਪੂਰੀ ਕਰ ਚੁੱਕੇ ਕਾਲ ਕੋਠੜੀਆਂ ‘ਚ ਬੰਦ ਬੇਇਨਸਾਫੀ ਦੇ ਸ਼ਿਕਾਰ ਬੰਦੀ ਸਿੰਘਾਂ ਦੀ ਰਿਹਾਈ ਅਤੇ ਸੌਦਾ ਸਾਧ ਦੀ ਫਰਲੋ ਨੂੰ ਰੱਦ ਕਰਵਾਉਣ ਲਈ ਪੰਥਕ ਜਥੇਬੰਦੀਆਂ ਦੇ ਸਹਿਯੋਗ ਨਾਲ ਬਾਲਾ ਜਰਨੈਲ ਸ਼ਹੀਦ ਕਰਤਾਰ ਸਿੰਘ ਜੀ ਸਰਾਭਾ ਦੀ ਸਰਜ਼ਮੀਨ ਪਿੰਡ ਸਰਾਭਾ ਦੇ ਮੁੱਖ ਚੌਕ ‘ਚ ਉਨ੍ਹਾਂ ਦੀ ਯਾਦ ਨੂੰ ਤਾਜਾ ਕਰਵਾਉਦੀ ਯਾਦਗਰ ਸਾਹਮਣੇ ਅੱਜ ਸਵੇਰੇ 10 ਵਜ਼ੇ ਭੁੱਖ ਹੜਤਾਲ ‘ਤੇ ਬੈਠੇ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ‘ਦੇਵ ਸਰਾਭਾ ਨੇ ਦੱਸਿਆ ਕਿ ਉਹ ਸ੍ਰ: ਜਸਪਾਲ ਸਿੰਘ ਹੇਰਾਂ ਸੰਪਾਦਕ ਰੋਜਾਨਾ ਪਹਿਰੇਦਾਰ ਦੀ ਪ੍ਰੇਰਣਾ ਸਦਕਾ ਪੰਥਕ ਕਾਰਜ਼ਾਂ ਨੂੰ ਸਮਰਪਿਤ ਹੋਏ ਹਨ। ਉਨ੍ਹਾਂ ਦੀ ਮਨਸ਼ਾ ਕਿਸੇ ਸਿਆਸੀ ਪੂਰਤੀ ਜਾਂ ਕਿਸੇ ਦੇ ਵਿਰੋਧ ਵਿਚ ਨਹੀਂ ਸਗੋਂ ਹੱਕ-ਇਨਸਾਫ ਲਈ ਜੂਝਣ ਦੇ ਜਜ਼ਬੇ ‘ਚੋਂ ਉਪਜਿਆ ਪੱਖ ਹੈ, ਜਿਸਦੀ ਮਿਸਾਲ ਬੀਤੇ ਕੱਲ ਆਪਣੇ ਵਲੋਂ ਵੋਟ ਦਾ ਬਾਈਕਾਟ ਕਰਨਾ ਅਤੇ ਅੱਜ ਤੋਂ ਰੋਜਾਨਾ ਦਿਨ-ਭਰ ਭੁੱਖ ਹੜਤਾਲ ‘ਤੇ ਬੈਠਣਾ ਹੈ। ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਪੁੱਜੇ ਸ੍ਰ: ਜਸਪਾਲ ਸਿੰਘ ਹੇਰਾਂ ਬਿਪਰਵਾਦੀ ਤਾਕਤਾਂ ਦੇ ਸ਼ਿਕੰਜੇ ‘ਚ ਅਜੋਕੇ ਅਖੌਤੀ ਪੰਥਕ ਆਗੂਆਂ ਦੀ ਕੌਮੀ ਕਾਰਜ਼ਾਂ ਵਿਚਲੀ ਵਜ਼ਹਾ-ਏ-ਕਮਜੋਰੀ ਦੇ ਪੱਖਾਂ ਅਤੇ ਉਬਲਦੇ ਕੌਮੀ ਜਜ਼ਬੇ ‘ਚ ਪਿਛੋਕੜ ਅਤੇ ਭਵਿੱਖ ਦੇ ਪੱਖਾਂ ਤੋਂ ਸੁਚੇਤ ਕੌਮ ਵਲੋਂ ਹੰਢਾਏ ਜਾ ਰਹੇ ਪੱਖਾਂ ਤੋਂ ਜਾਣਕਾਰੀ ਸਾਂਝੀ ਕੀਤੀ। ਭੁੱਖ ਹੜਤਾਲ ‘ਤੇ ਬੈਠੇ ‘ਦੇਵ ਸਰਾਭਾ’ ਤੇ ਸਾਥੀਆਂ ਨੂੰ ਹੌਸਲਾ ਵਧਾਉਦਿਆਂ ਹਰਦੀਪ ਸਿੰਘ ਸਰਾਭਾ, ਇੰਦਰਜੀਤ ਸਿੰਘ ਸਹਿਜ਼ਾਦ, ਸਾਬਕਾ ਸਰਪੰਚ ਜਗਤਾਰ ਸਿੰਘ ਸਰਾਭਾ, ਗੁਰਮੀਤ ਸਿੰਘ ਬਰਸਾਲ, ਨਿਰਭੈ ਸਿੰਘ ਬਖਸ਼ੀਪੁਰ, ਜਗਦੇਵ ਸਿੰਘ ਬਖਸ਼ੀਪੁਰ, ਜਥੇ: ਲਾਭ ਸਿੰਘ ਬਰਸਾਲ, ਬਲਦੇਵ ਸਿੰਘ ਬਖਸ਼ੀਪੁਰ, ਕੁਲਜੀਤ ਸਿੰਘ ਭੰਵਰਾ, ਜਸਵੀਰ ਸਿੰਘ ਸਾ; ਸਰਪੰਚ ਟੂਸੇ, ਰਮੇਸ਼ਵਰ ਸਿੰਘ ਟੂਸੇ, ਬਿੰਦਰ ਸਰਾਭਾ ਆਦਿ ਨੇ ਪੰਥਕ ਜਜ਼ਬੇ ਵਿਚ ਵਾਧਾ ਕੀਤਾ।
