ਜਗਰਾਓਂ 12 ਜਨਵਰੀ ( ਅਮਿਤ ਖੰਨਾ )-ਸ਼੍ਰੋਮਣੀ ਅਕਾਲੀ ਦਲ ਦੀ ਪੀ.ਏ.ਸੀ. ਦੇ ਮੈਂਬਰ ਅਤੇ ਸਾਬਕਾ ਚੇਅਰਮੈਨ ਕੰਵਲਜੀਤ ਸਿੰਘ ਮੱਲ੍ਹਾ ਨੇ ਅੱਜ ਇਥੇ ਇਕ ਪ੍ਰੈੱਸ ਬਿਆਨ ਚ ਦਾਅਵਾ ਕੀਤਾ ਕਿ ਪੰਜਾਬ ਵਿਚ ਅਗਲੀ ਸਰਕਾਰ ਅਕਾਲੀ ਦਲ ਦੀ ਬਣੇਗੀ ਅਤੇ ਇਸ ਚੋਣ ਦੌਰਾਨ ਲੋਕ ਕਾਂਗਰਸ ਅਤੇ ਆਪ ਨੂੰ ਮੂੰਹ ਨਹੀਂ ਲਗਾਉਣਗੇ ੍ਟ ਮੱਲ੍ਹਾ ਨੇ ਬਿਆਨ ਚ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੂੰ ਕਾਂਗਰਸ ਸਰਕਾਰ ਵਲੋਂ ਝੂਠੇ ਮਾਮਲੇ ਚ ਉਲਝਾਉਣ ਦੀ ਆਲੋਚਨਾ ਕਰਦਿਆਂ, ਅਦਾਲਤ ਵਲੋਂ ਇਸ ਮਾਮਲੇ ਚ ਦਿੱਤੇ ਇਨਸਾਫ਼ ਨੂੰ ਕਾਂਗਰਸ ਸਰਕਾਰ ਤੇ ਸੱਤ੍ਹਾਧਾਰੀ ਧਿਰ ਨੂੰ ਕਰਾਰਾ ਝਟਕਾ ਕਰਾਰ ਦਿੱਤਾ ੍ਟ ਉਨ੍ਹਾਂ ਕਿਹਾ ਕਿ ਮਜੀਠੀਆ ਦੇ ਚੋਣਾਂ 'ਚ ਸੱਤ੍ਹਾਧਾਰੀ ਧਿਰ ਨੂੰ ਮੁੱਦਿਆਂ ਤੇ ਘੇਰਨ ਲਈ ਹਮਲਾਵਰ ਰੁਖ਼ ਤੋਂ ਕਾਂਗਰਸ ਪਾਰਟੀ ਡਰਦੀ ਹੈ ਤੇ ਸ. ਮਜੀਠੀਆ ਨੂੰ ਚੋਣ ਮੁਹਿੰਮ ਤੋਂ ਦੂਰ ਰੱਖਣ ਲਈ ਸਰਕਾਰ ਵਲੋਂ ਇਹ ਕਾਰਵਾਈ ਕੀਤੀ ਗਈ ਸੀ ੍ਟ ਸਾਬਕਾ ਚੇਅਰਮੈਨ ਮੱਲ੍ਹਾ ਨੇ ਦੱਸਿਆ ਕਿ ਜਗਰਾਉਂ ਅਤੇ ਦਾਖਾ ਹਲਕੇ ਚ ਅਕਾਲੀ ਦਲ ਦੇ ਉਮੀਦਵਾਰ ਸ੍ਰੀ ਐਸ.ਆਰ. ਕਲੇਰ ਅਤੇ ਮਨਪ੍ਰੀਤ ਸਿੰਘ ਇਯਾਲੀ ਪੂਰੀ ਤਰ੍ਹਾਂ ਮਜ਼ਬੂਤ ਹਨ ਤੇ ਇਸ ਚੋਣ ਦੌਰਾਨ ਇਨ੍ਹਾਂ ਦੋਵਾਂ ਉਮੀਦਵਾਰਾਂ ਨੂੰ ਚੁਫੇਰਿਉਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ੍ਟ ਸ. ਮੱਲ੍ਹਾ ਨੇ ਦੱਸਿਆ ਕਿ ਸ੍ਰੀ ਕਲੇਰ ਵਲੋਂ ਇਸ ਚੋਣ ਦੌਰਾਨ ਉਨ੍ਹਾਂ ਦੀ ਜੋ ਵੀ ਡਿਊਟੀ ਲਗਾਈ ਜਾਵੇਗੀ, ਉਸ ਡਿਊਟੀ ਨੂੰ ਉਹ ਆਪਣੇ ਸਾਥੀਆਂ ਨਾਲ ਨਿਭਾਉਂਣਗੇ ਅਤੇ ਕਾਂਗਰਸ ਪਾਰਟੀ ਤੇ ਆਪ ਨੂੰ ਪਛਾੜਨਗੇ ੍ਟ
