ਲੁਧਿਆਣਾ

ਜਗਰਾਉਂ, ਜਨਵਰੀ 2021(ਮੋਹਿਤ ਗੋਇਲ /ਕੁਲਦੀਪ ਸਿੰਘ ਕੋਮਲ)
ਜਿਉਂ ਜਿਉਂ ਨਗਰ ਕੌਂਸਲ ਚੋਣਾਂ ਦਾ ਬਿਗੁਲ ਵਜ ਰਿਹਾ ਹੈ, ਜਗਰਾਉਂ ਦੇ ਸਾਰੇ ਵਾਰਡਾਂ ਵਿਚ ਸਰਗਰਮੀਆਂ ਤੇਜ਼ ਹੁੰਦੀਆਂ ਨਜ਼ਰ ਆ ਰਹੀਆਂ ਹਨ, ਅਤੇ ਰੋਜ਼ ਹੀ ਕੋਈ ਨਾ ਕੋਈ ਨਵਾਂ ਚਿਹਰਾ ਉਮੀਦਵਾਰੀ ਤੇ ਆਪਣੇ ਆਪ ਨੂੰ ਪੇਸ਼ ਕਰਦਾ ਵੀ ਨਜ਼ਰੀਂ ਆਉਂਦਾ ਹੈ। ਅੱਜ ਇਥੇ ਵਾਰਡ ਨੰਬਰ 13 ਵਿੱਚ ਆਮ ਆਦਮੀ ਪਾਰਟੀ ਦੇ ਪੰਜਾਬ ਦੇ ਜਨਰਲ ਸੈਕਟਰੀ ਗੋਪੀ ਸ਼ਰਮਾ ਨੇ ਕਿਹਾ ਕਿ ਉਹ ਇਸ ਵਾਰਡ ਦੇ ਵਿਕਾਸ ਲਈ ਅਤੇ ਜਗਰਾਉਂ ਦੀ ਨਗਰ ਕੌਂਸਲ ਚ ਚਲ ਰਹੀ ਭ੍ਰਿਸ਼ਟਾਚਾਰ ਦੇ ਖਿਲਾਫ਼  ਆਪਣੀ ਲੜਾਈ ਨੂੰ ਜਾਰੀ ਰੱਖਣ ਗੇ, ਕਿਉਂਕਿ ਉਹ  ਜਗਰਾਉਂ ਨਗਰ ਕੌਂਸਲ ਦੇ ਵਿਚ ਹੋ ਰਹੇ ਭ੍ਰਿਸ਼ਟਾਚਾਰ ਦੇ ਖਿਲਾਫ਼ ਹਾਈ ਕੋਰਟ ਤੱਕ ਪਹੁੰਚ ਚੁੱਕੇ ਹਨ ਤੇ ਉਨ੍ਹਾਂ ਦੀ ਇਹ ਲੜਾਈ ਤਾਂ ਹੀ ਅੱਗੇ ਚਲੇਗੀ ਜਦ ਉਹ ਚੋਣ ਜਿੱਤ ਕੇ ਨਗਰ ਕੌਂਸਲ ਵਿੱਚ ਜਾਣਗੇ ਅਤੇ ਸ਼ਹਿਰ ਦੇ ਵਿਕਾਸ ਲਈ ਹਰ ਸੰਭਵ ਕੋਸ਼ਿਸ਼ ਕਰਨਗੇ। ਉਨ੍ਹਾਂ ਅੱਗੇ ਕਿਹਾ ਕਿ ਸਾਡੀ ਪਾਰਟੀ ਵੀ ਇਸ ਮਕਸਦ ਨਾਲ ਹੀ  ਪਿਛਲੇ ਸਮੇਂ ਤੋਂ ਵਿਕਾਸ ਲਈ ਹਰ ਸੰਭਵ ਯਤਨ ਕਰ ਰਹੀ ਹੈ ਕਿਉਂਕਿ ਇਥੋਂ ਦੀ ਐਮ ਐਲ ਏ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਆਪਣੇ ਹਲਕੇ ਲਈ ਬਹੁਤ ਕੁੱਝ ਕੀਤਾ ਪਰ ਨਗਰ ਕੌਂਸਲ ਤੇ ਕਾਂਗਰਸ ਦਾ ਕਬਜ਼ਾ ਹੋਣ ਕਰਕੇ, ਭ੍ਰਿਸ਼ਟਾਚਾਰ ਪੂਰੇ ਜ਼ੋਰ ਤੇ ਰਿਹਾ, ਨੀਚੇ ਤੋਂ ਉੱਪਰ ਤਕ ਸਭ ਮਿਲ ਕੇ ਵਿਕਾਸ ਲਈ ਆਇਆ ਪੈਸਾ ਆਪਣੇ ਹੀ ਢਿੱਡ ਭਰਨ ਤੇ ਲਾਉਂਦੇ ਰਹੇ , ਅਗਰ ਵਾਰਡ ਅਤੇ ਸ਼ਹਿਰ ਵਾਸੀ ਸਾਡੀ ਪਾਰਟੀ ਨੂੰ ਮੋਕਾ ਦੇਣਗੇ ਤਾਂ ਸਾਡਾ ਮੁੱਖ ਏਜੰਡਾ ਜਨਤਾ ਦੀ ਸੇਵਾ ਕਰਨਾ ਅਤੇ ਸ਼ਹਿਰ ਨੂੰ ਸਾਫ ਸੁਥਰਾ ਬਣਾਉਣਾ ਹੈ।

ਹਠੂਰ,5,ਜਨਵਰੀ 2021-(ਕੌਸ਼ਲ ਮੱਲ੍ਹਾ)-

ਲੋਕ ਗਾਇਕ ਰਣਜੀਤ ਮਣੀ ਨੇ ਅੱਜ ਪਿੰਡ ਕੋਕਰੀ ਬੁੱਟਰਾ ਤੋ ਦਿੱਲੀ ਲਈ 20 ਨੌਜਵਾਨਾ ਦਾ 21ਵਾਂ ਜੱਥਾ ਰਵਾਨਾ ਕੀਤਾ।ਇਸ ਮੌਕੇ ਗੱਲਬਾਤ ਕਰਦਿਆ ਲੋਕ ਗਾਇਕ ਰਣਜੀਤ ਮਣੀ ਨੇ ਦੱਸਿਆ ਕਿ ਅੱਜ ਕਾਲੇ ਕਾਨੂੰਨਾ ਨੂੰ ਰੱਦ ਕਰਵਾਉਣ ਲਈ ਦੇਸ ਦਾ ਅੰਨਦਾਤਾ ਦਿੱਲੀ ਦੀਆ ਮੁੱਖ ਸੜਕਾ ਤੇ ਪਿਛਲੇ 40 ਦਿਨਾ ਤੋ ਦਿਨ-ਰਾਤ ਰੋਸ ਧਰਨੇ ਦੇ ਰਿਹਾ ਹੈ ਪਰ ਕੇਂਦਰ ਦੀ ਭਾਜਪਾ ਸਰਕਾਰ ਕਾਰਪੋਰੇਟ ਘਰਾਣਿਆ ਦੇ ਹੱਕ ਵਿਚ ਖੜੀ ਹੈ ਜਦਕਿ ਦੇਸ ਦੇ ਵਿਕਾਸ ਵਿਚ ਕਿਸਾਨ ਵੀਰਾ ਦਾ ਇੱਕ ਵੱਡਾ ਯੋਗਦਾਨ ਹੈ।ਉਨ੍ਹਾ ਕਿਹਾ ਕਿ ਅੱਜ ਪਾਰਟੀਬਾਜੀ ਤੋ ਉੱਪਰ ਉੱਠ ਕੇ ਸਾਨੂੰ ਕਿਸਾਨੀ ਸੰਘਰਸ ਦਾ ਸਾਥ ਦੇਣਾ ਚਾਹੀਦਾ ਹੈ ਅਤੇ ਕਾਲੇ ਕਾਨੂੰਨਾ ਨੂੰ ਰੱਦ ਕਰਵਾਉਣ ਲਈ ਸੰਘਰਸ ਹੋਰ ਤਿੱਖਾ ਕਰਨਾ ਚਾਹੀਦਾ ਹੈ।ਇਸ ਮੌਕੇ ਉਨ੍ਹਾ ਕਿਸਾਨੀ ਅੰਦੋਲਨ ਨੂੰ ਸਮਰਪਿਤ ਆਪਣੇ ਦੋ ਨਵੇ ਗੀਤ ‘ਸਰਦਾਰ’ ਅਤੇ ‘ਹਲ ਖੰਡੇ ਤਲਵਾਰਾਂ’ਗੀਤ ਰਿਲੀਜ ਕੀਤੇ।ਉਨ੍ਹਾ ਦੱਸਿਆ ਕਿ ‘ਸਰਦਾਰ’ ਗੀਤ ਨੂੰ ਕਲਮ ਬੰਦ ਕੀਤਾ ਹੈ ਪ੍ਰਸਿੱਧ ਗੀਤਕਾਰ ਅਲਬੇਲ ਬਰਾੜ ਦਿਉਣ ਵਾਲਾ ਨੇ ਅਤੇ ‘ਹਲ ਖੰਡੇ ਤਲਵਾਰਾਂ’ਨੂੰ ਕਲਮ ਬੰਦ ਕੀਤਾ ਹੈ ਗੀਤਕਾਰ ਦੋਹਰਾ ਸਰਜਿੰਦਰ ਨੇ ਉਨ੍ਹਾ ਕਿਹਾ ਕਿ ਮੈਨੂੰ ਯਕੀਨ ਹੈ ਕਿ ਮੇਰੇ ਰੱਬ ਵਰਗੇ ਸਰੋਤੇ ਮੇਰੇ ਪਹਿਲੇ ਗੀਤਾ ਵਾਗ ਇਨ੍ਹਾ ਦੋਵੇ ਗੀਤਾ ਨੂੰ ਮਾਂ ਵਰਗਾ ਪਿਆਰ ਅਤੇ ਸਤਿਕਾਰ ਦੇਣਗੇ।ਇਸ ਮੌਕੇ ਉਨ੍ਹਾ ਨਾਲ ਸਮੂਹ ਗ੍ਰਾਮ ਪੰਚਾਇਤ ਕੋਕਰੀ ਬੁੱਟਰਾ ਅਤੇ ਨੋਜਵਾਨ ਕਲੱਬ ਕੋਕਰੀ ਬੁੱਟਰਾ ਹਾਜ਼ਰ ਸੀ।

ਫੋਟੋ ਕੈਪਸਨ:- ਲੋਕ ਗਾਇਕ ਰਣਜੀਤ ਮਣੀ ਪਿੰਡ ਕੋਕਰੀ ਬੁੱਟਰਾ ਤੋ ਦਿੱਲੀ ਲਈ ਜੱਥਾ ਰਵਾਨਾ ਕਰਦੇ ਹੋੲ

ਹਠੂਰ,5,ਜਨਵਰੀ 2021-(ਕੌਸ਼ਲ ਮੱਲ੍ਹਾ)-

ਸੱਭਿਆਚਾਰਕ ਅਤੇ ਪਰਿਵਾਰਕ ਗੀਤਾ ਨਾਲ ਆਪਣੀ ਵੱਖਰੀ ਪਹਿਚਾਣ ਬਣਾ ਚੁੱਕੇ ਲੋਕ ਗਾਇਕ ਸਰਬਜੀਤ ਸਹੋਤਾ ਆਪਣੇ ਸਰੋਤਿਆ ਦੀ ਕਚਹਿਰੀ ਵਿਚ ਲੈ ਕੇ ਹਾਜ਼ਰ ਹੈ ਆਪਣਾ ਸਿੰਗਲ ਟਰੈਕ ‘ਦਿੱਲੀ ਕੰਬਣ ਲਾ ਦੇਣਗੇ’, ਇਸ ਗੀਤ ਸਬੰਧੀ ਜਾਣਕਾਰੀ ਦਿੰਦਿਆ ਗਾਇਕ ਸਰਬਜੀਤ ਸਹੋਤਾ ਨੇ ਦੱਸਿਆ ਕਿ ਇਸ ਗੀਤ ਨੂੰ ਸੰਗੀਤਕ ਧੁੰਨਾ ਨਾਲ ਸਿੰਗਾਰਿਆ ਹੈ ਸੰਗੀਤਕਾਰ ਬਲੈਕਪੇਨ ਅਨਮੋਲ,ਗੀਤ ਨੂੰ ਕਲਮ ਬੰਦ ਕੀਤਾ ਹੈ ਪ੍ਰਸਿੱਧ ਗੀਤਕਾਰ ਸੱਤਪਾਲ ਕਾਉਕੇ ਕਲਾਂ ਨੇ ਅਤੇ ਗੀਤ ਨੂੰ ਪ੍ਰਸਿੱਧ ਕੰਪਨੀ ਐਸ ਬੀ ਰਿਕਾਰਡ ਨੇ ਰਿਲੀਜ ਕੀਤਾ ਹੈ।ਉਨ੍ਹਾ ਕਿਹਾ ਕਿ ਇਹ ਗੀਤ ਕਾਲੇ ਕਾਨੂੰਨਾ ਦੇ ਖਿਲਾਫ ਹੈ ਅਤੇ ਅੱਜ ਦੇ ਕਿਸਾਨੀ ਸੰਘਰਸ ਨੂੰ ਬਿਆਨ ਕਰਦਾ ਹੈ।ਉਨ੍ਹਾ ਦੱਸਿਆ ਕਿ ਇਸ ਗੀਤ ਦੀ ਵੀ ਡੀ ਓ ਦਿੱਲੀ ਦੇ ਵੱਖ-ਵੱਖ ਬਾਡਰਾ ਤੇ ਚੱਲ ਰਹੇ ਕਿਸਾਨ ਅੰਦੋਲਨ ਤੇ ਬਣਾਈ ਗਈ ਹੈ ਮੈਨੂੰ ਯਕੀਨ ਹੈ ਕਿ ਮੇਰੇ ਸਰੋਤੇ ਇਸ ਗੀਤ ਨੂੰ ਪੂਰਾ ਮਾਣ-ਸਨਮਾਨ ਦੇਣਗੇ।

ਫੋਟੋ ਕੈਪਸਨ:- ਲੋਕ ਗਾਇਕ ਸਰਬਜੀਤ ਸਹੋਤਾ 

ਜਗਰਾਓਂ /ਸਿੱਧਵਾਂ ਬੇਟ, 5 ਜਨਵਰੀ 2021  - (ਜਸਮੇਲ ਗਾਲਿਬ  )- 

ਇਥੋਂ ਥੋੜ੍ਹੀ ਦੂਰ ਪਿੰਡ ਗਾਲਬ ਰਣ ਸਿੰਘ ਵਿੱਚ  ਧੰਨ ਧੰਨ   ਦਸਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਦਾ ਪ੍ਰਕਾਸ਼ ਪੁਰਬ ਬੜੀ ਧੂਮਧਾਮ ਅਤੇ ਸ਼ਰਧਾ ਨਾਲ  ਮਨਾਇਆ ਜਾ ਰਿਹਾ ਹੈ ਅੱਜ ਪਿੰਡ ਵਿੱਚ ਨਗਰ ਕੀਰਤਨ  ਜਾ ਰਿਹਾ ਹੈ  ਜੋ ਕਿ ਪੂਰੇ ਪਿੰਡ ਦੀ ਪਰਕਮਾ ਕੀਤੀ ਜਾਵੇਗੀ ਪਿੰਡ ਵਿੱਚ ਥਾਂ ਥਾਂ ਤੇ ਪੜਾਅ  ਲਾਏ ਜਾਣਗੇ  ਇਸ ਵਿੱਚ ਗੁਰਭਾਗ ਸਿੰਘ ਮਰੂੜ ਦਾ ਢਾਡੀ ਜਥਾ ਸੰਗਤਾਂ ਨੂੰ ਗੁਰੂ ਸਾਹਿਬ ਦਾ  ਇਤਿਹਾਸ ਸੁਣਾ ਕੇ ਸੰਗਤਾਂ ਨੂੰ ਨਿਹਾਲ ਕਰਨਗੇ ।ਇਸ ਸਮੇਂ ਗੱਤਕਾ ਪਾਰਟੀ ਦੇ ਜੌਹਰ ਵੀ ਦੇਖਣਯੋਗ ਹੋਣਗੇ ।ਇਸ ਸਮੇਂ ਬੈਂਡ ਵਾਜੇ ਵਾਲੇ ਵੀ ਨਗਰ ਕੀਰਤਨ ਦੇ ਅੱਗੇ ਆਪਣੀ  ਕਲਾ ਦਾ ਜੌਹਰ ਦਿਖਾਉਣਗੇ । ਪਿੰਡ ਵਿੱਚ ਸਾਰੇ ਪੜਾਵਾਂ ਤੇ ਲੰਗਰ ਵਰਤਾਏ ਜਾਣਗੇ  ਇਸ ਸਮੇਂ ਪ੍ਰਧਾਨ ਸਰਤਾਜ ਸਿੰਘ ਕੁਲਵਿੰਦਰ ਸਿੰਘ ਛਿੰਦਾ ਸਰਪੰਚ ਜਗਦੀਸ਼ ਚੰਦ ਸ਼ਰਮਾ ਮੈਂਬਰ ਨਿਰਮਲ ਸਿੰਘ ਮੈਂਬਰ ਹਰਮੰਦਰ ਸਿੰਘ ਮੈਂਬਰ ਜਸਵਿੰਦਰ ਸਿੰਘ ਮੈਂਬਰ ਜਗਸੀਰ ਸਿੰਘ ਕਾਲਾ  ਸੁਰਿੰਦਰਪਾਲ ਸਿੰਘ ਫੌਜੀ  ਬਲਵਿੰਦਰ ਸਿੰਘ ਕਾਕਾ ਹਿੰਮਤ ਸਿੰਘ ਆਦਿ ਹਾਜ਼ਰ ਸਨ