ਲੁਧਿਆਣਾ

ਜਗਰਾਉਂ  ,ਜਨਵਰੀ  2021-(ਸਤਪਾਲ ਸਿੰਘ ਦੇਹਡ਼ਕਾ/ ਮਨਜਿੰਦਰ ਗਿੱਲ )- 

ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਆ ਰਹੀਆਂ ਨਗਰ ਕੌਂਸਲ ਚੋਣਾਂ ਵਿੱਚ ਕਈ ਵਾਰਡਾਂ ਵਿੱਚ ਆਪਣੇ ਉਮੀਦਵਾਰਾਂ ਦੇ ਸਿਰਾਂ ਉੱਪਰ ਹੱਥ ਧਰ ਦਿੱਤਾ ਗਿਆ ਹੈ। ਇਸੇ ਤਰ੍ਹਾਂ ਵਾਰਡ ਨੰਬਰ 7 ਤੋਂ ਨਾਮੀ ਪਰਿਵਾਰ ਲਾਲ ਸਿੰਘ ਲਾਲੀ ਪਹਿਲਵਾਨ ਦੀ ਧਰਮ ਪਤਨੀ ਬੀਬੀ ਗੁਰਪ੍ਰੀਤ ਕੌਰ ਸਿੱਧੂ ਨੂੰ ਕੈਂਡੀਡੇਟ ਬਣਾਇਆ ਗਿਆ ਹੈ ।  ਜੇ ਪਰਿਵਾਰ ਦੀ ਗੱਲ ਕਰੀਏ ਤਾਂ ਪਿਛਲੇ ਲੰਮੇ ਸਮੇਂ ਤੋਂ ਦਰਸ਼ਨ ਸਿੰਘ ਗਿੱਲ ਇਸ ਪਰਿਵਾਰ ਦੇ ਕੌਂਸਲਰ ਰਹਿ ਚੁੱਕੇ ਹਨ  ਅਤੇ ਇਹ ਪਰਿਵਾਰ ਜਗਰਾਉਂ ਸ਼ਹਿਰ ਅੰਦਰ ਕਾਫ਼ੀ ਪ੍ਰਭਾਵ ਰੱਖਣ ਵਾਲਾ ਪਰਿਵਾਰ ਹੈ। ਇਸ ਸਮੇਂ ਬੀਬੀ ਗੁਰਪ੍ਰੀਤ ਕੌਰ ਸਿੱਧੂ ਦੇ ਬੇਟੇ ਵਿਸ਼ਾਲ ਗਿੱਲ ਨੇ ਸਾਡੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦੇ ਦੱਸਿਆ ਕੇ ਅਸੀਂ ਪਿਛਲੇ ਪੰਜ ਸਾਲ ਲਗਾਤਾਰ ਆਪਣੇ ਵਾੜ ਵਾਸੀਆਂ ਨਾਲ ਤਾਲਮੇਲ ਰੱਖ ਰਹੇ ਹਾਂ ਅਤੇ ਜੋ ਬਣਦਾ ਕੰਮ ਵੀ ਅਸੀਂ ਕਰ ਰਹੇ ਹਾਂ।  ਸਾਡੀ ਜਿੱਤ ਯਕੀਨੀ ਹੋਵੇਗੀ ਅਸੀਂ ਵਾਹਿਗੁਰੂ ਅੱਗੇ ਅਰਦਾਸ ਬੇਨਤੀ ਕਰਦੇ ਹਾਂ ਕਿ ਪ੍ਰਮਾਤਮਾ ਸਾਨੂੰ ਇਹ ਮਾਣ ਬਖਸ਼ੇ । 

ਜਗਰਾਉਂ, ਜਨਵਰੀ 2021(ਮੋਹਿਤ ਗੋਇਲ ਕੁਲਦੀਪ ਸਿੰਘ ਕੋਮਲ)

ਬੱਚਿਆਂ ਦੇ ਸੁਨਹਿਰੇ ਭਵਿੱਖ ਦੀ ਲੋਚਨਾ ਕਰਦੇ ਪੰਜਾਬ ਦੀ ਵੱਡੀ ਗਿਣਤੀ ਮਾਂ-ਬਾਪ ਆਪਣੇ ਦਿਲ ਦੇ ਟੁਕੜਿਆਂ ਨੂੰ ਕਿਸੇ ਨਾ ਕਿਸੇ ਢੰਗ ਨਾਲ ਵਿਦੇਸ਼ਾਂ ’ਚ ਭੇਜਣ ਦੇ ਚਾਹਵਾਨ ਹਨ। ਅਜਿਹਾ ਹੀ ਸੁਨਹਿਰਾ ਸੁਪਨਾ ਦੇਖਣ ਵਾਲਾ ਸੱਤੋਵਾਲ ਪਿੰਡ ਦੇ ਸਤਪਾਲ ਸਿੰਘ ਦਾ ਖੁਸ਼ਹਾਲ ਪਰਿਵਾਰ ਇਕ ਵੱਡੇ ਦੁੁਖਾਂਤ ਦਾ ਸ਼ਿਕਾਰ ਹੋ ਗਿਆ। ਸਤਪਾਲ ਸਿੰਘ ਦੀ ਵੱਡੀ ਲੜਕੀ ਸੁਮਨਦੀਪ ਕੌਰ ਪੜ੍ਹਾਈ ਦੇ ਅਧਾਰ ’ਤੇ ਕੈਨੇਡਾ ਦੇ ਮਾਟਰੀਆਲ ਸੂਬੇ ’ਚ ਪੜ੍ਹਨ ਗਈ, ਜਿੱਥੇ ਉਹ ਮਾਰਚ ਦੇ ਮਹੀਨੇ ਕਿਸੇ ਬਿਮਾਰੀ ਕਾਰਨ ਹਸਪਤਾਲ ਦਾਖ਼ਲ ਹੋ ਗਈ ਅਤੇ 29 ਮਈ 2020 ਨੂੰ ਉਸ ਦੀ ਮੌਤ ਹੋ ਗਈ। ਪਰਿਵਾਰ ’ਤੇ ਵੱਡਾ ਸਦਮਾ ਪਹਾੜ ਆਣ ਟੁਟਿਆ। ਉਸ ਤੋਂ ਅੱਗੇ ਬੱਚੀ ਦੇ ਮਾਂ-ਬਾਪ ਆਪਣੀ ਲਾਡਲੀ ਦਾ ਆਖਰੀ ਸਮੇਂ ਮੂੰਹ ਦੇਖਣ ਨੂੰ ਤਰਲੇ ਕਰਦੇ ਰਹੇ। ਕਰੋਨਾ ਦੇ ਪ੍ਰਭਾਵਾਂ ਕਰਕੇ ਨਾ ਤਾਂ ਮ੍ਰਿਤਕ ਸਰੀਰ ਹਿੰਦੂਸਤਾਨ ਆ ਸਕਿਆ ਤੇ ਨਾ ਹੀ ਮਾਂ-ਬਾਪ ਦਾ ਕੈਨੇਡਾ ਜਾਣ ਦਾ ਰਾਹ ਨਿਕਲ ਸਕਿਆ। ਅਖੀਰ ’ਚ ਸ਼੍ਰੋਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਨੇ ਆਪਣੇ ਸੁੱਖ ਧਾਲੀਵਾਲ ਜੋ ਕੈਨੇਡਾ ਅੰਦਰ ਮੌਜੂਦਾ ਮੈਂਬਰ ਪਾਰਲੀਮੈਂਟ ਹਨ, ਇਹ ਦੁਖਦਾਈ ਮਾਮਲਾ ਉਨ੍ਹਾਂ ਦੇ ਧਿਆਨ ’ਚ ਲਿਆਂਦਾ ਤੇ ਮਾਂ-ਬਾਪ ਦਾ ਦਰਦ ਸਮਝਦਿਆ ਸੁੱਖ ਧਾਲੀਵਾਲ ਨੇ ਲੰਬੀ ਜੱਦੋਂ-ਜਹਿਦ ਤੋਂ ਬਾਅਦ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਤੱਕ ਪਹੁੰਚ ਕਰਕੇ ਬੱਚੀ ਦੀਆਂ ਅੰਤਿਮ ਰਸਮਾਂ ’ਚ ਸ਼ਾਮਲ ਹੋਣ ਲਈ ਮਾਂ-ਬਾਪ ਨੂੰ ਕੈਨੇਡਾ ਪਹੁੰਚਾਇਆ। ਦੁੱਖ ਦੇ ਸਮੇਂ ਮਸੀਹਾਂ ਬਣਕੇ ਬੁਹੜੇ ਸੁੱਖ ਧਾਲੀਵਾਲ, ਭਾਈ ਗੁਰਚਰਨ ਸਿੰਘ ਗਰੇਵਾਲ ਤੇ ਰਾਏਕੋਟ ਦੇ ਵਿਧਾਇਕ ਜੱਗਾ ਸਿੰਘ ਦਾ ਪਰਿਵਾਰ ਤੇ ਨਗਰ ਨਿਵਾਸੀਆਂ ਵੱਲੋਂ ਧੰਨਵਾਦ ਕੀਤਾ ਗਿਆ। ਸੁੱਖ ਧਾਲੀਵਾਲ ਵੱਲੋਂ ਕੀਤੇ ਉਪਰਾਲੇ ਦੀ ਇਲਾਕੇ ’ਚ ਵਿਸ਼ੇਸ਼ ਚਰਚਾ ਬਣੀ ਹੋਈ ਹੈ। ਅਖੀਰ ’ਚ ਭਾਈ ਗਰੇਵਾਲ ਨੇ ਸੁਮਨਦੀਪ ਕੌਰ ਦੀਆਂ ਅਸਥੀਆਂ ਮਾਂ-ਬਾਪ ਨੂੰ ਸੌਪੀਆਂ, ਜੋ ਜਲ ਪ੍ਰਵਾਹ ਕਰਨ ਲਈ ਰਵਾਨਾ ਹੋ ਗਏ। ਅੱਜ ਦੀ ਅੰਤਿਮ ਅਰਦਾਸ ਸਮੇਂ ਭਾਈ ਗੁਰਚਰਨ ਸਿੰਘ ਗਰੇਵਾਲ, ਵਿਧਾਇਕ ਜੱਗਾ ਸਿੰਘ, ਜੀਤ ਸਿੰਘ ਚੇਅਰਮੈਨ ਕੁੁਤਬਾ, ਸਰਪੰਚ ਗੁਰਨਾਮ ਸਿੰਘ ਸੱਤੋਵਾਲ, ਗੁਰਮੇਲ ਸਿੰਘ ਆੜ੍ਹਤੀ ਝੋਰੜਾਂ, ਗੁਰਚਰਨ ਸਿੰਘ ਢਿੱਲੋਂ, ਸੁਖਵਿੰਦਰ ਸਿੰਘ ਭਸੀਣ, ਦਵਿੰਦਰ ਸਿੰਘ ਜੱਟਪੁਰਾ, ਬਿੰਦਰ ਸਿੰਘ ਢਿੱਲੋਂ ਤੇ ਭੁਪਿੰਦਰ ਸਿੰਘ ਆਦਿ ਹਾਜ਼ਰ ਸਨ

ਨਵੰਬਰ 2017 ਵਿੱਚ ਸੂਫੀਆਂ ਚੌਕ ਲੁਧਿਆਣਾ ਵਿਖੇ ਦਰਦਨਾਕ ਹਾਦਸੇ ਦੌਰਾਨ ਸੁਖਦੇਵ ਸਿੰਘ ਦੀ ਹੋਈ ਸੀ ਮੌਤ

ਲੁਧਿਆਣਾ , ਜਨਵਰੀ 2021-(ਸਤਪਾਲ ਸਿੰਘ ਦੇਹਡ਼ਕਾ/ ਮਨਜਿੰਦਰ ਗਿੱਲ)-  

ਨਗਰ ਨਿਗਮ ਲੁਧਿਆਣਾ ਦੇ ਮੇਅਰ ਬਲਕਾਰ ਸਿੰਘ ਸੰਧੂ ਵੱਲੋਂ ਅੱਜ ਸਵ: ਸੁਖਦੇਵ ਸਿੰਘ ਦੀ ਵਾਰਿਸ ਪਤਨੀ ਨੂੰ ਨਗਰ ਨਿਗਮ ਲੁਧਿਆਣਾ ਵੱਲੋਂ ਪੱਕੀ ਨੌਕਰੀ ਦੇਣ ਦਾ ਨਿਯੁਕਤੀ ਪੱਤਰ ਸੌਪਿਆ ਗਿਆ। ਸੁਖਦੇਵ ਸਿੰਘ, ਜ਼ਿਨ੍ਹਾਂ ਦੀ ਨਵੰਬਰ 2017 ਵਿੱਚ ਸੂਫੀਆਂ ਚੌਕ ਲੁਧਿਆਣਾ ਵਿਖੇ ਦਰਦਨਾਕ ਹਾਦਸੇ ਦੌਰਾਨ ਮੌਤ ਹੋ ਗਈ ਸੀ।ਇਸ ਮੌਕੇ ਨਗਰ ਨਿਗਮ ਲੁਧਿਆਣਾ ਦੇ ਕਮਿਸ਼ਨਰ ਪ੍ਰਦੀਪ ਸਭਰਵਾਲ, ਹਰਭਜਨ ਸਿੰਘ ਡੰਗ ਅਤੇ ਹੋਰ ਕੌਸਲਰ ਸਹਿਬਾਨ ਵੀ ਮੌਜੂਦ ਸਨ।ਜ਼ਿਕਰਯੋਗ ਹੈ ਕਿ ਨਵੰਬਰ 2017 ਵਿੱਚ ਸੂਫੀਆਂ ਚੌਕ ਲੁਧਿਆਣਾ ਵਿਖੇ ਹੋਏ ਦਰਦਨਾਕ ਹਾਦਸੇ ਦੌਰਾਨ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਹਾਦਸੇ ਵਾਲੀ ਜਗ੍ਹਾ ਦਾ ਦੌਰਾ ਕੀਤਾ ਗਿਆ ਸੀ। ਇਸ ਦੌਰੇ ਦੌਰਾਨ ਮੁੱਖ ਮੰਤਰੀ ਵੱਲੋਂ ਸਾਰੇ ਸ਼ਹੀਦ ਹੋਏ ਮੁਲਾਜ਼ਮਾਂ, ਭਾਵੇਂ ਕੋਈ ਸਰਕਾਰੀ ਨੌਕਰੀ 'ਤੇ ਸੀ ਜਾਂ ਕੋਈ ਕੱਚੇ ਤੌਰ 'ਤੇ ਕੰਮ ਕਰ ਰਿਹਾ ਸੀ, ਦੇ ਵਾਰਸਾਂ ਨੂੰ ਸਰਕਾਰੀ ਨੌਕਰੀ ਦੇਣ ਦੀ ਹਦਾਇਤ ਕੀਤੀ ਗਈ ਸੀ। ਹੁਣ ਤੱਕ ਜਿੰਨੇ ਵੀ ਨਗਰ ਨਿਗਮ ਲੁਧਿਆਣਾ ਦੇ ਪੱਕੇ ਮੁਲਾਜ਼ਮ ਸਨ, ਉਨ੍ਹਾਂ ਮੁਲਾਜਮਾਂ ਦੇ ਵਾਰਸਾਂ ਨੂੰ ਨਿਯਮਾਂ ਅਨੁਸਾਰ ਸਰਕਾਰੀ ਨੌਕਰੀ ਪਹਿਲਾ ਹੀ ਦਿੱਤੀ ਜਾ ਚੁੱਕੀ ਹੈ।ਇਸ ਤੋਂ ਇਲਾਵਾ ਪੈਸਕੋ ਵਿੱਚ ਕੰਮ ਕਰ ਰਹੇ ਕਰਮਚਾਰੀ ਸਵ: ਸੁਖਦੇਵ ਸਿੰਘ ਦੀ ਪਤਨੀ ਨੂੰ ਇਸ ਸਬੰਧ ਵਿੱਚ ਨੌਕਰੀ ਦੇਣ ਲਈ ਡਾਇਰੈਕਟਰ ਸਥਾਨਕ ਸਰਕਾਰ ਵਿਭਾਗ ਪੰਜਾਬ ਦੇ ਦਫ਼ਤਰ ਵੱਲੋਂ ਕੁਝ ਰਿਪੋਰਟਾਂ ਮੰਗੀਆਂ ਗਈਆਂ ਸਨ, ਜੋ ਕਿ ਨਗਰ ਨਿਗਮ ਦੇ ਰਿਕਾਰਡ ਅਨੁਸਾਰ ਡਾਇਰੈਕਟਰ ਸਥਾਨਕ ਸਰਕਾਰ ਵਿਭਾਗ ਪੰਜਾਬ ਨੂੰ ਭੇਜ ਦਿੱਤੀਆ ਗਈਆਂ ਸਨ। ਇਸ ਸਬੰਧ ਵਿੱਚ ਮਾਣਯੋਗ ਹਾਊਸ ਵੱਲੋਂ ਇਹ ਮਤਾ ਪਾਸ ਕੀਤਾ ਗਿਆ ਕਿ ਜਿੰਨੇ ਵੀ ਪੈਸਕੋ ਮੁਲਾਜਮ ਸਨ, ਉਨ੍ਹਾਂ ਨੂੰ ਵੀ ਸਰਕਾਰੀ ਨੌਕਰੀ ਦਿੱਤੀ ਜਾਵੇਗੀ, ਜਿਸ ਦੇ ਤਹਿਤ ਅੱਜ ਸਵ: ਸੁਖਦੇਵ ਸਿੰਘ ਦੀ ਪਤਨੀ ਨੂੰ ਨਿਯੁਕਤੀ ਪੱਤਰ ਸੌਂਪਿਆ ਗਿਆ।

ਹਠੂਰ,8,ਜਨਵਰੀ 2021 -(ਕੌਸ਼ਲ ਮੱਲ੍ਹਾ)-

ਲੁਧਿਆਣਾ-ਮੋਗਾ ਰੋਡ ਤੇ ਬਣੇ ਟੋਲ ਪਲਾਜਾ ਚੌਂਕੀਮਾਨ ਵਿਖੇ ਨੈਸਨਲ ਅਤੇ ਸਟੇਟ ਐਵਾਰਡ ਪ੍ਰਾਪਤ ਗੀਤਕਾਰ ਅਮਰੀਕ ਸਿµਘ ਤਲਵµਡੀ ਅਤੇ ਪਰਿਵਾਰਕ ਗੀਤਾ ਦੇ ਬਾਦਸਾਹ ਪ੍ਰਸਿੱਧ ਪµਜਾਬੀ ਲੋਕ ਗਾਇਕ ਪਾਲੀ ਦੇਤਵਾਲੀਆਂ ਵੱਲੋਂ ਗਾਇਕ ਬਲਵੀਰ ਸੇਰਪੁਰੀਏ ਦੇ ਸਿµਗਲ ਟਰੈਕ ‘ਹੱਕਾ ਦੀ ਜµਗ’ ਦਾ ਪੋਸਟਰ ਜਾਰੀ ਕੀਤਾ।ਇਸ ਮੌਕੇ ਗੀਤਕਾਰ ਅਮਰੀਕ ਸਿµਘ ਤਲਵµਡੀ ਤੇ ਪ੍ਰਸਿੱਧ ਪµਜਾਬੀ ਗਾਇਕ ਪਾਲੀ ਦੇਤਵਾਲੀਆਂ ਨੇ ਕਿਹਾ ਕਿ ਗਾਇਕ ਬਲਵੀਰ ਸੇਰਪੁਰੀਏ ਨੇ ‘ਹੱਕਾ ਦੀ ਜµਗ’ ਨੂੰ ਗਾ ਕੇ ਕਿਸਾਨ ਵੀਰਾਂ ਵੱਲੋਂ ਕੀਤੇ ਜਾ ਰਹੇ ਅµਦੋਲਨ ਦਾ ਸਮਰਥਨ ਕੀਤਾ ਹੈ ਇਹ ਗੀਤ ਕਿਸਾਨੀ ਸੰਘਰਸ ਨੂੰ ਸਮਰਪਿਤ ਹੈ।ਉਨ੍ਹਾ ਕਿਹਾ ਕਿ ਅੱਜ ਕੇਂਦਰ ਸਰਕਾਰ ਖਿਲਾਫ ਅਤੇ ਕਿਸਾਨੀ ਸੰਘਰਸ ਦੇ ਹੱਕਾ ਵਿਚ ਗੀਤ ਗਾਉਣੇ ਅਤੇ ਗੀਤ ਲਿਖਣੇ ਸਮੇਂ ਦੀ ਮੁੱਖ ਲੋੜ ਹਨ।ਇਸ ਮੌਕੇ ਲੋਕ ਗਾਇਕ ਬਲਵੀਰ ਸੇਰਪੁਰੀਏ ਨੇ ਦੱਸਿਆ ਕਿ ਇਸ ਸਿµਗਲ ਟਰੈਕ ਨੂੰ ਰਣਜੀਤ ਗਰੇਵਾਲ ਵੱਲੋਂ ਕਲਮਬµਦ ਕੀਤਾ ਗਿਆ ਹੈ ਤੇ ਮਿਊਜਿਕ ਹਰੀ ਅਮਿਤ ਨੇ ਦਿੱਤਾ ਹੈ।ਇਸ ਮੌਕੇ ਉਨ੍ਹਾ ਨਾਲ ਲੋਕ ਗਾਇਕ ਜਸਪਾਲ ਮਾਨ,ਪ੍ਰਧਾਨ ਸਤਨਾਮ ਸਿµਘ ਮੋਰਕਰੀਮਾਂ,ਸਰਪµਚ ਸਾਧੂ ਸਿµਘ ਦਿਲਸ਼ਾਦ ਸੇਖੂਪੁਰਾ,ਪ੍ਰਧਾਨ ਅਵਤਾਰ ਸਿµਘ ਤਾਰੀ ਰਸੂਲਪੁਰ,ਗੁਰਦੀਪ ਸਿµਘ ਸਿੱਧਵਾਂ,ਜਗਜੀਵਨ ਸਿµਘ ਸਿੱਧਵਾਂ,ਮਾ:ਆਤਮਾ ਸਿµਘ ਆਦਿ ਹਾਜ਼ਰ ਸਨ।

ਫੋਟੋ ਕੈਪਸ਼ਨ:-ਗੀਤਕਾਰ ਅਮਰੀਕ ਸਿµਘ ਤਲਵµਡੀ ਅਤੇ ਲੋਕ ਗਾਇਕ ਪਾਲੀ ਦੇਤਵਾਲੀਆਂ, ਗਾਇਕ ਬਲਵੀਰ ਸੇਰਪੁਰੀਏ ਦੇ ਨਵੇ ਗੀਤ ਦਾ ਪੋਸਟਰ ਜਾਰੀ ਕਰਦੇ ਹੋਏ।