ਲੁਧਿਆਣਾ

ਹਠੂਰ,17,ਮਾਰਚ-(ਕੌਸ਼ਲ ਮੱਲ੍ਹਾ)-ਸਰਕਾਰੀ ਹਸਪਤਾਲ ਹਠੂਰ ਵਿਖੇ ਮਰੀਜਾ ਨੂੰ ਜੀਭ ਥੱਲੇ ਰੱਖਣ ਵਾਲੀ ਗੋਲੀ ਲੈਣ ਲਈ ਖੱਜਲ-ਖੁਆਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਇਸ ਸਬੰਧੀ ਗੱਲਬਾਤ ਕਰਦਿਆ ਸਤਪਾਲ ਸਿੰਘ ਹਠੂਰ,ਗੁਰਲਾਲ ਸਿੰਘ ਬੁਰਜ ਕੁਲਾਰਾ ਆਦਿ ਮਰੀਜਾ ਨੇ ਦੱਸਿਆ ਕਿ ਅਸੀ ਜੀਭ ਥੱਲੇ ਰੱਖਣ ਵਾਲੀ ਗੋਲੀ ਖਾਣ ਦੇ ਆਦੀ ਹਾਂ,ਸਾਨੂੰ ਗੋਲੀ ਲੈਣ ਲਈ ਘੰਟਿਆ ਬੱਧੀ ਲਾਈਨ ਵਿਚ ਖੜ੍ਹਨਾ ਪੈਦਾ ਹੈ ਉਨ੍ਹਾ ਦੱਸਿਆ ਕਿ ਅਸੀ ਸਵੇਰੇ ਅੱਠ ਵਜੇ ਸਰਕਾਰੀ ਹਸਪਤਾਲ ਹਠੂਰ ਵਿਖੇ ਆ ਜਾਦੇ ਹਾਂ ਤਾਂ ਸਾਨੂੰ ਦਸ ਵਜੇ ਤੱਕ ਗੋਲੀਆ ਮਿਲਦੀਆ ਹਨ ਅਤੇ ਗੋਲੀਆ ਦੇਣ ਵਾਲੇ ਡਾਕਟਰ ਸਾਨੂੰ ਪਰਚੀ ਤੇ ਵੱਖ-ਵੱਖ ਡਾਕਟਰਾ ਦੇ ਸਾਈਨ ਕਰਵਾਉਣ ਲਈ ਘੁੰਮਣ ਘੇਰੀ ਵਿਚ ਪਾ ਕੇ ਪ੍ਰੇਸਾਨ ਕਰਦੇ ਹਨ।ਉਨ੍ਹਾ ਕਿਹਾ ਜਦੋ ਸਾਡੇ ਕੋਲ ਗੋਲੀ ਲੈਣ ਵਾਲੇ ਕਾਰਡ ਬਣਾਏ ਹਨ ਤਾਂ ਸਾਨੂੰ ਸਿਰਫ ਪਰਚੀ ਤੇ ਹੀ ਗੋਲੀ ਮਿਲਣੀ ਚਾਹੀਦੀ ਹੈ ਤਾਂ ਜੋ ਹਰ ਵਾਰ ਡਾਕਟਰਾ ਦੇ ਸਾਈਨ ਕਰਵਾਉਣ ਦੀ ਲੋੜ ਨਾ ਪਵੇ।ਉਨ੍ਹਾ ਕਿਹਾ ਕਿ ਅਸੀ ਜਿਆਦਾਤਰ ਖੇਤਾ ਵਿਚ ਕੰਮ ਕਰਨ ਵਾਲੇ ਕਾਮੇ ਹਾਂ ਅਤੇ ਸਾਡੀ ਅੱਧੀ ਦਿਹਾੜੀ ਹਸਪਤਾਲ ਵਿਚ ਹੀ ਖਰਾਬ ਹੋ ਜਾਦੀ ਹੈ।ਉਨ੍ਹਾ ਪੰਜਾਬ ਸਰਕਾਰ ਅਤੇ ਸਿਹਤ ਵਿਭਾਗ ਤੋ ਮੰਗ ਕੀਤੀ ਕਿ ਜੀਭ ਥੱਲੇ ਰੱਖਣ ਵਾਲੀ ਗੋਲੀ ਦਾ ਯੋਗ ਪ੍ਰਬੰਧ ਕੀਤਾ ਜਾਵੇ।ਇਸ ਮੌਕੇ ਉਨ੍ਹਾ ਨਾਲ ਵੱਡੀ ਗਿਣਤੀ ਵਿਚ ਇਲਾਕੇ ਦੇ ਮਰੀਜ ਹਾਜ਼ਰ ਸਨ।ਇਸ ਸਬੰਧੀ ਜਦੋ ਸਰਕਾਰੀ ਹਸਪਤਾਲ ਹਠੂਰ ਦੇ ਐਸ.ਐਮ.ਓ ਡਾਕਟਰ ਵਰੁਣ ਸੱਘੜ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਮੈ ਅੱਜ ਛੁੱਟੀ ਤੇ ਹਾਂ ਫਿਰ ਵੀ ਮੈ ਆਪਣੇ ਸਟਾਫ ਨੂੰ ਆਖ ਦਿੱਤਾ ਹੈ ਕਿ ਗੋਲੀ ਖਾਣ ਵਾਲੇ ਮਰੀਜਾ ਨੂੰ ਕੋਈ ਪ੍ਰੇਸਾਨੀ ਨਾ ਆਉਣ ਦਿੱਤੀ ਜਾਵੇ।
ਫੋਟੋ ਕੈਪਸ਼ਨ:-ਲਾਈਨ ਵਿਚ ਖੜ੍ਹੇ ਮਰੀਜ ਆਪਣੇ ਕਾਰਡ ਅਤੇ ਪਰਚੀਆ ਦਿਖਾਉਦੇ ਹੋਏ

ਜਗਰਾਉ 17 ਮਾਰਚ (ਅਮਿਤ ਖੰਨਾ)  ਜਗਰਾਉਂ ਦੇ ਸਮਾਜ ਸੇਵੀ ਅਤੇ ਓਰੀਐਂਟਲ ਬੈਂਕ ਦੇ ਅਧਿਕਾਰੀ ਵਿਸ਼ਨੂੰ ਖੰਨਾ ਦੀ ਯਾਦ ਵਿੱਚ ਦੂਸਰਾ ਲੰਗਰ ਲਗਾਇਆ ਗਿਆ ਿੲਹ  ਲੰਗਰ ਤਹਿਸੀਲ ਰੋਡ ਜਗਰਾਉਂ ਵਿਖੇ ਲਗਾਇਆ ਗਿਆ  ਇਸ ਮੌਕੇ ਉਨ੍ਹਾਂ ਦੇ ਵੱਡੇ ਭਰਾ ਸੁਤੰਤਰ ਖੰਨਾ ਤੇ ਜੌਲੀ ਖੰਨਾ  ਅਤੇ ਐਡਵੋਕੇਟ ਵਰਿੰਦਰ ਸਿੰਘ ਕਲੇਰ ਨੇ ਕਿਹਾ ਕਿ  ਵਿਸ਼ਨੂੰ ਖੰਨਾ ਬੜੇ ਹੀ ਨੇਕ ਦਿਲ ਇਨਸਾਨ ਸਨ  ਸਮਾਜ ਸੇਵੀ ਕੰਮਾਂ ਦੇ ਵਿਚ ਵੀ ਵਧ ਚਡ਼੍ਹ ਕੇ ਹਿੱਸਾ ਲੈਂਦੇ ਸਨ  ਲੋੜਵੰਦ ਵਿਅਕਤੀਆਂ ਦੀ ਵੀ ਮਦਦ ਕਰਦੇ ਸਨ  ਇਸ ਮੌਕੇ ਐਡਵੋਕੇਟ ਵਰਿੰਦਰ ਸਿੰਘ ਕਲੇਰ, ਕਰਮਜੀਤ ਸਿੰਘ ਏ ਐੱਸ ਆਈ, ਮਨਜੀਤ ਸਿੰਘ ਬਿੱਟਾ,  ਅਮਰ ਸਿੰਘ ,ਬਹਾਦਰ ਸਿੰਘ, ਰਵਿੰਦਰ ਸਿੰਘ,ਭੋਲਾ ਸਾਬਕਾ ਥਾਣੇਦਾਰ, ਬਲਜੀਤ ਸਿੰਘ ਲਾਲੀ, ਸਰਬਜੀਤ ਸਿੰਘ ਕੈਨੇਡਾ ,ਅਮਰਜੀਤ ਸਿੰਘ ,ਜਗਰੂਪ ਸਿੰਘ ਸੋਹੀ, ਸੋਨੀ ਆਦਿ ਹਾਜ਼ਰ ਹਨ

ਜਗਰਾਉ 17 ਮਾਰਚ (ਅਮਿਤ ਖੰਨਾ) ਨਾਨਕਸਰ ਜਗਰਾਓ (ਲੁਧਿਆਣਾ ) ਦੇ ਨਜਦੀਕੀ ਪੈਂਦੇ  ਹੀਰਾ ਐਨੀਮਲਜ ਹਸਪਤਾਲ ਸੁਸਾਇਟੀ ਨੇ ਖਾਲਸੇ ਦੀ ਜਨਮ ਭੂਮੀ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਨਤਮਸਤਕ ਸੰਗਤਾ ਦੀ ਨਿਸਕਾਮ ਸੇਵਾ ਕਰਨ  ਵਜੋ ਵਾਟਰ ਟੈਂਕਰ ਨੁੰ ਰਵਾਨਾ ਕੀਤਾ । ਹੀਰਾ ਐਨੀਮਲਜ ਹਸਪਤਾਲ ਸੁਸਾਇਟੀ ਦੇ ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ  ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਲੱਖਾ ਦੀ ਤਾਦਾਦ ਵਿੱਚ ਸੰਗਤਾਂ ਨਤਮਸਤਕ ਹੁੁੰਦੀਆਂ ਹਨ ਤੇ ਕਈ ਥਾਵਾਂ ਤੇ ਉਨਾ ਨੂੰ ਪਾਣੀ ਦੀ ਸਮੱਸਿਆਂ ਆੳਂੁਦੀ ਹੈ ਜਿਸ ਵਜੋ ਵਾਟਰ ਟੈਂਕਰ ਹਰ ਜਗਾ  ਤੇ ਜਾ ਕੇ ਪਾਣੀ  ਮੁਹੱਈਆਂ ਕਰਵਾਉਣ ਦੀ ਸੇਵਾ ਕਰੇਗਾ । ਉਨਾ ਦੱਸਿਆ ਕਿ ਸੰਗਤਾਂ ਹੀਰਾਂ ਐਨੀਮਲਜ ਹਸਪਤਾਲ ਦੇ ਦੱਸੇ ਨੰਬਰ ਤੇ ਸੰਪਰਕ ਕਰਕੇ ਵੀ ਆਪਣੀ ਦੱਸੀ ਥਾਂ ਤੇ ਪਾਣੀ ਦੀ ਸੂਹਲਤ ਲੈ ਸਕਦੀਆਂ ਹਨ ਜਿਸ ਨਾਲ ਦੂਰੋ ਨੇੜਿਓ ਪੱੁਜੀਆਂ ਸੰਗਤਾਂ ਨੂੰ ਰਾਹਤ ਮਿਲੇਗੀ । ਉਨਾ ਦੱਸਿਆ ਕਿ ਹੀਰਾ ਐਨੀਮਲਜ ਹਸਪਤਾਲ ਵੱਲੋ ਬੇਸਹਾਰਾ ਜਖਮੀ ਗਊਆਂ ਤੇ ਹੋਰਨਾ ਜੀਵਾਂ ਦਾ ਨਿਸਕਾਮ ਇਲਾਜ ਕਰਨ ਤੋ ਇਲਾਵਾ ਹੋਰ ਵੀ ਸਮਾਜ ਸੇਵੀ ਕਾਰਜ ਕੀਤੇ ਜਾਂਦੇ ਹਨ ।  ਇਸ ਮੌਕੇ ਉਨਾ ਸੁਰਿੰਦਰ ਸਿੰਘ ਗਰੇਵਾਲ ਕੈਨੇਡਾ , ਆਰ.ਕੇ ਸਰਮਾ , ਜੋਬਨਪ੍ਰੀਤ ਸਿੰਘ, ਸੋਹਨ ਲਾਲ , ਹਿਰਦੇਪਾਲ ਸਿੰਘ, ਕੁਲਵੰਤ ਸਿੰਘ, ਜਗਤਾਰ ਸਿੰਘ, ਹਰਪ੍ਰੀਤ ਸਿੰਘ , ਕਾਕਾ ਪੰਡਿਤ ਸੇਵਾਦਾਰ, ਕੁਲਵਿੰਦਰ ਸਿੰਘ ਸੂਬੇਦਾਰ , ਦਵਿੰਦਰ ਸਿੰਘ ਢਿੱਲੋ ਆਦਿ ਵੀ ਹਾਜਿਰ ਸਨ ।

ਮੁੱਲਾਂਪੁਰ ਦਾਖਾ 16 ਮਾਰਚ( ਸਤਵਿੰਦਰ ਸਿੰਘ ਗਿੱਲ)—ਲੁਧਿਆਣਾ ਜਿਲ੍ਹੇ ਦੇ ਵਿਧਾਨ ਸਭਾ ਹਲਕਾ ਦਾਖਾ ਦੇ ਪਿੰਡ ਸਵੱਦੀ ਕਲਾਂ ਵਿਖੇ ਅੱਜ ਟੋਆਇਟਾ ਕੰਪਨੀ ਵਲੋਂ ਗ੍ਰਾਮੀਣ ਗਾਹਕ ਮਿਲਣੀ ਆਯੋਜਿਤ ਕਰਵਾਈ ਗਈ ਜਿਸ ਵਿੱਚ ਕੰਪਨੀ ਵੱਲੋ ਲੋਕਾਂ ਨੂੰ ਕਾਰਾਂ ਬਾਰੇ ਜਾਣਕਾਰੀ ਦਿੱਤੀ ਗਈ।ਇਸ ਮੌਕੇ ਟੋਆਇਟਾ ਇਨੋਵਾ ਅਤੇ ਫਾਰਚੂਨਰ ਤੋਂ ਇਲਾਵਾ ਕੰਪਨੀ ਦੀ ਅਰਬਨ ਕਰੂਜਰ ਅਤੇ ਹਾਲ ਹੀ ਵਿੱਚ ਲਾਂਚ ਹੋਈ ਗਲੰਜਾ ਬਾਰੇ ਜਾਣਕਾਰੀ ਦਿੱਤੀ ਗਈ ਜਿਸ ਵਿੱਚ ਬਹੁਤ ਹੀ ਨਵੇਂ ਫੀਚਰ ਹਨ ਉਸ ਬਾਰੇ ਜਾਣਕਾਰੀ ਦਿੱਤੀ ਗਈ।ਇਸ ਮੌਕੇ ਟੋਆਇਟਾ ਕੰਪਨੀ ਨੇ ਸੀਨੀਅਰ ਗਰੁੱਪ ਜਨਰਲ ਮੈਨੇਜਰ ਸੁਨੀਲ ਖੰਨਾ,ਸੀਨੀਅਰ ਮੈਨੇਜਰ ਕੁਲਵੰਤ ਸਿੰਘ,ਟੀਮ ਰੀਡਰ ਰਾਜਵਿੰਦਰ ਸਿੰਘ ਅਤੇ ਜਸਮੀਤ ਸਿੰਘ ਆਦਿ ਨੇ ਸਵੱਦੀ ਕਲਾਂ ਪਿੰਡ ਦੇ ਸਾਬਕਾ ਸਰਪੰਚ ਗੁਰਚਰਨ ਸਿੰਘ ਚੰਨਾਂ,ਪੰਚ ਗੁਰਦੀਪ ਸਿੰਘ ਕਾਕਾ,ਸਾਬਕਾ ਪੰਚ ਜਗਤਾਰ ਸਿੰਘ ਆਦਿ ਨੂੰ ਜਿਥੇ ਕੰਪਨੀ ਦੀਆਂ ਨਵੀਆਂ ਕਾਰਾਂ ਬਾਰੇ ਜਾਣਕਾਰੀ ਦਿੱਤੀ ਉਥੇ ਇਹਨਾ ਆਗੂਆਂ ਦਾ ਸਨਮਾਨ ਵੀ ਕੀਤਾ।ਇਸ ਮੌਕੇ ਕੰਪਨੀ ਵਲੋਂ ਕਿਹਾ ਗਿਆ ਕਿ ਕੰਪਨੀ ਦੇ ਭਨੋਹੜ ਮੁੱਲਾਂਪੁਰ ਸ਼ੋਰੂਮ ਵਿੱਚ ਪੁੱਜ ਕੇ ਤੁਸੀ ਹਰ ਪ੍ਰਕਾਰ ਦੀ ਨਵੀਂ ਕਾਰ ਖਰੀਦ ਸਕਦੇ ਹੋ ਅਤੇ ਕਾਰ ਦੀ ਸਰਵਿਸ ਵਾਸਤੇ ਵੀ ਉਹਨਾ ਤੱਕ ਪਹੁੰਚ ਕਰ ਸਕਦੇ ਹੋ।