ਦੇਵੋਁ ਕੋਈ ਆਸੀਸ ਅਜਿਹੀ, ਟਾਲੀ ਜਾਵੇ ਜੰਗ।
ਦੋਵੇਂ ਪਾਸੇ ਜੋ ਵਗੇਗਾ,ਇੱਕੋ ਲਹੂ ਦਾ ਰੰਗ।
ਚਾਲਾਂ ਖੇਡਦੇ ਨੇ ਸਾਰੇ, ਕੋਈ ਨਾਂ ਸਾਡੇ ਸੰਗ।
ਮੂਰਖ ਲੋਕ ਬਣਾਉਂਦੇ ਇਹੇ,ਅਪਣਾ ਕੇ ਨਵੇਂ ਢੰਗ।
ਮਰਨੇ ਮਾਵਾਂ ਦੇ ਪੁੱਤ ਇਕੱਲੇ,ਸਾਰੇ ਰਹਿ ਜਾਣਗੇ ਦੰਗ,
ਪਹਿਲਾਂ ਲੜਾਈਆਂ 'ਚੋ ਕੀ ਮਿਲਿਆ, ਜੋ ਹੁਣ ਕਰਦੇ ਹੋ ਮੰਗ।
ਉਜੜੀਆਂ ਮਾਂਗਾ ਦੇ ਵੇਖ ਸੰਦੂਰ,ਪੱਥਰ ਸੀਨੇ ਵੀ ਜਾਣਗੇ ਕੰਬ।
ਹੋਸ਼ ਆਪਣੀ ਇਹ ਖੋਹ ਬੈਠੇ ਨੇ, ਲੱਗਦਾ ਪੀਤੀ ਬੈਠੇ ਭੰਗ
ਦੂਰ ਦੀ ਉਹ ਕਿਵੇਂ ਸੋਚਣਗੇ, ਨਜ਼ਰੀਏ ਜਿਹਨਾਂ ਦੇ ਤੰਗ।
ਦੋਵੇਂ ਪਾਸੇ ਜੋ ਵਹੇਗਾ, ਇੱਕੋ ਲਹੂ ਦਾ ਰੰਗ, ਇੱਕੋ ਲਹੂ ਦਾ ਰੰਗ।
ਸੰਦੀਪ ਦਿਉੜਾ
8437556667
