ਜਗਰਾਓਂ 21 ਨਵੰਬਰ (ਅਮਿਤ ਖੰਨਾ) ਏਐੱਸ ਆਟੋਮੋਬਾਇਲ ਵਪਾਰਿਕ ਸੰਸਥਾ ਦੇ ਐੱਮਡੀ ਤੇ ਸਮਾਜ ਸੇਵੀ ਗੁਰਿੰਦਰ ਸਿੰਘ ਸਿੱਧੂ ਦੇ ਪਰਿਵਾਰ ਵੱਲੋਂ ਗੁਰਪੁਰਬ ਮੌਕੇ 26 ਬਜ਼ੁਰਗਾਂ ਨੂੰ ਪੈਨਸ਼ਨ ਤੇ ਮਿਠਾਈ ਵੰਡੀ। ਗੁਰੂ ਨਾਨਕ ਸਹਾਰਾ ਸੁਸਾਇਟੀ ਦੇ ਪ੍ਰਧਾਨ ਕੈਪਟਨ ਨਰੇਸ਼ ਵਰਮਾ ਦੀ ਅਗਵਾਈ ਹੇਠ ਹੋਏ ਸਵਰਗਵਾਸੀ ਸੰਸਾਰ ਚੰਦ ਵਰਮਾ ਯਾਦਗਾਰੀ ਮਹੀਨਾਵਾਰ ਪੈਨਸ਼ਨ ਵੰਡ ਦੇ 150ਵੇਂ ਸਮਾਰੋਹ ਚ ਅਹਿਮ ਯੋਗਦਾਨ ਪਾਉਂਦੇ ਹੋਏ ਗੁਰਿੰਦਰ ਸਿੰਘ ਸਿੱਧੂ ਨੇ ਕੈਨੇਡਾ ਚ ਰਹਿੰਦੇ ਆਪਣੇ ਪੁੱਤਰ ਸੱਤਪ੍ਰਰੀਤ ਸਿੰਘ ਦੇ ਜਨਮ ਦਿਨ ਦੀ ਖ਼ੁਸ਼ੀ ਚ 26 ਬਜ਼ੁਰਗਾਂ ਨੂੰ ਆਪਣੀ ਨੇਕ ਕਮਾਈ ਚੋਂ ਪੈਨਸ਼ਨ ਤੇ ਮਿਠਾਈ ਦੇ ਡੱਬੇ ਦਿੱਤੇ।ਸਮਾਗਮ ਚ ਸਟੇਟ ਗੈੱਸਟ ਅਵਤਾਰ ਸਿੰਘ ਚੀਮਨਾ, ਰਾਜਿੰਦਰ ਜੈਨ, ਰਾਜ ਭੱਲਾ, ਡਾ: ਰਾਜਿੰਦਰ ਸ਼ਰਮਾ, ਰਵੀ ਗੋਇਲ, ਡਾ: ਸਤੀਸ਼ ਸ਼ਰਮਾ, ਦਿਨੇਸ਼ ਮਲਹੋਤਰਾ, ਗੁਲਸ਼ਨ ਅਰੋੜਾ ਤੇ ਹੋਰ ਪਤਵੰਤੇ ਸੱਜਣਾਂ ਨੇ ਸਿੱਧੂ ਪਰਿਵਾਰ ਦੀ ਸ਼ਲਾਘਾ ਕੀਤੀ। ਉਨਾਂ੍ਹ ਗੁਰਪੁਰਬ ਦੀ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਵਧਾਈ ਵੀ ਦਿੱਤੀ। ਇਸ ਮੌਕੇ ਕੇਂਦਰ ਦੀ ਮੋਦੀ ਸਰਕਾਰ ਵੱਲੋਂ ਤਿੰਨ ਖੇਤੀ ਕਾਨੂੰਨਾਂ ਨੂੰ ਵਾਪਸ ਲੈਣ ਦੇ ਕੀਤੇ ਐਲਾਨ ਦੀ ਖ਼ੁਸ਼ੀ ਚ ਲੱਡੂ ਵੀ ਵੰਡੇ ਗਏ। ਇਸ ਮੌਕੇ ਕੰਵਲ ਕੱਕੜ, ਕੁਲਭੂਸ਼ਨ ਗੁਪਤਾ, ਡਾ. ਰਾਕੇਸ਼ ਭਾਰਦਵਾਜ, ਜਤਿੰਦਰ ਬਾਂਸਲ, ਅਜਮੇਰ ਸਿੰਘ ਢੋਲਣ ਆਦਿ ਹਾਜ਼ਰ ਸਨ।
