ਤੂੰ ਬਣ ਜਾ ਮੇਰਾ ਗੀਤ ਕੋਈ
ਤੇ ਮੈਂ ਅੱਖਰ-ਅੱਖਰ ਹੋ ਜਾਵਾਂ।
ਕੋਈ ਇਸ਼ਕ ਦੀ ਬਾਤ ਸੁਣਾ ਮੈਨੂੰ
ਮੈਂ ਗਹਿਰੀ ਨੀਂਦੇ ਸੋਂ ਜਾਵਾਂ।
***
ਕਦੇ-ਕਦੇ ਮੇਰਾ ਦਿਲ ਪਿਆ ਕਰਦੈ
ਉੱਡ ਜਾਵਾਂ ਨਾਲ ਹਵਾਵਾਂ ਦੇ।
ਪਰ ਕਦੇ ਤਾਂ ਮੇਰਾ ਦਿਲ ਪਿਆ ਕਰਦੈ
ਮੈਂ ਰੁਲ ਜਾਵਾਂ ਵਿੱਚ ਰਾਵਾਂ ਦੇ।।
ਹੁਣ ਫੈਸਲਾ ਤੇਰੇ ਹੱਥ ਵਿੱਚ ਏ
ਮੈਂ ਕਿਹੜੇ ਪਾਸੇ ਹੋ ਜਾਵਾਂ---
ਕੋਈ ਇਸ਼ਕ---
ਮੈਨੂੰ ਦੇਵੋ ਬਦ-ਅਸੀਸ ਕੋਈ
ਕੋਈ ਲੱਗ ਜਾਏ ਬਦ-ਦੁਵਾ ਮੈਨੂੰ।
ਮੈਥੋਂ ਕਰਜ ਚੁਕਾਇਆ ਜਾਣਾ ਨਹੀਂ
ਨਾ ਦਿਓ ਉਧਾਰੇ ਸਾਹ ਮੈਨੂੰ।।
ਇੱਕ ਪਲ ਲਈ ਤੇਰੇ ਕੋਲ ਹੋਵਾਂ
ਤੇ ਦੂਜੇ ਪਲ ਵਿੱਚ ਔਹ ਜਾਵਾਂ---
ਕੋਈ ਇਸ਼ਕ---
ਰਮੇਸ਼ ਨੇ ਆਪਣੇ ਚਿੱਟੇ ਕੱਪੜੇ
ਆਪੇ ਟੰਗ ਲਏ ਕਿੱਲੀ ਤੇ।
ਮੇਰੇ ਸਿਰਹਾਣੇ ਰੋਂਦੀ ਪਈ ਏ
ਹੁਣ ਗੁੱਸਾ ਕਾਹਦਾ ਬਿੱਲੀ ਤੇ।
ਅੱਜ ਨੀਂਦ ਨੇ ਜਾਨੂੰ ਮੋਹ ਲਿਆ ਏ
ਮੈਂ ਕਿੱਦਾਂ ਉੱਠ ਖਲੋ ਜਾਵਾਂ---
ਕੋਈ ਇਸ਼ਕ---
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-98153-20080
