ਪ੍ਰਭਜੋਤ ਧਾਲੀਵਾਲ ਵੱਲੋਂ ਨਿਭਾਈਆਂ ਜਾ ਰਹੀਆਂ ਸੇਵਾਵਾਂ ਲਈ ਮਜੀਠੀਆ ਨੇ ਗ੍ਰਹਿ ਸੁਧਾਰ ਵਿਖੇ ਪਹੁੰਚ ਕੀਤੀ ਹੌਸਲਾ ਹਫਜਾਈ
ਸੁਧਾਰ 31 ਜੁਲਾਈ ( ਜਗਰੂਪ ਸਿੰਘ ਸੁਧਾਰ )- ਯੂਥ ਅਕਾਲੀ ਦਲ ਦਿਹਾਤੀ ਦੇ ਜਿਲਾ ਪ੍ਰਧਾਨ ਪ੍ਰਭਜੋਤ ਸਿੰਘ ਧਾਲੀਵਾਲ ਵੱਲੋਂ ਕੀਤੇ ਜਾ ਰਹੇ ਕਾਰਜਾਂ ਤੋਂ ਖੁਸ਼ ਹੋ ਕੇ ਉਨਾਂ ਦੀ ਹੌਸਲਾ ਹਫਜਾਈ ਕਰਨ ਲਈ ਯੂਥ ਅਕਾਲੀ ਦਲ ਦੇ ਸਰਪ੍ਰਸਤ ਬਿਕਰਮ ਸਿੰਘ ਮਜੀਠੀਆ ਧਾਲੀਵਾਲ ਦੇ ਗ੍ਰਹਿ ਸੁਧਾਰ ਵਿਖੇ ਪਹੁੰਚੇ।ਜਿਸ ਦੋਰਾਨ ਮਜੀਠੀਆ ਨੇ ਜਿੱਥੇ ਧਾਲੀਵਾਲ ਵੱਲੋਂ ਪਾਰਟੀ ਪ੍ਰਤੀ ਨਿਭਾਈਆਂ ਜਾ ਰਹੀਆਂ ਸੇਵਾਵਾਂ ਦੀ ਸ਼ਲਾਘਾ ਕੀਤੀ। ਉਥੇ ਹੀ ਉਨਾਂ ਨਵਜੋਤ ਸਿੰਘ ਸਿੱਧੂ ਬਾਰੇ ਪੁੱਛੇ ਗਏ ਪੱਤਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਦਿੰਦਿਆਂ ਕਿਹਾ ਕਿ ਸੱਤਾ ਦੇ ਲਾਲਸੀ ਸਿੱਧੂ ਕਿਸੇ ਦਾ ਕੀ ਭਲਾ ਕਰਨਗੇ।ਕਿਉਂਕਿ ਜਿਹੜੇ ਕਦੇ ਕਿਸੇ ਪਾਰਟੀ ਦੇ ਨਹੀਂ ਹੋਏ ਉਨਾਂ ਲੋਕਾਂ ਦੇ ਕਿੱਥੋਂ ਹੋਣਾ? ਉਨਾਂ ਕਿਹਾ ਕਿ ਸਿੱਧੂ ਤਾਂ ਉਨਾਂ ਵਿੱਚੋਂ ਹਨ ਜੋ ਥੁੱਕ ਕੇ ਚੱਟਦੇ ਹਨ।ਮਜੀਠੀਆ ਨੇ ਕਿਹਾ ਕਿ ਸਿੱਧੂ ਭਾਜਪਾ ਦੇ ਵਿੱਚ ਹੋਣ ਸਮੇਂ ਭਾਜਪਾ ਆਗੂਆਂ ਦੇ ਤਲਵੇ ਚੱਟਦੇ ਹੋਏ ਕਾਂਗਰਸੀ ਹਾਈਕਮਾਨ ਨੂੰ ਮੁੰਨੀ ਬਦਨਾਮ ਹੁਈ ਅਤੇ ਰਾਹੁਲ ਗਾਂਧੀ ਨੂੰ ਪੱਪੂ ਸ਼ਬਦ ਦਾ ਨਾਮ ਦਿੰਦੇ ਰਹੇ।ਜਦਕਿ ਹੁਣ ਕਾਂਗਰਸ ਦੇ ਵਿੱਚ ਸ਼ਾਮਿਲ ਹੁੰਦਿਆਂ ਹੀ, ਕੁਰਸੀ ਦੇ ਭੁੱਖੇ ਸਿੱਧੂ ਕਾਂਗਰਸ ਨੂੰ ਆਪਣੀ ਮਾਂ ਪਾਰਟੀ ਤੱਕ ਕਹਿਣ ਲੱਗ ਪਏ।ਉਨਾਂ ਕਿਹਾ ਕਿ ਐਸੇ ਮਤਲਬ ਪ੍ਰਸ਼ਤ ਆਗੂ ਨੂੰ ਸੂਬੇ ਦੇ ਲੋਕ ਕਦੇ ਵੀ ਪਸੰਦ ਨਹੀਂ ਕਰਨਗੇ।ਜਿਸ ਦੌਰਾਨ ਧਾਲੀਵਾਲ ਨੇ ਵੀ ਮਜੀਠੀਆ ਸਮੇਤ ਸਭਨਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਮੇਰੇ ਨਿਮਾਣੇ ਦੇ ਘਰੇ ਆਉਣ ਤੇ ਜਿੱਥੇ ਤੁਹਾਡਾ ਸਾਰਿਆ ਦਾ ਸਵਾਗਤ ਹੈ ਉਥੇ ਹੀ ਮੈਂ ਤੁਹਾਡਾ ਤਹਿ ਦਿਲੋਂ ਸ਼ੁਕਰੀਆ ਵੀ ਅਦਾ ਕਰਦਾ ਹਾਂ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਦਲਜੀਤ ਸਿੰਘ ਚੀਮਾ, ਮਹੇਸ਼ ਇੰਦਰ ਗਰੇਵਾਲ, ਹੀਰਾ ਸਿੰਘ ਗਾਬੜੀਆ, ਮਨਪ੍ਰੀਤ ਸਿੰਘ ਇਆਲੀ, ਰਣਜੀਤ ਸਿੰਘ ਢਿੱਲੋਂ, ਬਲਵਿੰਦਰ ਸੰਧੂ, ਅਮਰਜੀਤ ਸਿੰਘ ਚਾਵਲਾ, ਗੁਰਚਰਨ ਸਿੰਘ ਗਰੇਵਾਲ, ਤਨਵੀਰ ਧਾਲੀਵਾਲ, ਚੰਡ ਡੱਲਾ, ਸੁਖਰਾਜ ਆਂਡਲੂ, ਗਗਨ ਛੰਨਾ, ਗੁਰਮੇਲ ਆਂਡਲੂ, ਗੁਰਜੀਤ ਗੋਲਡੀ, ਮਨੀ ਸ਼ਰਮਾ ਆਦਿ ਵੱਡੀ ਗਿਣਤੀ ਵਿੱਚ ਅਕਾਲੀ ਆਗੂ ਹਾਜਿਰ ਸਨ।
