ਸ਼ਹਿਰ ਵਿੱਚ ਕਾਨੂੰਨ ਵਿਵਸਥਾ ਨੂੰ ਰਖਾਂਗੇ ਦਰੁਸਤ : ਡੀਐਸਪੀ
ਜਗਰਾਓਂ, 9 ਜੁਲਾਈ (ਅਮਿਤ ਖੰਨਾ,) ਡੀਐਸਪੀ ਅੰਡਰ ਟਰੇਨਿੰਗ ਹਰਸ਼ਪ੍ਰੀਤ ਸਿੰਘ ਵਲੋਂ ਪ੍ਰੈਸ ਕਲੱਬ ਰਜਿ. ਨਾਲ ਮੀਟਿੰਗ ਕੀਤੀ ਗਈ ਅਤੇ ਇਸ ਮੌਕੇ ਓਨਾ ਵਲੋਂ ਪ੍ਰੈਸ ਨਾਲ ਸ਼ਹਿਰ ਦੇ ਹਾਲਾਤਾਂ ਸੰਬੰਧੀ ਵਿਚਾਰ ਚਰਚਾ ਕੀਤੀ ਗਈ। ਪ੍ਰੈਸ ਕਲੱਬ ਦੇ ਸਮੂਹ ਪੱਤਰਕਾਰਾਂ ਵਲੋਂ ਡੀਐਸਪੀ ਨੂੰ ਸ਼ਹਿਰ ਦੇ ਮੌਜੂਦਾ ਹਾਲਾਤਾਂ ਤੋਂ ਜਾਣੂੰ ਕਰਵਾਇਆ ਗਿਆ ਅਤੇ ਡੀਐਸਪੀ ਹਰਸ਼ਪ੍ਰੀਤ ਸਿੰਘ ਨੇ ਕਿਹਾ ਕਿ ਸ਼ਹਿਰ ਵਿਚ ਕਾਨੂੰਨ ਵਿਵਸਥਾ ਪੂਰੀ ਦਰੁਸਤ ਰੱਖੀ ਜਾਏਗੀ ਅਤੇ ਗਲਤ ਅਨਸਰਾਂ ਨੂੰ ਸਲਾਖਾਂ ਪਿੱਛੇ ਲਿਆਂਦਾ ਜਾਏਗਾ। ਡੀਐਸਪੀ ਨੂੰ ਪ੍ਰੈਸ ਕਲੱਬ ਰਜਿ. ਵਲੋਂ ਪੂਰਾ ਸਹਿਯੋਗ ਕਰਨ ਦਾ ਭਰੋਸਾ ਦਵਾਇਆ ਗਿਆ। ਇਸ ਮੌਕੇ ਪਤਰਕਾਰ ਦੀਪਕ ਜੈਨ ,ਸੁਖਦੀਪ ਨਾਹਰ , ਵਿਸ਼ਾਲ ਅਤਰੇ , ਅਮਿਤ ਖੰਨਾ, ਚਰਨਜੀਤ ਚੰਨ , ਕ੍ਰਿਸ਼ਨ ਵਰਮਾ ,ਦਵਿੰਦਰ ਜੈਨ ਆਦਿ ਹਾਜਰ ਸਨ।
