ਚਾਰਾਂ ਵਿਚੋਂ ਤਿੰਨ ਫਰਾਰ ਇਕ ਅੜਿੱਕੇ ਚੜ੍ਹਿਆ
ਜਗਰਾਉਂ, ਜਨਵਰੀ 2021(ਕੁਲਦੀਪ ਸਿੰਘ ਕੋਮਲ/ ਮੋਹਿਤ ਗੋਇਲ)
ਆਏ ਦਿਨ ਲੁਟਾਂ ਖੋਹਾਂ ਦੀਆਂ ਖਬਰਾਂ ਜਗਰਾਉਂ ਵਿੱਚ ਆਮ ਜਿਹੀ ਗੱਲ ਹੋ ਗਈ ਹੈ, ਲੁਟੇਰਿਆਂ ਨੂੰ ਬੇਖੋਫ ਦੇਖ ਆਮ ਸ਼ਹਿਰੀ ਖੋਫ ਵਿਚ ਰਹਿੰਦਾ ਹੈ ਪਰ ਇਹੀ ਲੁੱਟੇਰੇ ਜਦ ਪੁਲਿਸ ਜਾਂ ਆਮ ਲੋਕਾਂ ਦੇ ਹੱਥੇ ਚੜ੍ਹਦੇ ਹਨ ਤਾਂ ਇਨ੍ਹਾਂ ਨੂੰ ਆਪਣੀ ਕੀਤੀਆਂ ਯਾਦ ਆਉਂਦੀਆਂ ਨੇ। ਇਸੇ ਤਰ੍ਹਾਂ ਬੀਤੀ ਰਾਤ ਜਗਰਾਉਂ ਦੇ ਡਿਸਪੋਜ਼ਲ ਰੋਡ ਤੇ ਦੁਕਾਨਦਾਰ ਦੀਪਕ ਜੈਨ ਅਤੇ ਉਸ ਦਾ ਕਰਮਚਾਰੀ ਦੁਕਾਨ ਤੇ ਸਨ ਤਾਂ ਦੋ ਮੋਟਰਸਾਇਕਲਾਂ ਤੇ ਚਾਰ ਲੋਕ ਉਸਦੀ ਦੁਕਾਨ ਅੰਦਰ ਵੜੇ ਤੇ ਦੁਕਾਨ ਦਾ ਸਟਰ ਸਿਟ ਕੇ ਦੀਪਕ ਜੈਨ ਤੇ ਗੰਡਾਸੇ ਨਾਲ ਹਮਲਾ ਕਰ ਦਿੱਤਾ ਅਤੇ ਉਸ ਦਾ ਚਾਂਦੀ ਦਾ ਕੜਾ ਤੇ ਗਲੇ ਦੀ ਨਕਦੀ ਲੁੱਟ ਲਈ ਅਤੇ ਮੋਬਾਈਲ ਖੋਹ ਕੇ ਫ਼ਰਾਰ ਹੋਣ ਲੱਗੇ ਤਾਂ ਉਨ੍ਹਾਂ ਵਿਚੋਂ ਇਕ ਨੂੰ ਕਾਬੂ ਕਰ ਲਿਆ, ਲੋਕਾਂ ਨੇ ਇਕਠੇ ਹੋ ਕੇ ਕਾਬੂ ਕੀਤਾ ਲੁਟੇਰਾ ਪੁਲਿਸ ਨੂੰ ਬੁਲਾ ਕੇ ਫੜਾ ਦਿੱਤਾ।ਪਰ ਉਸ ਦੇ ਸਾਥੀ ਭਜ ਗੲ। ਪੁਲਿਸ ਨੇ ਉਸ ਦਾ ਚਾਰ ਦਿਨਾ ਦਾ ਰਿਮਾਂਡ ਲਿਆ ਹੈ, ਡੀ ਐਸ ਪੀ ਜਤਿੰਦਰ ਜੀਤ ਸਿੰਘ ਅਤੇ ਜਗਰਾਉਂ ਦੇ ਸਿਟੀ ਐਸ ਐਚ ਓ ਗਗਨਦੀਪ ਸਿੰਘ ਹੁਣਾਂ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਦਸਿਆ ਕਿ ਇਸ ਦੇ ਬਾਕੀ ਸਾਥੀਆਂ ਨੂੰ ਵੀ ਜਲਦ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ। ਇਨ੍ਹਾਂ ਲੁਟੇਰਿਆਂ ਨੇ ਦੁਕਾਨਦਾਰ ਜੋ ਕਿ ਖੁਦ ਪ੍ਰੈਸ ਰਿਪੋਰਟ ਵੀ ਹੈ ਦੀ ਬਾਂਹ ਤੇ ਤਿੰਨ ਚਾਰ ਵਾਰ ਪੁਠਾ ਗੰਡਾਸਾ ਮਾਰਿਆ, ਪੁਲਿਸ ਵਲੋਂ ਦੋਸ਼ੀਆਂ ਖਿਲਾਫ 379 ਬੀ 323,506ਅਤੇ ਧਾਰਾ 34ਆਈ,ਪੀ ਸੀ ਅਧੀਨ ਮੁਕੱਦਮਾ ਦਰਜ ਕੀਤਾ ਹੈ।
