ਕੋਰੋਨਾ ਤਰਾਸਦੀ ਦੌਰਾਨ ਦੇਸ਼ ਦੇ ਕਈ ਹਿੱਸਿਆਂ ਤੋਂ ਮਾਨਵਤਾ ਨੂੰ ਸ਼ਰਮਸਾਰ ਕਰਨ ਵਾਲੇ ਅਤੇ ਇਨਸਾਨੀਅਤ ਨੂੰ ਝੰਜੋੜਨ ਵਾਲੀਆਂ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ। ਦਰਦ ਦਾ ਮੰਜ਼ਰ ਵੀ ਕੁਝ ਅਜਿਹਾ ਹੈ ਕਿ ਹਰ ਕਿਸੇ ਦਾ ਦਿਲ ਪਸੀਜ ਜਾਵੇ। ਦੇਸ਼ ਵਿਚ ਇਸ ਸਮੇਂ ਸਭ ਤੋਂ ਜ਼ਿਆਦਾ ਖਰਾਬ ਹਾਲਤ ਪਰਵਾਸੀ ਮਜ਼ਦੂਰਾਂ ਦੀ ਹੈ ਜੋ ਹਾਲਾਤ ਦੇ ਹੱਥ ਦਾ ਖਿਡੌਣਾ ਬਣ ਕੇ ਰਹਿ ਗਿਆ ਹੈ। ਹੱਥਾਂ ਦਾ ਕੰਮ ਖੋਹਿਆ ਜਾ ਚੁੱਕਾ ਹੈ ਅਤੇ ਪੇਟ ਭਰਨ ਲਈ ਉਨ੍ਹਾਂ ਨੂੰ ਕਾਫੀ ਮੁਸ਼ੱਕਤ ਕਰਨਾ ਪੈ ਰਿਹਾ ਹੈ। ਅਜਿਹੇ ਵਿਚ ਇਕ ਦਿਲ ਦਹਿਲਾਉਣ ਵਾਲਾ ਵਾਕਿਆ ਮੁਜ਼ੱਫਰਪੁਰ ਤੋਂ ਆਇਆ ਹੈ, ਜਿਥੇ ਮਾਂ ਦੀ ਸਟੇਸ਼ਨ 'ਤੇ ਮੁਸ਼ਕਲ ਹਾਲਾਤ ਵਿਚ ਮੌਤ ਹੋ ਗਈ, ਉਥੇ ਕੋਲ ਬੈਠੀ ਮਾਸੂਮ ਆਪਣੀ ਮਾਂ ਦੀ ਮੌਤ ਤੋਂ ਅਨਜਾਣ ਉਸ ਦੇ ਕਫ਼ਨ ਨਾਲ ਖੇਡ ਰਹੀ ਹੈ। ਦੇਖ ਕੇ ਦੁਖ ਹੋਇਆ 72 ਹਜਾਰ ਕਰੋੜ ਦੇ ਰਾਹਤ ਪੈਕੇਜ ਦੇਣ ਵਾਲੀ ਸਰਕਾਰ ਸ਼ਾਇਦ ਇਸ ਘਟਨਾ ਤੋਂ ਨਾ ਵਾਕਿਫ ਹੈ।ਕਿਸ ਤਰਾਂ ਦਾ ਮੁਜਾਕ ਹੋ ਰਿਹਾ ਹੈ ਵਾਹਿਗੁਰੂ ਸਮਰੱਥਾ ਵੱਖਸਣ ਇਹਨਾਂ ਲੋਕਾਂ ਨੂੰ ਫੋਕੀਆਂ ਡਰਾਮੇ ਵਾਜਿਆ ਚੋਂ ਬਾਹਰ ਕਢਣ ਅਤੇ ਅਸਲੀਅਤ ਵੱਲ ਦੇਖਣ ਕਿ ਹੋ ਰਿਹਾ ਹੈ।
ਮੌਤ ਦੇ ਕਾਰਨ ਦਾ ਪਤਾ ਕੀਤਾ ਤਾਂ ਲੰਬੇ ਸਫ਼ਰ ਦੀ ਤਕਲੀਫ਼ਾਂ ਨਾਲ ਤੋੜਿਆ ਦਮ ਦੱਸਿਆ ਗਿਆ
ਮ੍ਰਿਤਕ ਮਹਿਲਾ ਪਰਵਾਸੀ ਕਾਮੇ ਪਰਿਵਾਰ ਨਾਲ ਸੀ ਅਤੇ ਉਹ ਸੋਮਵਾਰ ਨੂੰ ਪਰਵਾਸੀਆਂ ਨੇ ਚਲਾਈ ਗਈ ਸਪੈਸ਼ਲ ਟ੍ਰੇਨ ਤੋਂ ਮੁਜੱਫਰਪੁਰ ਆਈ ਸੀ ਪਰ ਭਿਆਨਕ ਗਰਮੀ ਨੂੰ ਉਹ ਸਹਿਣ ਨਹੀਂ ਕਰ ਸਕੀ ਤਾਂ ਉਸ ਨੇ ਪ੍ਰਾਣ ਤਿਆਗ ਦਿੱਤੇ। ਮਹਿਲਾ ਦੇ ਰਿਸ਼ਤੇਦਾਰ ਟ੍ਰੇਨ ਵਿਚ ਖਾਣ ਪੀਣ ਦੀ ਕਮੀ ਅਤੇ ਗਰਮੀ ਹੋਣ ਕਾਰਨ ਉਹ ਬਿਮਾਰ ਹੋ ਗਈ ਸੀ। ਮ੍ਰਿਤਕ ਮਹਿਲਾ ਗੁਜਰਾਤ ਤੋਂ ਆਈ ਸੀ।
ਜਦੋਂ ਮ੍ਰਿਤਕਾ ਦੇ ਸਰੀਰ ਨੂੰ ਸਟੇਸ਼ਨ 'ਤੇ ਰੱਖਿਆ ਗਿਆ ਤਾਂ ਮਾਂ ਦੀ ਮੌਤ ਤੋਂ ਅਨਜਾਣ ਮਾਸੂਮ ਮਾਂ ਦੀ ਲਾਸ਼ 'ਤੇ ਪਾਏ ਗਏ ਖੱਫ਼ਣ ਨਾਲ ਖੇਡਣ ਲੱਗੀ ਅਤੇ ਉਸ ਨੂੰ ਹਟਾਉਣ ਦੀ ਕੋਸ਼ਿਸ ਕਰਨ ਲੱਗੀ।
ਸਟੇਸ਼ਨ 'ਤੇ ਜਿਸ ਨੇ ਵੀ ਇਸ ਦਰਦਨਾਕ ਮੰਜ਼ਰ ਨੂੰ ਦੇਖਿਆ ਉਸ ਦਾ ਦਿਲ ਪਸੀਜ ਗਿਆ। ਇਸ ਟ੍ਰੇਨ ਵਿਚ ਇਕ ਹੋਰ ਮਾਸੂਮ ਨੇ ਗਰਮੀ ਅਤੇ ਭੁੱਖ ਪਿਆਸ ਕਾਰਨ ਦਮ ਤੋੜ ਗਈ। ਗੌਰਤਲਬ ਹੈ ਕਿ ਲੰਬੇ ਸਮੇਂ ਤੋਂ ਚੱਲ ਰਹੇ ਲਾਕਡਾਊਨ ਕਾਰਨ ਦੇਸ਼ ਭਰ ਵਿਚ ਫੈਲੇ ਹੋਏ ਪਰਵਾਸੀ ਮਜ਼ਦੂਰਾਂ ਦੇ ਸਬਰ ਦਾ ਬੰਨ੍ਹ ਟੁੱਟ ਚੁੱਕਾ ਹੈ। ਇਨਸਾਨੀਅਤ ਸਰਮਸਾਰ ਹੋ ਰਹੀ ਹੈ। ਇਸ ਮੌਤ ਨੂੰ ਦੇਖਕੇ ਤਾਂ ਇਹ ਲਗਦਾ ਹੈ ਕੇ ਗਰੀਬਾਂ ਤੋਂ ਤਾਂ ਰੱਬ ਨੇ ਵੀ ਮੂੰਹ ਮੋੜ ਲਿਆ ਹੈ।
