ਭਾਰਤ 'ਚ ਕੋਰੋਨਾ ਵਾਇਰਸ (COVID-19) ਨਾਲ 507 ਲੋਕਾਂ ਦੀ ਮੌਤ
ਨਵੀਂ ਦਿੱਲੀ,ਅਪ੍ਰੈਲ 2020 (ਏਜੰਸੀ)
ਉੱਤਰਾਖੰਡ 'ਚ ਕੁੱਲ ਕੋਰੋਨਾ ਪਾਜ਼ੇਟਿਵ ਮਾਮਲਿਆਂ ਦੀ ਗਿਣਤੀ ਵਧ ਕੇ 42 ਤਕ ਪਹੁੰਚਣ ਤੋਂ ਬਾਅਦ ਹਰਿਦੁਆਰ ਤੇ ਨੈਨੀਤਾਲ ਨੂੰ ਰੈੱਡ ਜ਼ੋਨ ਐਲਾਨ ਦਿੱਤਾ ਗਿਆ। ਵਧੀਕ ਸਕੱਤਰ (ਸਿਹਤ) ਯੁਗਲ ਕਿਸ਼ੋਰ ਪੰਤ ਅਨੁਸਾਰ, ਸੂਬੇ 'ਚ 80 ਫ਼ੀਸਦੀ ਮਾਮਲੇ ਦੇਹਰਾਦੂਨ, ਹਰਿਦੁਆਰ ਤੇ ਨੈਨੀਤਾਲ ਦੇ ਹਨ। ਸਿਹਤ ਮੰਤਰਾਲੇ ਵੱਲੋਂ ਜਾਰੀ ਤਾਜ਼ਾ ਅੰਕੜਿਆਂ ਅਨੁਸਾਰ ਭਾਰਤ 'ਚ ਕੋਰੋਨਾ ਵਾਇਰਸ (COVID-19) ਨਾਲ 507 ਲੋਕਾਂ ਦੀ ਮੌਤ ਹੋ ਗਈ ਹੈ ਤੇ ਹੁਣ ਤਕ ਕੁੱਲ 15,712 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। ਇਨ੍ਹਾਂ ਵਿਚੋਂ 2230 ਲੋਕ ਠੀਕ ਹੋ ਗਏ ਹਨ। 12,974 ਲੋਕਾਂ ਦਾ ਇਲਾਜ ਜਾਰੀ ਹੈ। ਹਰਿਦੁਆਰ ਤੇ ਨੈਨੀਤਾਲ ਨੂੰ ਰੈੱਡ ਜ਼ੋਨ ਐਲਾਨ ਦਿੱਤਾ ਗਿਆ ਹੈ।
