ਜਗਰਾਉਂ ( ਰਾਣਾ ਸ਼ੇਖਦੌਲਤ) ਜਗਰਾਉਂ ਤਹਿਸੀਲ ਦੇ ਚੌਕਾਂ ਅਤੇ ਬਜ਼ਾਰ ਵਿੱਚ ਕਰਫਿਊ ਦੌਰਾਨ ਮੋਟਰ ਸਾਇਕਲਾਂ ਤੇ ਐਕਟਿਵਾ ਸਵਾਰ ਵਿਅਕਤੀਆਂ ਵਲੋਂ ਜਿਲ੍ਹਾ ਪ੍ਰਸ਼ਾਸ਼ਕੀ ਹੁਕਮ ਨਾ ਮੰਨਣ ਦੀ ਜਿੱਦ ਕਰਕੇ ਪੁਲਿਸ ਜਰਨੈਲ ਨੂੰ ਆਖਰ ਡਾਗਾਂ ਵਰਾਉਣੀਆਂ ਪਈਆਂ ਭਾਵੇਂ ਕਿ ਲੋਕਾਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਸਰਕਾਰ ਵੱਲੋਂ ਕਰਫਿਊ ਦੌਰਾਨ ਘਰਾਂ ਅੰਦਰ ਰਹਿਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ ਪਰੰਤੂ ਫਿਰ ਵੀ ਲੋਕਾਂ ਵੱਲੋਂ ਸੰਜੀਦਗੀ ਨਾ ਵਰਤਣ ਕਰਕੇ ਤੇ ਸ਼ਰੇਆਮ ਬਜ਼ਾਰ ਚ ਗੇੜੀਆਂ ਦਿੰਦਿਆਂ ਫੜੇ ਜਾਣ ਤੇ ਪੁਲਿਸ ਨੂੰ ਡਾਂਗ ਫੇਰਨੀ ਪਈ।ਪੁਲਿਸ ਮੁਖੀ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਲੋਕਾਂ ਨੂੰ ਵਾਰ ਵਾਰ ਬੇਨਤੀਆਂ ਕਰਨ ਤੇ ਨਹੀਂ ਹੱਟ ਰਹੇ ਸਨ ਉਨ੍ਹਾਂ ਕਿਹਾ ਕਿ ਅਸੀਂ ਲੋਕਾਂ ਦੀਆਂ ਲਾਸ਼ਾਂ ਨਹੀਂ ਚੱਕ ਸਕਦੇ ਇਸ ਕਰਕੇ ਸਾਡੀ ਮਜਬੂਰੀ ਬਣ ਗਈ ਹੈ ਕਿਰਪਾ ਕਰਕੇ ਲੋਕ ਆਪਣੇ ਘਰਾਂ ਚ ਰਹਿਣ ਤਾਂ ਜੋ ਕਰੋਨਾ ਵਾਇਰਸ ਦੀ ਚੈਨ ਟੁੱਟ ਜਾਵੇ
