ਕਾਉਂਕੇ ਕਲਾਂ, 11 ਮਾਰਚ ( ਜਸਵੰਤ ਸਿੰਘ ਸਹੋਤਾ)ਬੀਤੇ ਦਿਨੀ ਪੰਜਾਬ ਸਰਕਾਰ ਵੱਲੋ ਸਰਕਾਰੀ ਬੱਸਾ ਵਿੱਚ ਅੋਰਤਾਂ ਦਾ ਅੱਧਾ ਕਿਰਾਇਆ ਮਾਫ ਕੀਤੇ ਜਾਣ ਤੇ ਨਾਖੁਸੀ ਪ੍ਰਗਟ ਕਰਦਿਆ ਯੂਥ ਅਕਾਲੀ ਦਲ ਬਾਦਲ ਪਾਰਟੀ ਦੇ ਵਰਕਰਾਂ ਗੁਰਪ੍ਰੀਤ ਸਿੰਘ ਗੋਪੀ,ਗੁਰਚਰਨ ਸਿੰਘ ਸਹਿਲੇਕਾ,ਕੁਲਦੀਪ ਸਿੰਘ ਕੀਪਾ,ਸਨਦੀਪ ਸਿੰਘ ਗੁਰੂਸਰ,ਗੁਰਚਰਨ ਸਿੰਘ ਚਰਨਾ ਨੇ ਕਿਹਾ ਕਿ ਪੰਜਾਬ ਵਿੱਚ ਸਰਕਾਰੀ ਬੱਸਾਂ ਦੀ ਗਿਣਤੀ ਨਾ ਦੇ ਬਰਾਬਰ ਹੈ ਤੇ ਇਸ ਫੈਸਲੇ ਨਾਲ ਅੋਰਤਾਂ ਨੂੰ ਖੱਜਲਖੁਆਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਜਦੋ ਅੋਰਤਾਂ ਪ੍ਰਾਈਵੇਟ ਬੱਸਾਂ ਵਿੱਚ ਸਫਰ ਕਰਦੀਆਂ ਹਨ ਤਾਂ ਅੱਧੀ ਟਿਕਟ ਨੂੰ ਲੈ ਕੇ ਪਾਈਵੇਟ ਬੱਸਾਂ ਦੇ ਕਡੰਕਟਰਾਂ ਨਾਲ ਉਨਾ ਦੀ ਨੋਕ ਝੋਕ ਹੁੰਦੀ ਹੈ।ਉਨਾ ਕਿਹਾ ਕਿ ਜੇਕਰ ਸਰਕਾਰ ਸੂਬੇ ਦਾ ਭਲਾ ਕਰਨਾ ਚਾਹੁੰਦੀ ਹੈ ਤਾਂ ਸਮੱੁਚੇ ਵਰਗ ਦਾ ਅੱਧੇ ਕਿਰਾਏ ਦੀ ਥਾਂ ਪੂਰਾਂ ਕਿਰਾਇਆ ਪ੍ਰਾਈਵੇਟ ਤੇ ਸਰਕਾਰੀ ਦੋਵਾਂ ਖੇਤਰਾਂ ਦੀਆਂ ਬੱਸਾਂ ਵਿੱਚ ਮਾਫ ਕਰੇ।ਇਸ ਗੱਲਬਾਤ ਦੌਰਾਨ ਉਨਾ ਸਰਕਾਰ ਵੱਲੋ ਪਟਿਆਲਾ ਦੇ ਰਾਜਿੰਦਰਾ ਹਸਪਤਾਲ ਤੇ ਮੈਡੀਕਲ ਕਾਲਜ ਦੇ ਕਤਿੇ ਜਾ ਰਹੇ ਨਿੱਜੀਕਰਨ ਦਾ ਵੀ ਵਿਰੋਧ ਕੀਤਾ ਜਿਸ ਸਬੰਧੀ ਅੰਤਿਮ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾ ਰਹੀ ਹੈ।ਉਨਾ ਕਿਹਾ ਕਿ ਸਰਕਾਰ ਦਾ ਇਹ ਫੈਸਲਾ ਤਾਨਾਸਾਹੀ ਤੇ ਲੋਕ ਮਾਰੂ ਹੈ ਕਿਉਕਿ ਰਾਜਿੰਦਰਾ ਹਸਪਤਾਲ ਵਿੱਚ ਗਰੀਬ ਤਬਕੇ ਸਮੇਤ ਪੰਜਾਬ ਭਰ ਤੋ ਮਰੀਜ ਇਲਾਜ ਕਰਵਾਉਣ ਆਉਂਦੇ ਹਨ।ਉਨਾ ਕਿਹਾ ਕਿ ਸਰਕਾਰ ਸਿੱਖਿਆਂ ਤੋ ਬਾਅਦ ਸੂਬੇ ਦੇ ਲੋਕਾਂ ਦੀ ਸਿਹਤ ਦਾ ਵੀ ਨਿੱਜੀਕਰਨ ਕਰਨ ਦਾ ਫੈਸਲਾ ਲੈਣ ਜਾ ਰਹੀ ਹੈ ਜਿਸ ਦੇ ਮਨਸੂਬੇ ਲੋਕ ਕਾਮਯਾਬ ਨਹੀ ਹੋਣ ਦੇਣਗੇ। ਉਨਾ ਕਿਹਾ ਕਿ ਸਰਕਾਰ ਆਪਣੇ ਧਨਾਢਾਂ ਨੂੰ ਲਾਭ ਪਹਚਾਉਣ ਲਈ ਇਹ ਕਦਮ ਚੱੁਕ ਰਹੀ ਹੈ ਤੇ ਇਸ ਫੈਸਲੇ ਨਾਲ ਗਰੀਬ ਵਰਗ ਦਾ ਇਲਾਜ ਵੀ ਮਹਿੰਗਾਂ ਹੋ ਜਾਵੇਗਾ।ਉਨਾ ਸਰਕਾਰ ਦੇ ਇੰਨਾ ਫੈਸਲਿਆਂ ਖਿਲਾਫ ਜਨਤਾਂ ਨੂੰ ਅਪੀਲ ਕੀਤੀ ਕਿ ਉਹ ਅਕਾਲੀ ਦਲ ਦਾ ਸਾਥ ਦੇ ਕੇ ਕਾਗਰਸ ਪਾਰਟੀ ਦੇ ਵਿਧਾਇਕਾ ਤੇ ਹਲਕਾਂ ਇੰਚਾਰਜਾ ਦਾ ਘਿਰਾਓ ਕਰਕੇ ਸਰਕਾਰ ਦੇ ਇਸ ਫੈਸਲੇ ਨੂੰ ਵਾਪਿਸ ਲੈਣ ਦਾ ਦਬਾਅ ਪਾਉਣ ।
