ਕਾਉਕੇ ਕਲਾਂ/ਜਗਰਾਓਂ, ਫਰਵਰੀ 2020-(ਜਸਵੰਤ ਸਿੰਘ ਸਹੋਤਾ)-
ਇੱਥੋ ਨਜਦੀਕੀ ਪੈਂਦੇ ਆਈ-ਜੋਨ ਕੰਪਿਊਟਰ ਇੰਸਟੀਚਿਊਟ ਅਗਵਾੜ ਲੋਪੋ ਦੇ ਐਮ.ਡੀ.ਬਲਵਿੰਦਰ ਸਿੰਘ ਗਿੱਲ ਨੇ ਅਮਰੀਕੀ ਫੋਜ ਵਿੱਚ ਸਿੱਖਾਂ ਨੂੰ ਸਿੱਖੀ ਸਰੂਪ ਵਿੱਚ ਡਿਊਟੀ ਕਰਨ ਦੇ ਲਏ ਗਏ ਫੈਸਲੇ ਦਾ ਸਵਾਗਤ ਕੀਤਾ ਹੈ।ਗਿੱਲ ਨੇ ਕਿਹਾ ਕਿ ਇਸ ਲਏ ਗਏ ਫੈਸਲੇ ਨਾਲ ਸਿੱਖਾਂ ਦੇ ਮਾਣ ਸਨਮਾਨ ਵਿੱਚ ਵਾਧਾ ਹੋਵੇਗਾ ।ਉਨਾ ਕਿਹਾ ਕਿ ਵਿਸਵ ਭਰ ਵਿੱਚ ਸਿੱਖਾਂ ਨੇ ਵੱਖ ਵੱਖ ਅਹੁਦਿਆ ਤੇ ਸੁਸੋਭਿਤ ਹੋ ਕੇ ਸਿੱਖ ਕੌਮ ਦਾ ਨਾਂ ਰੌਸਨ ਕੀਤਾ ਹੈ ਤੇ ਇਸ ਦੀ ਮਿਸਾਲ ਸਾਬਤ ਸਰੂਤ ਸਿੱਖ ਹਰਜੀਤ ਸਿੰਘ ਸੱਜਣ ਦਾ ਕੈਨੇਡਾ ਵਰਗੇ ਦੇਸ ਵਿੱਚ ਰੱਖਿਆ ਮੰਤਰੀ ਹੋਣਾ ਹੈ।ਉਨਾ ਕਿਹਾ ਕਿ ਧਾਰਮਿਕ ਅਜਾਦੀ ਹਰ ਕੌਮ ਦਾ ਮੂਲ ਅਧਿਕਾਰ ਹੈ ਤੇ ਸਿੱਖਾਂ ਨੂੰ ਮਿਲੀ ਅਜਾਦੀ ਘੱਟ ਗਿਣਤੀਆਂ ਲਈ ਨਵੀਂ ਦਿਸਾ ਦੇ ਆਸ ਦੀ ਨਵੀਂ ਕਿਰਨ ਹੈ ਜਿਸ ਦਾ ਹਰ ਸਿੱਖ ਨੂੰ ਮਾਣ ਮਹਿਸੂਸ ਕਰਨਾ ਚਾਹੀਦਾ ਹੈ।
