ਲੁਧਿਆਣਾ, ਸਤੰਬਰ 2019- ( ਮਨਜਿੰਦਰ ਗਿੱਲ)-
ਰਿਸ਼ੀ ਨਗਰ ਸਥਿਤ ਐਸ.ਆਰ.ਐਸ.ਸਰਕਾਰੀ ਬਹੁਤਕਨੀਕੀ ਕਾਲਜ ਲੜਕੀਆਂ ਵਿਖੇ ਪੋਸ਼ਣ ਮਾਹ ਅਭਿਆਨ ਦੇ ਤਹਿਤ ਲੜਕੀਆਂ ਨੂੰ ਜਾਗਰੂਕ ਕਰਨ ਸਬੰਧੀ ਸਮਾਗਮ ਕਰਵਾਇਆ ਗਿਆ ਜਿਸ ਵਿੱਚ ਡਾ:ਇੰਦਰਜੀਤ ਕੌਰ, ਸਾਬਕਾ ਡਿਪਟੀ ਡਾਇਰੈਕਟਰ, ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ ਮੁੱਖ ਮਹਿਮਾਨ ਦੇ ਤੌਰ ਤੇ ਹਾਜਰ ਹੋਏ। ਇਸ ਸਮਾਗਮ ਵਿੱਚ ਇਸ ਕਾਲਜ ਦੀਆਂ ਲੜਕੀਆਂ ਤੋਂ ਇਲਾਵਾ ਬਾਹਰਲੇ ਸਕੂਲਾਂ ਦੀਆਂ ਵਿਦਿਆਰਥਣਾਂ ਵੀ ਹਾਜਰ ਸਨ। ਮੁੱਖ ਮਹਿਮਾਨ ਤੋਂ ਇਲਾਵਾ ਇਸ ਸਮਾਗਮ ਵਿੱਚ ਡਾ.ਰਮਨਪ੍ਰੀਤ ਕੌਰ, ਮੈਡੀਕਲ ਅਫਸਰ ,ਸਿਹਤ ਵਿਭਾਗ, ਲੁਧਿਆਣਾ ਨੇ ਲੜਕੀਆਂ ਨੂੰ ਪ਼ੋਸ਼਼ਟਿਕ ਅਤੇ ਵਧੀਆ ਖੁਰਾਕ ਖਾਣ ਲਈ ਪ੍ਰੇਰਿਤ ਕੀਤਾ ਤਾਂ ਕਿ ੳਹ ਅਨੀਮੀਆਂ ਜਿਹੀਆਂ ਖਤਰਨਾਕ ਬੀਮਾਰੀਆਂ ਤੋਂ ਬਚ ਸਕਣ। ਇਸ ਸਮਾਗਮ ਵਿੱਚ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਡਾ:ਹਰਪ੍ਰੀਤ ਕੌਰ, ਪ੍ਰ਼ੋਫੈਸਰ ਨਿਊਟ੍ਰੀਸ਼ਨ ਵਿਭਾਗ, ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਨੇ ਵਿਦਿਆਰਥੀਆਂ ਨੂੰ ਚੰਗੀ ਅਤੇ ਪੋਸ਼ਟਿਕ ਖੁਰਾਕ ਖਾਣ ਦੇ ਫਾਇਦੇ ਸਬੰਧੀ ਬਹੁਤ ਹੀ ਵੱਡਮੁੱਲੀ ਜਾਣਕਾਰੀ ਦੇਕੇ ਪੋਸ਼ਣ ਸਬੰਧੀ ਵਿਸਥਾਰਪੂਰਵਕ ਚਾਨਣਾ ਪਾਇਆ। ਇਸ ਮੌਕੇ ਸੰਸਥਾ ਦੀ ਐਨ.ਐਸ.ਐਸ.ਯੁਨਿਟ ਵਲੋਂ ਵਿਦਿਆਰਥਣਾਂ ਦੀ ਸਿਹਤ ਸਬੰਧੀ ਡਾ: ਰਮਨਪ੍ਰੀਤ ਕੌਰ ਦੀ ਦੇਖ ਰੇਖ ਵਿੱਚ ਮੈਡੀਕਲ ਕੈਂਪ ਵੀ ਲਗਾਇਆ ਗਿਆ।ਇਸ ਸਮਾਗਮ ਵਿੱਚ ਮੈਡਮ ਅਭਿਨੀਤ ਕੌਰ ਸੀ.ਡੀ.ਪੀ.ਓ.ਸਮਾਜਿਕ ਸੁਰੱਖਿਆ ਇਸਤਰੀਆਂ ਤੇ ਬਾਲ ਵਿਕਾਸ ਵਿਭਾਗ, ਜਿਲ੍ਹਾ ਇੰਚਾਰਜ ਪੋਸ਼ਣ ਅਭਿਆਨ ਡਾ:ਕਿਰਨ ਆਹਲੁਵਾਲੀਆ ਅਤੇ ਲੋਕ ਸੰਪਰਕ ਵਿਭਾਗ ਦੇ ਨੁਮਾਇੰਦੇ ਉਚੇਚੇ ਤੌਰ ਤੇ ਹਾਜਰ ਸਨ। ਇਸ ਪ੍ਰ਼ੋ਼ਗਰਾਮ ਦੇ ਚਲਦਿਆਂ ਸਿਹਤ ਨਾਲ ਸਬੰਧਿਤ ਹੀ ਸਵੱਛਤਾ ਮੁਹਿੰਮ ਤਹਿਤ ਨਗਰ ਨਿਗਮ ਲੁਧਿਆਣਾ ਦੇ ਸ਼੍ਰੀ ਬੰਟੂ ਸਿੰਘ ਚੀਫ ਸੈਨੇਟਰੀ ਇੰਸਪੈਕਟਰ, ਸ਼੍ਰੀ ਹਰਵਿੰਦਰ ਸਿੰਘ ਸੈਨੇਟਰੀ ਇੰਸ: ਸ਼੍ਰੀ ਰਮਣੀਕ ਸਿੰਘ ਸੈਨੇਟਰੀ ਇੰਸ:ਸ਼੍ਰੀ ਬਿਮਲ ਕੁਮਾਰ ਭੱਟੀ, ਸ਼੍ਰੀਮਤੀ ਕੁਲਜੀਤ ਕੌਰ ਸੀ.ਐਫ ਅਤੇ ਉਨ੍ਹਾਂ ਦੀ ਸੈਨੇਟਰੀ ਟੀਮ ਵਲ਼ੋ਼ਂ ਪਲਾਸਟਿਕ ਲਿਫਾਫਿਆਂ ਦੀ ਵਰਤ਼ੋ਼ਂ ਬਿਲਕੁੱਲ ਰ਼਼ੋਕਣ ਅਤੇ ਗਿੱਲੇ-ਸੁੱਕੇ ਕੂੜੇ ਨੂੰ ਅਲੱਗ-ਅਲੱਗ ਡਸਟਬੀਨਾਂ ਵਿੱਚ ਪਾਉਣ ਹਿੱਤ ਜਾਗਰੂਕ ਕੀਤਾ। ਇਸ ਮੌਕੇ ਕਾਲਜ ਦੇ ਪ੍ਰਿੰਸੀਪਲ ਇੰਜ: ਮਹਿੰਦਰਪਾਲ ਸਿੰਘ ਜੀ ਨੇ ਮੁੱਖ ਮਹਿਮਾਨ ਅਤੇ ਬਾਹਰੋਂ ਆਏ ਵਿਸ਼ੇਸ਼ ਮਹਿਮਾਨਾਂ ਦਾ ਇਸ ਸਮਾਗਮ ਵਿੱਚ ਪਹੁੰਚਣ ਤੇ ਧੰਨਵਾਦ ਕੀਤਾ।ਸਮਾਗਮ ਸਬੰਧੀ ਕਰਵਾਈਆਂ ਗਈਆਂ ਗਤੀ ਵਿਧੀਆਂ ਵਿੱਚ ਜੇਤੂ ਵਿਦਿਆਰਥਣਾਂ ਨੂੰ ਇਨਾਮ ਤਕਸੀਮ ਕਰਦਿਆਂ ਮੁੱਖ ਮਹਿਮਾਨ ਜੀ ਨੇ ਕਿਹਾ ਕਿ ਅਜਿਹੇ ਸਮਾਗਮ ਕਰਕੇ ਅਸੀਂ ਅਪਣੀਆਂ ਲੜਕੀਆਂ ਨੂੰ ਚੰਗੀ ਸਿਹਤ ਅਤੇ ਤੰਦਰੁਸਤ ਸਮਾਜ ਦੀ ਸਿਰਜਣਾ ਕਰ ਸਕਦੇ ਹਾਂ। ਇਸ ਸਮਾਗਮ ਦਾ ਮੰਚ ਸੰਚਾਲਨ ਅਤੇ ਕੋ-ਆਰਡੀਨੇਸ਼ਨ ਪ੍ਰ਼ੋ਼ਐਸ.ਪੀ.ਸਿੰਘ ਪ੍ਰ਼ੋ: ਜਸਵੀਰ ਸਿੰਘ ਮੈਡਮ ਰੁਪਿੰਦਰ ਕੌਰ ਨੇ ਕੀਤੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪ੍ਰ਼਼ੋ:ਐਸ.ਏ.ਖਾਨ,ਪ੍ਰ਼ੋ: ਮਨੋਜ ਕੁਮਾਰ ਪ੍ਰ਼ੋ: ਜਸਪ੍ਰੀਤ ਕੌਰ, ਪ੍ਰ਼ੋ: ਸੁਮਨ ਲਤਾ, ਪ੍ਰ਼ੋ: ਲਖਬੀਰ ਸਿੰਘ ਸ਼੍ਰੀ ਮਦਨ ਲਾਲ ਵਿਸ਼ੇਸ਼ ਤੌਰ ਤੇ ਹਾਜਰ ਸਨ।
