ਜੀਹਦੀ ਕੋਠੀ ਦੇ ਵਿੱਚ ਦਾਣੇ ਹੁੰਦੇ,
ਉਹਦੇ ਕਮਲੇ ਵੀ ਸਿਆਣੇ ਹੁੰਦੇ।
ਘਰੋਂ ਜੇ ਹੋਵੇ ਗਰੀਬ ਕੋਈ ਬੰਦਾ,
ਓਹਦੇ ਕਮਲੇ ਸੱਭ ਨਿਆਣੇ ਹੁੰਦੇ।
ਜਿਹੜੇ ਖੇਤ ਨੂੰ ਵਾੜ ਹੁੰਦੀ ਹੈ,
ਵੀਰੋ ਓਸੇ ਖੇਤ ਹਦਵਾਣੇ ਹੁੰਦੇ।
ਕਿਸੇ ਕਿਸੇ ਪਿੰਡ ਸ਼ਹਿਰ ਵਿੱਚ,
ਦੋਸਤੋ ਵੱਡੇ ਬਹੁਤ ਘਰਾਣੇ ਹੁੰਦੇ।
ਰੂੜੀਆਂ ਹੋਵਣ ਜਿਸ ਪਿੰਡ ਵੱਡੀਆਂ,
ਓਥੇ ਚੋਬਰ ਬਹੁ ਜਰਵਾਣੇ ਹੁੰਦੇ।
ਲੜਾਈ ਝਗੜਾ ਜਿਸ ਪਿੰਡ ਹੈਨੀ,
ਬਜ਼ੁਰਗ ਨੇ ਉੱਥੇ ਸਿਆਣੇ ਹੁੰਦੇ।
ਧੜੇਬੰਦੀ ਨਾ ਜਿਸ ਪਿੰਡ ਹੋਵੇ,
ਕਦੇ ਲੋਕ ਨਾ ਜਾਂਦੇ ਥਾਣੇ ਹੁੰਦੇ।
ਕੋਈ ਪਿੰਡ ਤੇ ਬਿਪਤਾ ਪੈਜੇ ਸਾਂਝੀ,
ਸੱਭ ਮਨਦੇ ਰੱਬ ਦੇ ਭਾਣੇ ਹੁੰਦੇ।
ਦੱਦਾਹੂਰੀਆ ਹਿੱਕ ਕੱਢ ਤੁਰਦੇ,
ਨਾ ਕਿਸੇ ਗੱਲੋਂ ਜੋ ਕਾਣੇ ਹੁੰਦੇ।
ਸਮਾਈ ਵਾਲਾ ਪਾਠ ਪੜਨ ਜੇ,
ਨਾ ਕਦੇ ਉਲਝੇ ਪੇਟੇ ਬੇਟੇ ਤਾਣੇ ਹੁੰਦੇ।
ਜਸਵੀਰ ਸ਼ਰਮਾ ਦੱਦਾਹੂਰ ,ਸ਼੍ਰੀ ਮੁਕਤਸਰ ਸਾਹਿਬ
