ਜ਼ਿਮਨੀ ਚੋਣ ਸੰਗਰੂਰ ਦੀ ਆਈ ਸਿਰ ਤੇ,
ਰਹਿਣਾ ਹੁਸ਼ਿਆਰ ਪੰਜਾਬੀਓ ਸਾਰਿਆਂ ਨੇ।
ਸਬਜ਼ਬਾਗ ਵਿਖਾਉਣੇ ਆ ਆ ਸੱਭ ਨੇ ,
ਬੇੜਾ ਡੋਬਿਆ ਅੱਗੇ ਹੀ ਲਾਰਿਆਂ ਨੇ।
ਕੀਹਨੇ ਕੀ ਕੀਤਾ ਪਹਿਲਾਂ ਤੇ ਕਿਹੜਾ ਹੈ ਕਰੀ ਜਾਂਦਾ,
ਬਦਲਾਅ ਲਿਆਉਣ ਲਈ ਲਾਇਆ ਜੋਰ ਸਾਰਿਆਂ ਨੇ।
ਲੋਕਾਂ ਨੇ ਆਪਣੇ ਅਨੁਭਵ ਨਾਲ ਬਦਲਿਆ ਹੈ ਢਾਂਚਾ,
ਹਾਮੀ ਭਰੀ ਹੈ ਅਕਾਸ਼ ਦੇ ਚੰਨ ਤੇ ਤਾਰਿਆਂ ਨੇ।
ਨਫ਼ੇ ਨੁਕਸਾਨ ਨੂੰ ਵੀ ਆਪਾਂ ਭਲੀਭਾਂਤ ਸੱਭ ਜਾਣਦੇ ਹਾਂ,
ਹਾਲੋਂ ਬੇਹਾਲ ਕੀਤਾ ਹੈ ਹੰਝੂਆਂ ਖਾਰਿਆਂ ਨੇ।
ਸੋਚਣ ਤੇ ਸਮਝਣ ਦੀ ਦੋਸਤੋ ਹੈ ਲੋੜ ਡਾਢੀ,
ਕੁੱਝ ਕਰਨਾ ਨਹੀਂ ਹੈ ਜ਼ਮੀਰ ਦਿਆਂ ਮਾਰਿਆਂ ਨੇ।
ਜੇ ਪੰਜਾਬ ਪੰਜਾਬੀ ਤੇ ਪੰਜਾਬੀਅਤ ਲਈ ਸੋਚਣਾ ਹੈ,
ਭਲਾ ਕਰਨਾ ਹੈ ਲੋਕਾਂ ਵੱਲੋਂ ਸਤਿਕਾਰਿਆਂ ਨੇ।
ਦੱਦਾਹੂਰੀਆ ਕਹੇ ਹੱਥੋਂ ਸਮਾਂ ਨਾ ਗਵਾ ਲਿਆ ਜੋ,
ਖੁੱਭੀ ਕੱਢਣੀ ਹੈ ਓਹਦੇ ਸਹਾਰਿਆਂ ਨੇ।
ਨਿਰਖ ਪਰਖ ਕੇ ਤਾਕਤ ਹੱਥ ਦਿਓ ਓਹਦੇ,
ਨੁਕਸਾਨ ਕਰਨਾ ਹੈ ਗੁੱਝੇ ਇਸ਼ਾਰਿਆਂ ਨੇ।
ਕੁੱਲੀ ਗੁੱਲੀ ਜੁੱਲੀ ਦੀ ਸੱਭ ਨੂੰ ਹੈ ਜ਼ਰੂਰਤ,
ਸਤਾਇਆ ਬਹੁਤ ਹੈ ਸੜਕ ਕਿਨਾਰਿਆਂ ਨੇ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
